大仔大女媽媽會今日: 0|主題: 177860

收藏本版

發帖

返回列表

跳至頁

查看: 660 | 回覆: 0

[2010年] 10月7號BB囡 [複製鏈接]

水晶靈

複式洋房

積分: 255

1^#

發表於 12-12-20 00:46 |只看該作者 |倒序瀏覽 |打印

囡囡快27個月了,我本身係全職媽咪.想同大家分享下我囡囡的發育情況,希望同各位媽咪交流下.
1.囡囡很多時叫她著衫,她超唔合作,特別是沖完涼後,經常都要花15分鐘幫她著衫,每次著尿片(她用pampers超薄),她都要搵羊咩公仔尿片,同她講冇,她唔信,仲要自己去摷個袋入面.或者係夾住個patpat唔俾我幫她著尿片.
2.同她出街,她自己行得個兩分鐘,就要我抱,很多時我都惱到罵她話"唔行,就唔去街啦,"仲要我拉住她返轉頭行,她先知驚.搭車時,她成日好似軟皮蛇咁,坐唔定,係個坐位度爬上爬茖,仲要企都企唔好,成日想蹲低,想抱她起身,她就同我扯力,很多時她d衫就吊起晒,真係一d都唔係女仔樣.有時我都懷疑她係咪投錯胎,男變佐女.
3.依家我都有同她報playgroup.己經上佐好幾個月.但她仍然係坐唔定的.每次到要坐低睇閃卡個part.她坐低唔夠一分鐘就即刻起身周圍走,抱她坐返低,她就反抗,拱起個身,成個訓係地下,郁來郁去.每次我都要諗盡辦法吸引她注意力去睇圖片,很多時我都諗,如果冇家長陪同,她自己上堂,專注力咁低,咪更加學唔到任何野?
4.她有時自己係度唱歌,我想同她一起唱,她都會話唔要媽咪唱,有時見她個衫袖冇整好,想幫她整,她就會推開我手,唔要我摸她,係好直接地話"唔要"個只.反正就係唔俾我碰她.
5.不過她出街食飯都幾乖的,識自己食,同識攞住個杯飲水,食飯時,每次加個碗仔同杯水俾她,她就會自己食架了,又唔會特別要求要飲我個杯可樂.呢點係我最滿意她的地方了.