意見反饋
義工

論盡家傭 今日: 5|主題: 127095

查看: 1056 | 回覆: 8
心情15/16,係咪要炒佢好


大宅

國民生產總值:2948


發表於 06-7-31 11:14 |顯示全部帖子

心情15/16,係咪要炒佢好

現時工人已幫我做了6年,2個小朋友都好鍾意佢(2歲及6歲).佢做事不過不失,間中懶吓就實有,但好在手腳乾淨,對小朋友一流,以前我要返工,都唔洗我煩要叫佢廚什麼,做什麼,都好自動波.我個個friend都不知幾羨慕,我亦當佢係family一樣.

可惜佢財政就有問題,通常都係老家有問題,唔係老公出事就仔女有事.之前已有多次同我借錢,我通常會係佢人工扣,現時已沒欠我了.但半年前,佢前僱主打電話比我,話佢未幫我打工前欠佢數千元未還,以前每月會還少少,但近兩年就停左,次次見到佢都話遲些會還,跟住又無影.這個前僱主都對佢好好,唔想佢無左份工,話曬佢地都識左10多年,個僱主話都當佢自己人,希望我比少少壓力佢,叫佢每月還少少,唔好無尾飛"駝".

尋晚十一點,有個菲傭打電話找佢,我話佢睡了,跟住個菲傭就比左個電話佢個僱主,原來我工人透過佢這個朋友向這位僱主(x小姐)借了3000元,年幾都無還,又唔現身及覆電話,所以佢唯有打電話比我.

我老公聽到就話要即炒佢,我就15/16.話晒這幾年佢無功都有勞,如果即炒佢都好慘.其實如果唔係這事,我地本來都想明年左右同佢完約,因我現時已是全職主婦,唔需要一個full time maid.我本來想同佢找個好僱主,話晒以佢工作表現實在唔差,我本來打算大力推薦佢比我朋友,但而家當然唔會啦.

尋晚成晚無睡,想吓到底如何是好,本來打算預備好一切,計清條數就星期六即時安排佢走,今日打電話同x小姐講我的部署,希望佢比幾日等我安排好就帶我工人去還錢比佢.x小姐好好人,雖然佢唔熟我工人,但都唔希望佢無左份工,甚至話如果係因為佢打電話比我而我就炒佢就3000元都算數,如果唔係佢都唔安落.

Anyway,今晚會同老公再商討,各位有無高見?如果真係炒佢,有那些要注意,香港又有無地方收留她們這類case的地方,因唔想叫佢出門口就算.

心情很差,為什麼她們老家的人總這樣又煩又大洗,話晒佢每月3800都應該好好洗啦,點解佢都唔爭氣,總要欠一身債…….
:cry: :cry: :cry:


大宅

國民生產總值:4096


發表於 06-7-31 11:56 |顯示全部帖子

Re: 心情15/16,係咪要炒佢好

你會唔會考慮同個工人要求佢亡還錢比佢前僱主及x小姐﹐要佢分2至3個月還清條數﹐重要你帶佢去當面還。


大宅

國民生產總值:2224


發表於 06-7-31 11:58 |顯示全部帖子

Re: 心情15/16,係咪要炒佢好

No way, 我就話要即炒佢 ! otherwise, she'll bring so much 財政問題 for your family. (may be the interruption will become big later ...... so terrible !, pls consider .....)

Sik Sik was born in Aug 18 2003


別墅

國民生產總值:574


發表於 06-7-31 12:03 |顯示全部帖子

Re: 心情15/16,係咪要炒佢好

肥火箭:

「為什麼她們老家的人總這樣又煩又大洗,話曬佢每月3800都應該好好洗啦,點解佢都唔爭氣,總要欠一身債…….」

呢個係不變既定律,點解張學友要同大佬脫離關係,點解咁多女星要同屋企還債?因為人係幼稚兼唔知足,成日夢想發達,唔駛做又有大把錢揮霍。如果唔係點解期期六合都大把人買?好明顯佢 df家人自己發唔到達就打佢主意,當佢係搖錢樹。佢要顧全親情同關係,但佢 d親人就「錢至親」!

依家首先諗掂你老公既感受同決定炒佢有幾堅決先!
妳唔好感情用事,話晒佢黎打工。妳試諗下若唔俾人工,佢會唔會千山萬水去到妳屋企做家務? 佢同妳打工都係為錢。你該俾亦合理全數俾左,無欠佢。到頭黎,唔可以太有愛心,攪到佢條數上左自己身。就算唔上身,但攪到俾財務滋擾,嚇親細路就唔好!

「香港又有無地方收留她們這類case的地方,因唔想叫佢出門口就算.」妳少擔心!我第一次請工人走都擔心過!後來知多 d,見多 d,佢地鄉里綱絡強大。佢可以去親戚(cousins)到,boarding house到,樓上樓下,左鄰右里 d鄉里果到暫住!話晒外傭係香港有二十萬,總有地方收留佢!


伯爵府

國民生產總值:15505


發表於 06-7-31 12:16 |顯示全部帖子

Re: 心情15/16,係咪要炒佢好

點解個bun會有你電話? 妳個工人仲俾左妳d乜野information俾其他人? 真係唔知, 可能仲有好多victim未call黎, 個個幾千幾千咁借, 都幾發.

妳個工人"以前"做得好係無容置疑, 不過佢而家咁多financial problem, 就未必可以專心工作, 仲要避債主. 仲唔知佢會唔會借財仔.

我會term佢囉, 反正妳又唔係等人用.


子爵府

國民生產總值:13767

2018勳章


發表於 06-7-31 13:30 |顯示全部帖子

Re: 心情15/16,係咪要炒佢好

炒啦唔好心軟, 周圍借錢已經係一條死罪, 你想想你撞倒佢個債主咁好人先冇事, 但如果另一個債主唔係咁好人咪重煩死你兼擔驚受怕. 一定冇得留低.


大宅

國民生產總值:1220


發表於 06-7-31 15:25 |顯示全部帖子

Re: 心情15/16,係咪要炒佢好

無錯, 借錢 = 死罪!!! 唔可以原諒!


大宅

國民生產總值:2948


發表於 06-7-31 16:33 |顯示全部帖子

Re: 心情15/16,係咪要炒佢好

多謝大家的意見,剛才聯絡過佢前僱主,發現原來這幾個月來佢都只係每次還三,兩百比佢,同埋都係要催先還,佢大那那借人八,九千咪還到天光.可能都無辦法,要搵日解決佢.我諗緊搵日叫左呀仔們去阿媽那裡,處理好先接返佢地,之後話佢地知姨姨有事返菲律賓,多數唔返來,唔知好唔好.我想細仔應該無問題,係大仔可能會問多些,唉,真煩.
我係要點比機票錢佢呢?仲有我出長期服務金點計,我可唔可以得佢同意下簽好證明直接過返錢比佢前僱主同x小姐,因擔心佢收錢又唔還比人地?


民房

國民生產總值:13


發表於 06-8-1 22:02 |顯示全部帖子

Re: 心情15/16,係咪要炒佢好

TERM佢時,約定佢前僱主係你家樓下等.等佢一收左錢,就要佢當面還俾人,如佢唔肯,你叫佢前僱主嚇佢要call police,佢實還.

我之前一個用了3個月的印印都是借了人錢及我另一個印印500, 我term佢時俾完錢佢,佢唔肯還錢俾人, 人地即刻話call police, 佢就即時奉上3000及500大元還錢了.

這樣的人,點好都無用. 等同爛賭鬼你話有無用?


© Baby-Kingdom.com Limited. All rights reserved.