夫婦情感今日: 3|主題: 42652

收藏本版

發帖

返回列表

跳至頁

查看: 2312 | 回覆: 48

有少許成果~~ [複製鏈接]

12 3

mimiNbaby

男爵府

積分: 5888

陪月勳章

1^#

發表於 12-12-12 16:12 |只看該作者 |倒序瀏覽 |打印

本帖最後由 mimiNbaby 於 12-12-12 16:15 編輯

之前同老公感情上有啲問題, 大家一齊耐左, 以為一切都理所當然, 佢專注事業, 我專注小朋友, 結果大家感情淡了好多, 令疑似"小三"出現想介入, 我既心情曾經跌到落谷底, 認定老公已出左軌, 傷心左好一段日子, 不過宜家努力左一段日子, 修補關係, 好像有點成果, 開心番好多了.

我仍然相信我老公本質不壞, 只係因為大家一齊左咁耐, 覺得好多野都理所當然咁, 維繫得唔好, 令到"小三"有機可乘. 經過今次, 反省過自己過去有啲乜野忽略左, 宜家做番. 知道自己成日有負面情緒令老公有壓力, 於是報下啲course, 學習下點樣諗野正面啲, 學習要放下, 唔好再記著以前發生過既事.

最初作出改變時, 真係有點辛苦, 因為, 成日擔心著到底老公會唔會為我改變, 到底我地既關係會唔會變好番, 初時真係覺得好辛苦, 點解做錯事係佢但要我自己做咁多野去修補. 有時覺得付出了, 但睇唔到回報, 個心就好灰, 好想放棄. 雖然我知道, 對方既改變唔係即時的, 亦唔應該計較, 不過自己心急, 總係想快啲睇到對方都在變.

不過呢兩個幾月, 睇到老公明顯都唔同左好多了, 同佢關係sweet番好多. 以前大家分開時我想kiss下佢會整個好似"使唔使呀"咁既樣黎kiss, 宜家佢會主動錫我一啖先走. 佢亦都多左關心我. 知佢做野忙已經好攰, 雖然我一向好攰(因為我都要返工), 明明好想晚黑佢幫手照顧個細路, 我都頂硬上撐埋落去, 結果有晚我頂唔順攰到不得了, 終於忍唔住食完飯就去休息下. 結果佢見到我瞓左想等我休息多陣, 自己帶左兩個細路返屋企, 讓我喺我媽咪到休息多陣先. 我返到屋企, 見到佢係小朋友間房到準備緊個細路瞓覺,我過去講左聲"唔該哂呀", 佢回左我一句: "咁頭家我都有份", 當堂sweet哂. 佢好少可咁講野架, 一齊得太耐, 佢已經好少講呢啲說話. 同埋語氣都明顯不同了, 以前佢語氣唔得溫和, 聽落總係好"un"耳, 宜家唔同左, 聽落舒服好多. 另外上次早餐事件, 佢主動左約我食下tea/早餐, 真係明顯地feel到佢同以前唔同左, 終於有"回報"喇.

宜家諗番當初發現疑似"小三"時, 佢所講既野, 宜家會諗番正面啲. 當初知道時, 滿腦子只有負面野, 佢講乜我都諗成負面的, 佢話佢"唔會因為呢個女仔而放棄頭家", 話"唔會視佢係結婚對象", 我會諗成: "佢一開始已經諗住同呢個女仔玩玩下, 不過唔會唔要我地啫", 覺得佢做乜講乜都係呃我, 宜家諗番, 都應該有80-90%真...... (雖然自己仲有10%保留, 佢可能真係出左軌.....)

所以各位努力緊既jm, 加油呀, 修補婚姻條路真係好漫長, 有快有慢, 有上有落, 有時見到老公好左啲, 過一排又會有野令我唔開心, 不過過左排又好左. 但係, 好既成果慢慢會愈來愈多, 宜家同老公真係開心左好多, 我地兩個少左"咬giu" (唔識打), 多左體諒對方. 不過我地仲有好多地方去改善, 我會繼續努力, 希望同老公既關係更進一步, 以後冇機會俾人乘虛而入!!!!! (不過宜家有樣野想改善但無成果咁........ 頭痛中...... )