夫婦情感

跳至

首頁

尾頁
   9


大宅

積分: 4373


1#
發表於 13-1-8 13:56 |只看該作者
本帖最後由 toyamis 於 13-1-8 13:58 編輯

有冇JM 既C6中左其中一條呢....


女人,無論智商有幾高,對男人都總有「走漏眼」的時候,尤其感情會令人失去理智,甚至明知愛錯了,還是會說「重頭來過,還是會嫁他」…。為免嫁錯郎後悔莫及,各位姊妹,在戀愛時還是要理智一點,看清身邊男人是否值得托付終身!

1. 有嚴重自戀傾向的男人:經常有意無意「哂命」,哂人工、哂才華、哂物質,自命條件極佳,暗示佢「睇得上你」係你行運。呢種男人只會活在自己的世界,難以真誠地與人溝通,心入面只有自己是最好的,其他人都不算甚麼,包括你再內。


2. 曾經出軌的男人:一次不忠,百次不用,習慣花天酒地的男人,在他的眼裡「女人如衣服」,而換衫就如同心癮一樣,唔好奢求佢會放棄呢種嗜好。


3. 沒膊頭沒腰骨的男人:自己做的事要敢於承擔,一有事就推卸責任,走都走唔切,要身邊的人幫手擋戰的男人不但卑鄙而且可恥,嫁得佢預左蘇州屎都有排你掃,真係執到都喊三聲。


4. 講大話不眨眼的男人:與說話無句真的男人相處得耐,會變的疑心超重,因為完全估唔到佢幾時真幾時假,結果只會被耍得陀陀擰,註定要蝕底。


5. 戀愛經驗過多的男人:身邊永遠要keep住幾個「深愛我的紅顏知己」,對象換完一個又一個都覺得唔理想,即使已有伴侶仍然想搵個更好,不斷騎牛搵馬,鐘意周圍撩女仔玩曖昧,永遠在尋找「真愛」,其實最愛的只有佢自己。


6. 與父母關係欠佳的男人:一個人與父母家人的相處模式,或多或少就係佢處理婚姻關係的潛意識。如果佢同父母溝通不良,或到處結怨,當你同佢成為家人時,亦唔見得可以好好相處。


7. 一貧如洗的男人:愛情係重要,但都要建基於麵包之上。所謂貧賤夫妻百事哀,如果一個男人三餐不繼,個個月連奶粉錢都同供樓錢都成問題,甚至負責纍纍,你跟著佢只會得個捱字。所以女人千萬不能感情用事嫁給窮光蛋,除非自己好有錢。


8. 斤斤計較的男人:窮都唔係最可怕,最難頂係對任何事都斤斤計較。已經唔係學生哥,但所有洗費都AA制,連零頭都唔放過。呢種吝嗇小氣的男人心胸一定狹窄而且小心眼,嫁得畀佢,肯定唔餓死都激死。


9. 吃軟飯的男人:不求上進的男人如同寄生蟲,一心只想靠女人來養,對女人更不可能有真心可言。如果佢厚面皮到開口問你借錢甚至要零用錢,就真係早飛早著。


10. 任何事都彈三彈四的男人:佢對任何事都睇唔上眼,不斷數落身邊朋友,甚至貶低歷任女友,即使佢「勉為其難」揀左你,都會繼續樣樣嫌三嫌四,婚後肯定有排你受!


11. 經常粗口爛舌的男人:動不動就用三字經問候人的男人一般都脾氣暴燥,非常容易動怒,婚後一定要飽受言語上的暴力,點解要自己咁辛苦?


12. 打女人的男人:呢種人一旦發起脾氣,芝麻綠豆大的事都可以鬧得天翻地覆,除非你有當沙包的興趣,否則婚前就有暴力傾向的人,在婚姻中一定是一顆不定時的炸彈。


13. 好食懶非的男人:男人可以無錢,但唔可以無上進心,否則將來日子點過?唔通要靠女的養?日日不務正業無所事事,或做邊一行都不長久的男人,實在嫁不得。


14. 過分沉迷不良嗜好的男人:有嫖賭吸毒傾向的男人固然唔洗諗,但即使是過酒癮/煙癮太過嚴重或太沉迷投機炒賣都唔係咩好事,最怕係婚後變本加厲,遭殃的只會是你。


15. 前科累累的男人:唔好被電視劇洗腦,以為江湖人物都義字行頭,即使你確信佢對你有情有義,但嫁給一個會作姦犯科、惹事生非的麻煩製造者,就算唔洗幫佢收拾爛攤子,都終日提心吊膽,邊會有幸褔可言?


16. 奸詐狡猾的男人:機心重的人,一般比較冷酷無情而且唔會真誠待人,為求達到目的不擇手段,甚至會利用身邊人,實在難以睇穿佢對你是真心定假意,長遠落去只會演變成愛猜疑的心理,實在嫁不得。


17. 用情不專的男人:雖則世上並無不「花心」的男人,但有「有自制力」的男人,女人要的只是男人的專一。江山易改本性難移,婚前喜歡到處留情的花心男,唔好妄想佢婚後會為你改變,何苦用一生去苦等?


