自由講場今日: 1730|主題: 1330978

收藏本版

發帖

返回列表

跳至頁

查看: 3723 | 回覆: 90

呢間新聞,關於援交,但個女仔講左個POINT出黎都幾重要

[複製鏈接]

12 3 4 5

babybaby0802

子爵府

積分: 13636

好媽媽勳章

1^#

發表於 12-12-6 10:18 |只看該作者 |倒序瀏覽 |打印

值得我地父母思想下.
個女仔話,屋企人一路比佢的金錢觀就係:
"有錢就可以保護自己"之類,呢個世界係甘現實,我冇$買禮物交換,經朋友介紹就做呢D野"
我覺得女仔父母係有講到真正的社會現象比個女仔知,
但係冇教導仔女應該點樣用正確的方法去面對金錢的問題~
同埋朋友影響真係好緊要~!!

http://hk.apple.nextmedia.com/news/art/20121206/18092258

少女援交　為買聖誕禮物　
社工提醒家長留意接客密碼

【本報訊】聖誕將至，青少年外出玩樂、購買禮物所費不菲，容易墮入援交陷阱。17歲的小敏（化名）兩年前的聖誕節為籌錢買禮物，在損友慫恿下援交。回首援交歲月，小敏低頭感嘆：「援交令我染上性病，自己都覺得自己好污糟，又驚傳染畀人，真係好唔抵。」社工陳曉盈呼籲父母多與子女溝通零用錢金額，留意子女有否在上網時使用援交密碼接客。
記者：潘柏林

兩年前聖誕節前夕，小敏與朋友相約交換禮物，但當時父母零用錢管束甚嚴，每日只給20元零用錢。她於是向朋友詢問賺錢方法，損友竟慫恿她援交，「佢哋話識得幾個有錢佬，同佢哋social吓，就有幾百至一千蚊。」數日後損友約小敏和援交客人唱卡拉OK，她不以為意便答應赴約。
小敏首次援交便被客人灌醉，強行發生性行為，「飲到迷迷糊糊我知道有人摸我，但係我唔係好敢郁，我好驚，佢叫我做咩我就做，個腦一片空白，家諗番好惡心。」首次援交後小敏思想大變，斷斷續續近一年援交生涯，「佢哋鍾意玩女人，家俾我玩番轉頭囉，我話買咩佢就買畀我，我話冇錢使佢又畀我。」
《援助手冊》助察言觀色
如今小敏在社工輔導後，擺脫援交生活一年多，但已染上梅毒、念珠菌和椰菜花等多種性病。她感嘆：「援交失去嘅嘢比得到嘅多，援交賺到嘅錢保護唔到自己，反而令自己受傷害。」社工陳曉盈指聖誕節青少年外出消費較多，家長應與子女溝通零用錢需要，「仔女有需要錢時候，家長應該同仔女傾，買禮物要幾千蚊，有冇咁嘅需要呢?」
循道衛理楊震社會服務處今年收到逾80宗援交求助個案，較去年同期30宗多逾一倍，服務處本月初出版《援助手冊》，教導家長了解網絡常用的援交密碼（見表）。陳曉盈呼籲家長緊貼潮流，了解網絡用語，亦要留意子女會否有幾張電話卡，一張與家人聯絡，一張與客人聯絡。
由去年4月至今年11月警方接獲80宗有關援交的報案，受害人全部未成年，介乎14至17歲；80名被捕人士則介乎14至64歲，涉及罪行包括依靠他人賣淫的收入為生、與年齡在16歲以下的女童性交和唆使他人作不道德行為等。
警方強調會經常作網上巡邏，進入可疑網站的聊天室或討論區，查察是否有人安排非法賣淫。