唔好再打佢, 亦無需大聲鬧佢, 當佢做錯, 你拉佢埋一二邊(如果係街的話), 同佢講返佢做錯左D乜野, 叫佢同你講對唔住, 當佢做到, 你就抱抱佢, 同佢講下次唔好啦(雖然, 佢可能隔一陣又重覆做錯)
我以前都好易比佢激到發火, 狂鬧佢, 掉野黎發洩, 不過我就冇打佢, 我老公教我, 你要表面上做到好嬲, 但內心你要好冷靜! 好難, 不過慢慢會做到, 同埋提醒自己, 自己發火都冇用, 佢都唔知你做咩發火!
我女都差不多2歲2個月, 佢搶玩具時都推人, 咬人(可能見我有時會咬我老公), 我每次都同佢講唔可以咁, 近呢2個月少左發生呢個情況了, 可見同佢講係有用, 不過要時間耐D囉~ 畢竟佢只係得2歲~
另外你話當有其他人在場, 你個女會唔聽你話, 我諗, 你應該曾經試過有其他人在場時, 你教女, 其他人插手, 你冇堅持到最後, 所以你個女會知道, 啊~ 原來其他人可以撐我!
你可以由而家開始, 當你個女做錯時, 有其他人想插手你教女, 你就將囡囡抱開, 或示意其他人唔好插手(當然, 係冷靜及有禮地講, 唔係就會變成你同其他人之間的爭吵), 試多幾次, 囡囡就會知道, 原來做錯就一定要受罰, 冇人可以幫到我擋! 咁佢就唔會再係其他人在場時唔聽你講了~
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
返回列表
