吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 借個位發泄吓！

婆媳關係今日: 0|主題: 27766

收藏本版

發帖

返回列表

跳至頁

查看: 1820 | 回覆: 30

借個位發泄吓！ [複製鏈接]

evangelinehong

複式洋房

積分: 407

1^#

發表於 13-1-18 01:42 |只看該作者 |倒序瀏覽 |打印

我真是好嬲、好難原諒我99！點解要我去理一個咁嘅人！
1)嫌我做屋企嘅家務做得唔好，話以前我未係佢新抱就會對我客氣！同我講而家做佢新抱就要順佢意，要聽聽話話！
2)係我小產出院返到屋企嘅時候，一見到我就開聲叫我返娘家住！又話我害死佢個孫，仲講佢唔稀罕我第時啲囝囡叫佢做阿嫲！
3)到我又有咗BB嘅時候推撞我落地，搞到我患上創傷後遺症日日發惡夢，仲令到我跳樓自殺，如果唔是老公係度，我諗已經跳咗落去！
4)成日同我哋講間屋係佢嘅，叫我哋搬，迫我哋走！
5)我哋搬走咗，佢又係度喊苦喊忽！話我唔比佢見孫湊孫(但我仲未生)，仲將佢之前講過、做過嘅事，全部話冇講過、冇做過！如果唔是有老公聽過見到，鬧番佢轉頭，佢真是覺得自己從來都冇錯過！
我覺得我真是冇可能再見99！我討厭同憎恨佢嘅程度，已經去到就算他朝有日佢有重病，我都冇可能會去照顧、去睇佢！就算佢死，我都唔會見佢！點解身邊嘅人唔明白全部嘅事，就只會話……
“你做後生嘅，咪就吓啲老嘅囉！”
“佢係咁㗎喇，老人家係咁口直心快！”
“ 同佢講聲對唔住咪算囉！有咩好計！”
點解一定要係我哋做後生嘅去就個老嘅？點解佢老人家就可以口直心快？講過做過嘅嘢就可以粉筆字抹咗佢當冇發生過？我由頭到尾都冇做啲對佢唔住嘅事，點解要我同佢講對唔住！調番轉要佢原諒我？點解要我原諒一個推我落地、想傷害我嘅人？我只可以講一句“針唔吉到肉真是唔知痛！”，我親身體驗過先知，係你心靈最無助、絕望、恐懼嘅時候，仲要比人落井下石，係你傷口上灑鹽嘅嗰種痛！你冇經歷過係唔知有幾痛到入心！所以唔好再叫我點做點做！我冇可能做到！我發泄完了！

點評

paperho 唔好亂諗野呀,你家人會好傷心架,照顧好自己同BB先啦,其他野到時先算! 發表於 13-1-18 12:47

0 0 0

私人傳訊

dorothy227

男爵府

積分: 6858

2^#

發表於 13-1-18 01:52 |只看該作者

回覆：evangelinehong 的帖子

你要加油，好好照顧自己和BB，不值得因為佢而失去生命

私人傳訊

kandyb

伯爵府

積分: 15550

畀面勳章 BK猜猜猜慶中秋 BK Milk勳章

3^#

發表於 13-1-18 02:05 |只看該作者

回覆：evangelinehong 的帖子

勸妳嗰d人都應該係老人家吧

好好生活，湊大個bb, 人地點講唔洗理，最緊要自己冇做錯，做好本份。

私人傳訊

papa2011

珍珠宮

積分: 47280

4^#

發表於 13-1-18 05:34 |只看該作者

私人傳訊

cky34979

伯爵府

積分: 15838

育兒性格勳章畀面勳章

5^#

發表於 13-1-18 08:08 |只看該作者

回覆 evangelinehong 的帖子

痴線99

私人傳訊

onalumni

大宅

積分: 2538

6^#

發表於 13-1-18 08:37 |只看該作者

回覆：借個位發泄吓！

其他人唔使理，最緊要c6明白支持

私人傳訊

小兔咪咪

大宅

積分: 1286

7^#

發表於 13-1-18 09:08 |只看該作者

回覆：借個位發泄吓！

發泄吓會好啲㗎，唔好亂諗嘢！總知做返自己就得㗎喇，如果道理響自己果邊，使咩怕佢係奶奶定八婆。加油！

私人傳訊

tsoi520

男爵府

積分: 6167

8^#

發表於 13-1-18 09:30 |只看該作者

你99可能精神有問題

我都覺得可以嘅話少D見面,
因為佢係你最傷心無助時同你講埋D咁嘢,
仲係你最需要人呵護保護時推撞你落地,
真係唔係一個正常人所為!!

不過我又覺得咁, 大時大節團年見一次半次,
呢D真係無可口非, 做個樣出黎都要,
見到面咪叫聲99, 食完咪BYE BYE,
遲D如果佢真係患重病, 探佢一次半次都係必須,
免得其他親戚多說話, C6都可能會唔鐘意,
影響感情就唔好。

對住你99, 唔洗講話原唔原諒, 從此當佢陌生人就得,
如果唔想C6太難做太難受, 咪見到面SAY HI SAY BYE。
樓主而家係咪有小朋友?? 如果係, 唔好諗咁多負面嘢喇~
反正而家已經唔洗對住佢, 一年亦見唔到幾次,
安心養胎啦~ 加油

私人傳訊

貧窮媽媽

水晶宮

積分: 51609

9^#

發表於 13-1-18 10:16 |只看該作者

呢d咁既99可以唔見就唔好見喇!話知佢喊苦喊忽啦!又唔係有親,點扮都搏唔到同情架喇!咁難得佢開聲趕你走.可以大條道理唔見佢.不過他日你呢個99真係有病又唔可以唔理佢既.要得閒睇吓佢死得未.

