大家幫我平下理罷
各位mami,
本有遇到一件事, 現希望大家幫我平下理. 究竟誰是誰非呀.
話說有一晚,我同個囡係度等緊巴士,(我個囡四歲,因有散光,所以必須帶眼鏡). 咁巴士未到當然係同個囡傾下計啦! 我地都等左好耐.....誰不知,有位路人甲(中年女人)答咀啦.
甲 - 路人甲
女 - 小囡
我 - 本人
甲:小朋友, 妳幾多歲呀?
女:四歲半呀
甲:嘩!做咩野佢咁細個就比佢帶眼鏡呀
我:因佢有散光,所以要帶glasses去糾正
甲:如係我就點都唔比佢帶啦 (好大聲咁講)
女:......(開始有d怕而捉緊我隻手,因個女人企係佢前面)
我:因醫生話,如視力有問題,就要快d糾正,就好d
甲:小朋友, 快d除左副glasses啦! 因除左會靚女d架
女:.....
我:.....(我想拖個女,行埋一邊等巴士)
誰不知,不出兩秒, 亞甲用佢隻手係我個女眼前用左兩至三下 (好似叫的士的手勢).....我同個女好surprise 而我亦好嬲咁, 問佢
我:喂!妳做咩野呀
甲:冇,我想睇下妳個女係咪真係睇唔到野姐.....
我:小姐, 我個女係散光咋!
甲:佢睇到野咩!
我開始唔出聲, 直到巴士到左我同個女上車時. 個女人話我地冇禮貌. 我忍唔住就回她 '如果,妳冇做到d手勢,我個女唔會咁怕你的'
誰不知,佢係巴士大聲話我唔啱,佢冇錯.....唉!香港而家真係咩野人都有.....真係當晚比個女人激到彈起....究竟我係咪冇禮貌呢! 請大家講句公道說話
many thx! :-(
靖靖已經七歲半啦...佢好似我細個咁, 成日都好痴媽咪! :)
發表於 
返回列表
