香港18區媽媽會今日: 2|主題: 156932

收藏本版

發帖

返回列表

跳至頁

查看: 690 | 回覆: 0

[葵青區] 青衣城Taste超市有惡女人"蝦"孕婦 [複製鏈接]

Demongirl

大宅

積分: 2183

畀面勳章

1^#

發表於 12-12-31 01:55 |只看該作者 |倒序瀏覽 |打印

本帖最後由 Demongirl 於 12-12-31 01:56 編輯

頭先約7pm去超巿買嘢，見到有個惡女人約四十幾歲，近cashier位勁話右邊隔離隊個孕婦打尖，個孕婦話自己已排好耐隊, 呢度有兩個cashier, 應該有兩條隊。
我當時排喺個惡女人左邊條隊，望過去，嗰邊有兩個cashier, 有兩條隊，完全無問題。我呢邊都係兩個cashier，兩條隊。除咗最左邊一條快缐，一條超長隊，但有幾個cashier。
個惡女人一路排隊，一路話個孕婦，又話自己後面有一條長龍，但個孕婦後面都有條龍。個孕婦應佢幾次好無耐，孕婦前面個姨姨唔識佢哋嘅都忍唔住，另轉望一望個惡女人，跟住同孕婦話唔好理啲咁嘅人。跟住孕婦無理佢。但個惡女人得寸進尺，越話越大聲，突然個惡女人後面個男人大聲叫個女人shut up！跟住一連串英文勁罵個惡女人, 個惡女人當然唔𢴇輸還擊。重話個男人咁大聲罵女人，蝦女人。嘩！咁嘅人都有，我喺佢哋隔離睇同聽得好清楚，係個惡女人自己勁蝦個孕婦先
連前面個姨姨都再忍唔住另轉後望住惡女人，搖頭嘆氣！我當時好想出聲話個惡女人
原來個男人係個孕婦C6, 原先一條隊，臨到cashier前啲人先知嗰度有兩個cashier, 所以立即分咗兩條隊，但後面啲人唔知以為前面得一個cashier, 所以仍然一條隊，好似Y字咁。咁個孕婦排喺個惡女人後面，見前面分兩條隊，而個惡女人照跟原隊，個孕婦自己去隔離隊，有人都跟住排隔離隊，孕婦C6繼續排個惡女人後，一人排一條隊，很多人都分兩條隊，睇下邊條快啲，好正常。
我都試過排排下隊，見前面及後面啲人喺隔離突然排多一條排出嚟，先知原來前面有兩個cashier, 跟唔跟新隊，自己選擇。
幾分鐘對罵後，Taste先有個staff埋去用幾個stand分清兩條隊。
個惡女人臨走前重用手提影人哋兩公婆，勁衰格！我重聽到佢話擺上網，勁無品！