夫婦情感今日: 1|主題: 42681

收藏本版

發帖

返回列表

跳至頁

查看: 3371 | 回覆: 10

男人對你失去信心係咪無得挽回？ [複製鏈接]

Jacsikat

洋房

積分: 94

1^#

發表於 12-12-14 15:15 |只看該作者 |倒序瀏覽 |打印

我同我男朋友一齊左4年，第二年開始同居。佢大我大概10年，比較大男人但都好錫我對我好好！我一直都視佢為終身伴侶，大家都會諗結婚，但我好似執屋等既野都做唔好所以佢覺得我未准備好！加上之前佢投資輸左錢所以一直都未有時機。

前兩日佢同我講分手，原因係9月時候佢覺得我同我某個異性朋友曖昧鬧過分手，我應承左唔再聯絡個朋友！不過我無做到個承諾。事源係前兩日個男仔朋友wtsapp我話佢要同前女友求婚，但我地無聯絡前佢地已經分手大半年無聯絡，於是我站係朋友既角度同佢傾覺得未必可行，女仔心態諗法會變左，最後自己傷害自己！大概傾左20分鐘左右，我最後有話如果佢都執意我都會支持，同埋叫佢有咩要幫忙出聲！之後我同個男仔講話我諗到自己同見到佢咁有小小唔開心，因為我都好想結婚！唉，然後我就email jor個對話比我另一個朋友睇因為我成日都好怕會講錯野所以有時懷疑自己時都會比我好朋友睇下！睇下自己有無問題。

點知我CC左比自己，之後email acc connect jor 去ipad，男朋友睇到就好惱覺得我誠信破產而且好心死心痛要同我分手！佢認為我中要留份比自己留戀。佢話若要人不知除非己莫為！佢好傷心，話會搬走！叫我好好生活！我同佢解釋話我只係見到朋友有事揾我，而且玩開既人得我知道個男仔女朋友係邊個，所以我先會去同佢傾！男朋友就話我無諗過佢，根本係我多心，而且對我已經無信任叫我唔好強求！

我呢兩日都有斷斷續續嘗試同佢溝通，佢都有覆我不過講既都好決絕！話覺得我講既憑咩要佢信，所有甜言蜜語都好嘔心又話唔會改變主意！我話用行動證明佢就話我多餘，次次都咁講！唉...

呢兩晚佢都有返黎訓但大家都無講野！4年感情我唔想就咁完啊！我知道係我衰，我雖然咩都無同個男仔發生過但信息曖昧，佢原諒我一次4個月左右我又同個男仔聯絡！我真係唔知點做好，又好怕佢覺得我好煩！求求大家比D意見我！

心急人上！萬份感謝！！

0 0 0

私人傳訊

bkfans

禁止訪問

積分: 67524

2^#

發表於 12-12-20 17:52 |只看該作者

提示: 作者被禁止或刪除內容自動屏蔽

私人傳訊

lovepasserby

複式洋房

積分: 154

3^#

發表於 12-12-20 19:26 |只看該作者

回覆：男人對你失去信心係咪無得挽回？

肉痳d講，好睇你男朋友有幾愛你有幾想同你一齊，我都係過來人，識我另一半時，佢ex成日揾佢，有時一班舊朋友食飯，有時甚至單獨兩人，不過佢不時會打比我講佢喺邊，做緊乜，幾年前試過話要比我另一半聽，要追個女仔，點樣做買d乜，就連我哋結婚都有請佢添！其他人聽落會覺得好好笑，但係試問邊個人無過去，邊個人無自己嘅秘密？當然，我都會同佢講我嘅感受，話比佢知，其實大家有自己生活啫，無乜需要少d聯絡啦，我都係人，會有d唔舒服㗎, 就係咁，佢哋越嚟越少聯絡，最後無咗影！其實，你bf唔鍾意，咪同ex講白d, 相信佢會明白，唔再揾你，至於男朋友，你要重新表明立場，比番多d安全感佢，努力做一d嘢比佢睇，希望佢會明白！gd luck, add oil........