18. 開口埋口「阿媽話」的男人:咩事都由阿媽出面的裙腳仔,又依賴又無主見,何況阿媽叫佢行佢唔夠膽企,同佢結婚你肯定大把冤屈氣要受,除非是你肯做佢第二個阿媽啦。


19. 過分大男人主義男人:唔浪漫唔細心都算了,但要你百分百服從的大男人,開口埋口只會話湊仔係女人的事,洗衫煮飯是女人的事,衣來將手飯來張口,將老婆當工人,收工同朋友食餐飯講個電話都要管你,嫁得畀佢肯定心力交瘁。


20. 對他毫無感覺的男人:一個男人由頭到腳都無問題,五官端正、事業有成、細心體貼,可以話無可挑剔,但你就係對佢無感覺,同去街完全唔上心,只係唔甘心放過一個條件不錯的老公人選…。算了,你都係放過佢吧啦。






侯爵府

積分: 20020

2025勳章 2025勳章蛇年勳章 2024年龍年勳章 牛年勳章 2018母親節勳章 2018復活節勳章 瞓得好勳章 食得好勳章 開心吸收勳章 大廚勳章 爸B勳章 BK Milk勳章


2#
發表於 13-1-8 14:31 |只看該作者
有好多都中


珍珠宮

積分: 41839


3#
發表於 13-1-8 14:34 |只看該作者

回覆:首發! 20種男人,女人打死都唔好嫁!

咁好難搵姐。


大宅

積分: 2096


4#
發表於 13-1-8 14:35 |只看該作者
中兩條... 唉


男爵府

積分: 8463


5#
發表於 13-1-8 14:45 |只看該作者
我果個..係爛口dd唶.....
好在我都唔弱....

點評

happyb_happyb  hahaha..咁咪天生一對  發表於 13-1-8 16:51


子爵府

積分: 13048

hashtag影視迷勳章 畀面勳章 BK Milk勳章


6#
發表於 13-1-8 14:46 |只看該作者
覺得呢個年代,想搵到個一條都唔中既男人, 應該機會都好渺茫

點評

happyb_happyb  岩, 睇中多定少  發表於 13-1-8 16:51
sammi


子爵府

積分: 13737


7#
發表於 13-1-8 14:52 |只看該作者
sammitang113 發表於 13-1-8 14:46
覺得呢個年代,想搵到個一條都唔中既男人, 應該機會都好渺茫
我老公真係一條都冇中喎..... 佢扮嘢扮唔到咁多年卦..............

教 養 孩 童 , 使 他 走 當 行 的 道 , 就 是 到 老 他 也 不 偏 離 。 (箴22:6)
Train up a child in the way he should go: and when he is old, he will not depart from it. (Proverbs 22:6)


珍珠宮

積分: 31479


8#
發表於 13-1-8 15:02 |只看該作者

回覆:首發! 20種男人,女人打死都唔好嫁!

C6 無中,以前勉強都可以話中18果項,不過唔係阿媽話,而係「我廢事我阿媽點點點啦」,經過我慢慢調教後,而家唔會了




大宅

積分: 4373


9#
發表於 13-1-8 15:31 |只看該作者

回覆:yikaho 的帖子

kaka, 所以咪結到婚囉

點評

yikaho  hahah!! 恩典太美麗!  發表於 13-1-8 15:40


複式洋房

積分: 120


10#
發表於 13-1-8 15:34 |只看該作者
萬中無一 哈哈


大宅

積分: 4373


11#
發表於 13-1-8 15:34 |只看該作者

引用:咁好難搵姐。

原帖由 咖央 於 13-01-08 發表
咁好難搵姐。
就係難揾先至係好男人丫麻


大宅

積分: 4373


12#
發表於 13-1-8 15:36 |只看該作者

引用:我果個..係爛口dd唶.....好在我都唔弱....

原帖由 hello_kristy 於 13-01-08 發表
我果個..係爛口dd唶.....
好在我都唔弱....
呢d 叫夫唱婦隨?


男爵府

積分: 7175

畀面勳章


13#
發表於 13-1-8 16:11 |只看該作者

回覆:toyamis 的帖子

好在未有,但冇呢d缺點都唔等如好男人啫:;pppp:



親賢能, 遠小人


伯爵府

積分: 18754

畀面勳章


14#
發表於 13-1-8 16:18 |只看該作者
.....我 c6 都冇中喎...
不過佢真係一個好男人黎.....暫時


大宅

積分: 3585


15#
發表於 13-1-8 16:22 |只看該作者

引用:覺得呢個年代,想搵到個一條都唔中既男人,+

原帖由 sammitang113 於 13-01-08 發表
覺得呢個年代,想搵到個一條都唔中既男人, 應該機會都好渺茫
哈哈,我C6一條都吾中!



點評

qq11    發表於 13-1-22 16:23


大宅

積分: 4373


16#
發表於 13-1-8 16:28 |只看該作者

引用:好在未有,但冇呢d缺點都唔等如好男人啫 +

原帖由 Pradagal 於 13-01-08 發表
好在未有,但冇呢d缺點都唔等如好男人啫
但至少唔係衰公先丫


翡翠宮

積分: 92886

2018復活節勳章 開心吸收勳章 我的育兒心得勳章 玩具勳章 畀面勳章 BK Milk勳章


17#
發表於 13-1-8 16:29 |只看該作者

回覆:首發! 20種男人,女人打死都唔好嫁!

唔中…


珍珠宮

積分: 33118

環保接龍勳章


18#
發表於 13-1-8 16:53 |只看該作者
中2-3條


公爵府

積分: 28517

畀面勳章


19#
發表於 13-1-8 16:58 |只看該作者

回覆:首發! 20種男人,女人打死都唔好嫁!

7)仲要講明一定要生仔,真係好唔想嫁


子爵府

積分: 12943


20#
發表於 13-1-8 17:01 |只看該作者
點解要分咁多種呢,很多都是重複的

首頁

尾頁

跳至