意見反饋
義工

想生BB 今日: 124|主題: 98042

查看: 1284 | 回覆: 9
想問下有冇媽咪會打算/曾經返娘家安胎及坐月?


侯爵府

國民生產總值:23302


發表於 06-7-29 23:17 |顯示全部帖子

想問下有冇媽咪會打算/曾經返娘家安胎及坐月?

頭先同老公嘈完黎, 佢叫我上網問下大家會唔會返娘家安胎及坐月!!

我既情況係咁既, 我99住我對面, 出出入入都見到, 次次都要報到, 好似坐監咁, 我老公就叫我唔好理, 但我做人新抱, 唔同佢, 佢係自己仔, 就算搞到幾唔開心, 到最後氹返下咪又冇事, 我地d新抱就唔同勒, 講多句都唔敢, 驚死99記住, 之後搵返黎鬧, 尤其是我99, 明明冇講過佢都可以作出黎當係我講既, 我邊夠膽唔理佢??

而家我仲未知道係咪有左(因m遲左但-ve), 頭先同老公傾, 話最後一個月同坐月想返娘家, 佢好大反應, 又話咁又話咁, 最後用d好悔氣既語氣話 "而家講就同你講左架啦, 你唔聽我講, 到時唔好拉住我同我喊!!"

我真係好唔開心, 咩姐, 結婚前又係佢話坐月寧願返外家坐, 都唔好係呢度坐, 寧願佢阿媽鬧我返外家, 都好過鬧我唔食佢整d野, side錢之類, 佢話寧願剩係鬧一樣, 就係佢見唔到我, 好過見到, 但係樣樣野都執住黎鬧!
而家就同我講話我返娘家坐月係好唔比面男家, 即係話比人聽男家冇能力照顧到我, 所以我先要返娘家, 傳左出去好冇面!

咁即係點呀, 寧願我有產後抑鬱, 寧願冒住我抑鬱到想自殺既危險, 都唔想男家冇面!! 呢d咩思想黎架!! 男家既面子比起老婆條命仲緊要咩!! 明知我精神狀態唔好, 都一定要我留底, 如果唔留, 有咩事都唔會理我咁話!! 而家生左個bb出黎, 姓咩架, 你估跟我姓架, 我都係想坐月時坐得好好地, 能夠有健康既身體去照顧你同bb姐, 點解比我休息一個月, 唔對住99一個月都唔得?!

我真係好唔開心, 一邊打字d眼淚一邊係咁流落黎, 手都震埋, 我都只係希望能夠係初期有多d休息, 多個有經驗既人照顧我同bb, 乜咁樣有錯咩!!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


瑪瑙宮

國民生產總值:131238

好媽媽勳章 醒目開學勳章 畀面勳章 環保接龍勳章 親子達人勳章 BK Milk勳章


發表於 06-7-29 23:33 |顯示全部帖子

Re: 想問下有冇媽咪會打算/曾經返娘家安胎及坐月?

首先你確定有孕先再想其他, 免影響你夫妻間的感情.
到你真係有孕時, 先再慢慢同佢講, 慢慢同老公洗腦 :mrgreen: , 你一時之間同佢講, 佢未必接受到者.
或者到時請你媽媽過黎幫手, 可以嗎??


侯爵府

國民生產總值:23302


發表於 06-7-29 23:56 |顯示全部帖子

Re: 想問下有冇媽咪會打算/曾經返娘家安胎及坐月?

我媽咪都要返工, 到時返娘家其實係公公婆婆睇住我, 而且我亦都希望趁佢地仲健康, 比佢地多d睇住bb大, 比我多d同佢地傾下計....

我頭先真係好唔開心, 最唔開心係, 明明係佢自己講叫我返娘家坐月既, 結果而家反口, 唔認數, 頭先問佢, 佢跟本都唔記得左應承過我!!!

而家我真係唔知點算, 我份人會諗好多未來既野, 諗各種既情況, 諗點樣應付, 因為我知道自己唔係一個有急才既人, 而家唔諗定先, 到時真係有問題發生左, 我會應付唔黎!!

其實我老公話男家會覺得好冇面, 根本就係佢大男人, 唔想成日返外家..... 最好我就係石頭爆出黎, 自己曉大既! 咁就最好, 因為我會完完全全倚靠晒佢, 即使佢對我做左d乜, 我都冇後路可以走丫麻!!

miffymiffy
多謝妳聽我發洩我既唔開心, 希望冇影響到妳既心情啦....
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


男爵府

國民生產總值:5472

好媽媽勳章 畀面勳章


發表於 06-7-30 00:03 |顯示全部帖子

Re: 想問下有冇媽咪會打算/曾經返娘家安胎及坐月?

