2013年媽媽會今日: 0|主題: 26100

收藏本版

發帖

返回列表

跳至頁

查看: 846 | 回覆: 23

[2月] 報喜！報喜！ [複製鏈接]

pui_mami

大宅

積分: 2264

1^#

發表於 13-2-5 22:26 |只看該作者 |倒序瀏覽 |打印

本帖最後由 pui_mami 於 13-2-9 18:22 編輯

痛左十幾個鐘後終於順產生左個 7 磅 B 囡！瑪嘉烈既醫護人員我俾十個讚丫！

5/2 半夜 04:30 陣痛痛醒左，之後個胃唔舒服去左廁所嘔。
開頭係半個鐘痛一次，去到 06:00 變為 15 分鐘痛一次...
07:00 同 C6 飛的去醫院.....果陣已經係 5 分鐘一次....
好似 M 痛咁，個肚拿實晒.......但開頭既陣痛都仲可以用「呼吸法」頂到...

落到產房，08:00 換衫上產前房....等姑娘 CHECK 開度數...
09:00左右 CHECK 姑娘話未開，但鬆鬆地，CHECK 完去廁所見紅...
之後再陣痛、陣痛.....用「呼吸法」頂住！鼻吸口呼....

11:00 左右，用「呼吸法」已經開始頂唔住，叫姑娘幫我止痛，姑娘俾左「止痛機」我...
開頭都 OK WORK 架！但去到後期大痛既時候「止痛機」已經無咩作用....

中午 12:00 - 13:00 已經痛到食唔到飯，食完兩啖一痛就即刻嘔晒出黎...
C6 睇見我個樣都覺得勁無奈.....

去到下午.....陣痛加劇，真係好辛苦！
痛到電話都聽唔到，好想快 D 生....唔想再痛落去...

係咁追問姑娘幾時可以再 CHECK 宮頸...
( 因姑娘話開左一度，進入左第一產程先可以打「無痛針」...我超想打！)
姑娘話 CHECK 完無耐唔可以 CHECK 得咁密，叫我等下，多數第一胎會痛 10 個 8 個鐘？！
之後有個年紀較大既姑娘仲要寸我：
有 D 太太痛左幾日都係咁啦...係要等官頸開架喇...做媽媽真係唔易架

15:00 左右，左咁多個鐘加上痛密左 3 分鐘一次，已經開始頂唔順....
係咁按鐘問姑娘幾時可以 CHECK 度數，下午轉左更有個姑娘幾好人，肯幫我 CHECK....
CHECK 完話好似開左少少.....叫我再等下添...

17:00 再 CHECK，果時已經開左 2 度......真係好開心！終於等到，即刻叫姑娘打針！
勁驚姑娘會呃我.....C6 同我講野，我已經俾唔到反應佢，叫佢唔好同我講野住....
痛到個人又蹲下又坐椅又跪低咁......差唔多進入失控狀態....
好似好急屎好想痾，但姑娘又唔俾痾，係咁叫我用「呼吸法」頂住唔好亂用力痾....

17:30 打止痛針，打完無耐之後穿水....
再 CHECK，已經開到 5-6 度，換衫準備推落產房....
( 點知果陣產房未有位，我完全 O 晒咀，好想快D落去痾！)　

落到產房，好痛好痛，痛到我亂痾俾姑娘鬧....

試左兩次用力痾都唔得咁....
跟住有個醫生入左黎，大力起我肚上方按左幾下....
加上我用力 PUSH，FEEL 到有暖流流出黎，用左半個鐘時間就生左 BB 喇！

剪果下我係 FEEL 到既，比起陣痛既痛，其實都唔算太痛....( 姑娘話爆左少少 )
聯針果下有打止痛，但真係好〝大太監〞FEEL 囉....

後感：
瑪嘉烈既醫護人員 OVERALL 都幾好！
產前房既姑娘真係好好，要俾十個讚佢地，雖然有D姑娘係寸D，但佢都係講事實....
產房既既姑娘真係好惡同好寸，因為佢地要叫返 D 痛到魂魄唔齊既媽咪返黎....
產後房既姑娘都好好，好有耐性教你點餵奶，換片.....
有問題唔明又會答你，係有幾個年長既阿姐惡 D 態度又差....勁乞人憎！