私人傳訊

selenahui

大宅

積分: 1980

10^#

發表於 13-1-18 10:20 |只看該作者

回覆：借個位發泄吓！

佢咁樣對你你真係唔需要再見佢，佢話你唔比佢見個孫?同佢講係佢推你個時佢已經無左個孫

私人傳訊

rm_hk2001

子爵府

積分: 12243

11^#

發表於 13-1-18 10:24 |只看該作者

回覆：evangelinehong 的帖子

生死不相往來太嚴重了，我係你只會係靈堂再見，送佢送我都好啦

私人傳訊

kktsoi

男爵府

積分: 8213

12^#

發表於 13-1-18 10:28 |只看該作者

加油阿, 維了這種人去了解自己生命, 真係好吾值得. 你父母一定好傷心....你都吾想他們老左都無人理.

如果你自己真係過吾到自己果關, 其他人點講真係吾使理, 佢地講得輕鬆, 因為佢地無面對甘的情形, 你可以吾回去睇佢, 但可以俾C6帶BB回去俾佢睇. 人地話時間可以沖淡一切, 惱還惱, 但吾好因為呢D人去令自己激心, 真係吾值得的.

希望你以後開心些

私人傳訊

LuyiuLady

男爵府

積分: 5982

13^#

發表於 13-1-18 10:49 |只看該作者

你99太過份~
既然唔能夠真心原諒佢，就唔好勉強自己，亦唔好諗太多~
有需要多d上來呻下~

私人傳訊

matthewconnielo

伯爵府

積分: 15922

BK Milk勳章

14^#

發表於 13-1-18 11:16 |只看該作者

小心身體, 好好保護自己及肚裡寶貝啊!

唔好咁勞氣啊, 開心D 陀BB !

認真就輸了!

私人傳訊

manman800800

男爵府

積分: 7569

環保接龍勳章

15^#

發表於 13-1-18 11:25 |只看該作者

人哋講嘢唔洗理，最重要自己知自己做咩，唔好比人影響，好好照顧BB
加油，支持你

私人傳訊

babyremy

別墅

積分: 918

16^#

發表於 13-1-18 11:29 |只看該作者

無錯，最緊要自己保重身體
唔好為咗99搞到自己唔開心
忍唔住就上黎呻下
呢度好多jm支持你架

私人傳訊

evangelinehong

複式洋房

積分: 407

17^#

發表於 13-1-19 00:19 |只看該作者

回覆：借個位發泄吓！

因為我哋搬咗返娘家住，仲同自己爸爸同媽咪商量過，會繼續長住直到有屋為止！我娘家好支持我哋，真是當我老公係仔咁錫㗎(尤其是我爸爸)！其實我都就快生得，可能就是BB就快出世！6299佢哋就開始係度“發功”！首先係99打電話比老公，喊苦喊忽話我哋唔想同佢住；之後就到62話自己突然輕咗成十幾磅，話醫生同佢講佢身體一定有事點點點(後來證實係糖尿病)！佢哋得我老公一個仔(對上有個家姐未嫁同佢哋一齊住)，仲要九代單傳，62都成日話第時佢哋間屋一定留番比老公點點點，叫我哋同佢一齊住！但是而家又是佢老婆趕我哋走！後來到我哋真是搬走咗喇！佢哋兩老知道我肚裡面係個仔，都已經非常高興！尤其是99，佢同老公講話係我唔想返去同佢住，但是唔可以唔比佢湊佢個寶貝乖孫！仲講話我唔想返去唔緊要，最緊要係老公帶佢個寶貝乖孫返去住、比佢湊就得！起初我完全唔知呢件事，但是有日老公問我係唔係生完BB都唔想返去？我就問老公點解咁問，比我問多兩問我先知99有講過呢啲嘢！好老實講，聽完知道呢件事我真是好嬲囉！當我係咩呀？生完要仔唔要個阿媽？我知道咗更肯定同99以後都唔會見！62我都會比面出嚟食吓嘢，比佢見吓抱吓個孫！但是如果係99我真是唔想亦唔願意比佢抱我BB，見吓都唔想！同埋我都同老公講到明，第時BB要去邊度都唔可以冇我係度。佢都應承話一定唔會“靜雞雞”帶走BB返去！如果話我執著，我係認㗎！我自問唔是聖人！我唔可能當99講過、做過嘅事係粉筆字抹咁咗佢！如果可以“老死不相往來”，我一定會！但是我知咁樣做老公會唔開心，所以我都主動答應佢，如果下年大時大節係成班親戚一齊食飯，我哋先帶埋BB返去！今年就唔返得去喇！因為我哋BB二月出世，之後我又要坐月都返唔到去！而家我哋都有共識，如果62係想約出嚟食飯，就睇吓時間夾唔夾到，同一定要冇99係度先至食！因為其實老公都好嬲99咁樣對我哋，只是嗰個人係佢阿媽，佢冇得揀唔理佢！我唔會唔比老公番去同佢阿媽食飯，但是如果要帶埋BB一齊返去就冇可能！又發泄完了！