本帖最後由 蝦米豬 於 13-1-24 13:51 編輯
我一向好有口德, 唔會隨便頂, 但今次真係.....
昨天去A藥房買廁紙, 店員很細心向內地客戶講解奶粉0-5號的特性, 冷冷一句"無"回絕我, 我唯有去B 藥房在雜物堆自己找要的東西, 直接去比錢, 不驚動他們的店員, 才買到東西
接著到百佳買嘢, 人多到.... 嗰間係大百佳, 有很多接著行李箱及手拖車的遊客辦年貨, 每人抬走多盒金莎、曲奇餅, 益力多, Chocolate... 很阻路, 我買的東西少, 但要排很久的隊.
帶阿B出街出動BB 車, 坐地鐵人多, 包括很多內地遊客我已盡量把車推入, 但其他乘客不移入我也沒有辦法. 下一站有人落車, 嫌我BB車阻路, 個男人對住架車爆粗, 我忍不住也回了....
香港人在香港何時變了二等公民? 我們的家在哪
(版主按: 版主修改了標題, 刪去一個不適合出街的字)
====
話說回來, 當年因為SARS好多公司唔掂, 好多人要放無薪價, 樓價都唔掂, 中央先送大禮開放自由行. 但估唔到一開水龍頭關不了, 且利益集團嚐過自由行甜頭, 還不誓死罕衞? 我們的小市民打工仔算是甚麼? 小小的薯仔, 一介草民蟻民, 除了在BK呻有乜可以做?
前朝的屎, 當朝都幾難執, 呢舊死cat都幾惡哽
===
原來新聞昨天已報導水貨客攻陷全香港.
我唔係先知, 但我知道今年辦年貨實比以前困難, 算了, 買少幾樣嘢唔會死.
香港果然係為人民(幣)服務....
願攜手渡過悲傷, life is still going on.
發表於 
返回列表
