仔仔好叻，一出世就好快識食，除了頭兩日整損了我少少，之後一直冇再整損我。
我真係好享受埋身，最憎係泵奶! 睇住泵了幾多奶出來，好似追數咁，要 meet target! 同埋泵得多，嗰日就好開心，泵得少個人就好 down! 可能自己好固執，決定全人奶就一定唔可以補粉，有時都幾大壓力。所以今日達到了目標，就不會再set 下個目標，想自己輕鬆番D。 諗番呢六個月，同好多jm一樣，過程中有懷疑自己係咪夠奶，尤其頭幾個星期，阿B當自己人肉奶咀，到了猛長期又驚一餐，到了差唔多滿月未戒夜奶畀c6引誘我補粉（我就同佢講唔得，夜晚造奶最多唔可以 skip） 到番工前打算半人奶（因公司冇房適合）好彩老細安排到咁又可以繼續全人奶! 到一個月前決定賣晒屋企D奶粉! 其實對自己有信心就可以! 唔好咁易放棄，係值得的。BB成日笑，又健康，真係幾辛苦都唔算得係D咩! 同埋每次埋身，一除鈕阿仔就舔利兼手舞足蹈，加上食緊好有安全感個樣，就會繼續落去! 阿仔媽咪真係好愛你! 
畀大家見下阿乖仔先! 多謝呢度的jm不停給的 support~ 呢D support 真係好重要!
發表於 
有媽媽的堅持BB好幸福
遲D同你女女「相睇」吖! 
返回列表