我個自私姑仔生佐返黎娘家坐月.
搞到幾個兄弟姊妹差D打架..
你要諗清楚先返娘家坐月..


瑪瑙宮

國民生產總值:131238

好媽媽勳章 醒目開學勳章 畀面勳章 環保接龍勳章 親子達人勳章 BK Milk勳章


發表於 06-7-30 00:10 |顯示全部帖子

Re: 想問下有冇媽咪會打算/曾經返娘家安胎及坐月?

無呀~~ 點會影響呀 :mrgreen:
你放開D啦.. 唔好唸太長遠, 有時現實同你既理想始終都差了一點點的~~ :mrgreen:
我有時都會好似你咁唸好多未發生的事... 結果咪同老公鬧交囉


侯爵府

國民生產總值:23302


發表於 06-7-30 00:34 |顯示全部帖子

Re: 想問下有冇媽咪會打算/曾經返娘家安胎及坐月?

may,
打交咁嚴重???

我問過我屋企人架啦, 佢地話冇問題既我先話諗住返娘家架咋~~
而且我係大女, 而家又只得我一個人結左婚之麻, 而且我娘家仲有留返間房比我架~ 所以我冇住既問題, 唔使要大家就我而搬黎搬去~

係勒, 話時話, 點解會搞到打交既?

miffymiffy,
妳都會架~~ 等我仲以為得我係會亂咁諗野添~~

其實我最怕就係到時先諗, 以我老公既性格, 隨時將個問題拖到生第2胎都未諗掂, 倒不如一早諗定, 解決左佢好過!!

因為我由結婚前半年叫佢同我一齊去做body check, 起初諗住book家計會, 佢又嫌要等得耐, 好勒, 睇開既家庭醫生寫紙叫我地自己去化驗所check, 報告比返佢幫我地睇, 佢又覺得要係化驗所出野好豎介, 到屋企附近既診所有得做驗血驗精, 我話佢咁唔得閒, 不如我check左先啦, 佢又話等埋佢得閒先一齊去, 終於, 等左年幾, 係佢阿媽既催逼之下, 為左同99有個交代, 先肯打電話去book99介紹既婦科, 仲要明知我唔得閒(整緊送), 都一定要我打電話去book!!

以佢咁既性格, 真係而家唔拆掂佢, 分分鐘生第2胎都未傾掂....
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


大宅

國民生產總值:2204


發表於 06-7-30 00:55 |顯示全部帖子

Re: 想問下有冇媽咪會打算/曾經返娘家安胎及坐月?

第一胎在自己家坐月,奶奶成日上來,真是很煩,特別是我生了女,她又重男輕女,成日給說話我聽,今次聰明了, 在外家坐月,她上來都唔會太長時間,今次生了仔,她真是很想留久些看下,但因為是我外家,她都是半小時就走,人都輕鬆些.


伯爵府

國民生產總值:15505


發表於 06-7-30 04:40 |顯示全部帖子

Re: 想問下有冇媽咪會打算/曾經返娘家安胎及坐月?

我都係喺外家坐月,我覺得返外家坐月無咩問題喎!有自己呀媽睇住好過99啦!


大宅

國民生產總值:4694


發表於 06-7-30 10:59 |顯示全部帖子

Re: 想問下有冇媽咪會打算/曾經返娘家安胎及坐月?

我都覺得返娘家坐月開心啲,但我都未決定在那兒坐月,我希望在自己家.在未有bb之前己经不知不覺以後有bb就99湊.我須然不太想,但都不能反對,因我c6是獨仔.無得擇.我初時都估99對我都不差.但昨日第一次有了bb回去食飯(我有了bb4weeks)我話我不可以食蝦,生菜,哈蜜瓜....但佢個仔鍾意食蝦,所以佢最終都有煮再加生菜(因知我唔食得菜佢煮了節瓜比我食),但因為想煮條菜比亞仔食,所以煮生菜.原來佢都是顧佢亞仔多啲.我開始膽心.我最鍾意就是食,但又有很多哩予唔食得.我估以後的生活會好苦.(相反前晚見到我自己的家人,佢地個個都好)
hello


大宅

國民生產總值:3514


發表於 06-7-30 16:34 |顯示全部帖子

Re: 想問下有冇媽咪會打算/曾經返娘家安胎及坐月?

我覺得返外家坐月無咩問題喎!有自己呀媽睇住好過99啦! 我好多朋友都係甘啦 !! 始終自己亞媽點都好過99, 雖然我未有bb, 但見到家姐生後, 有亞媽照顧真係唔同d, 就算有d mug唔舒服, or 想食d mug野, 都可以直接同亞媽講, 99得唔得先 ?????


© Baby-Kingdom.com Limited. All rights reserved.