Re: 好大對比
Eggwhite 寫道:
我近來才開始看"同老公的有趣對話", ng 知對不對: 好似發表的人都不是成日投訴c6 and 99的. 看來, 女人的快樂真是好視乎婚姻開不開心. 根本是兩個世界的人, 就講我自已, 和老公都成日鬧交, 又冷戰, 好無癮, 好down. 看"同老公的有趣對話", 真是百感交集, 見到人地d開心野, 都笑埋一份, 但轉過頭lum下自已, 真係想喊! 老公幽ng幽默, 關ng關心自已真係無得變ge.....
妳錯啦~~ 係有得變架!! 爭左妳願唔願意去做, 而佢又受唔受姐!!
好似我老公, 佢以前岩岩拍拖時, 個人拉得好緊, 又木獨, 而家5年啦, 改變左好多!!
重要既係, 妳要不斷係閒談中灌輸一d想法比佢, 當佢有進步時就要讚佢, 仲要好開心咁讚, 真心咁讚, 咁佢自然會想再有進步!!
講個例子比妳聽, 我老公係結婚前次次去廁所都唔會拉起廁板, 次次都整到週圍都係, 佢幾兄弟都係咁, 呢個係家教問題, 但結婚前我唔打算話佢, 都係自己用廁紙抺乾淨就算!
結婚後(我結婚8個月左右), 我有日同佢講(用嗲佢既語氣) "老公啊~~~ 不如你去廁所果時拎起塊廁板丫... 次次都要我抺, 好辛苦哦~~" 一星期後佢就明顯地有改進, 我已經有讚佢, 但係有一次, 佢明明訓到半夢半醒, 但都記得要拎起廁板, 我真係好開心, 第2日即刻讚佢, "老公啊~~ 你好西利哦~~ 點解你明明半夜唔清醒都仲可以記得要拎起廁板既, 你真係好西利哦~~~" 佢當堂happy到丫~~ 好似小學生被老師讚既樣呀~~
自此之後, 佢就再冇忘記拎起廁板!!!
而我到而家, 都仲有成日讚佢架~~
其實, 最緊要係妳自己要保持赤子之心, 佢自然會受妳既薰陶而有所改變, 記住, 當佢有所改進, 即使係幾少都好, 都要讚, 呢d係學習既原動力之一!!
妳幽默, 佢自然會變得幽默!
妳成日話愛佢, 佢就會成日同妳講愛妳!!
妳用赤子之心去看世界, 佢亦都會用赤子之心去看世界!!
呢個, 就係 "妳快樂, 所以我快樂" 既真義!!
姊妹們, 努力呀!!!
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
但其實我都唔想自己咁惡頂,有次,個c6激親我,但我冇發脾氣,反而c6呆呆哋,笑笑口問我係咪shot咗 
所以,我覺得與其要令佢改變,不如試吓改變自己先,行出第一步、第二步.....
返回列表
