Baby Kingdom - 親子王國 香港 討論區 › 首頁 › 醫護健康 › 嬰兒醫護› 轉唔轉奶粉好?

嬰兒醫護

收藏本版
發帖
返回列表
跳至頁
轉唔轉奶粉好? [複製鏈接]

首頁
1

尾頁
   0
ypt


子爵府

積分: 12340


1#
發表於 06-8-9 10:08 |只看該作者

轉唔轉奶粉好?

我個囡而家5個半月大, 食緊A+, 由佢2個半月大時開始厭奶, 唔鍾意食奶, 見到支奶就會喊, 唔食奶就冇事,帶佢去睇醫生, 醫生話佢厭奶期, 每次餵奶都要等佢半瞓半醒時餵, 餐餐奶食成個鐘都未食完, 每次餵奶都要同佢大作戰~我地都冇晒辦法, 好辛苦 :-(

到佢4個月時, 情況好似有好轉, 唔會見到支奶就喊, 開始可以比佢瞓醒先食, 仲可以食到5安奶,( 佢之前每餐只食2-3安), 我地又幫佢戒埋夜奶, 佢開始可以每餐奶食5-6安.

點知到左而家5個月大, 情況又越來越差, 佢又開始唔肯食奶, 8月3日果晚, 不但全日唔多食奶, 仲勁喊,喊左2個鐘都唔收聲, 抱佢去急症室, 醫生要佢留院觀察一晚, 左check右check, 都冇事, 佢又大便正常, 體重又有增長, 只係增得小, 醫生話佢係細碼B, 體重同身長成正比, 但係胃口細, 唔多食奶, 唔知咩原因,冇辦法喎~ 但係佢唔食, 又唔得, 食得太小, 又唔得~ 唉~ 我已經冇晒辦法, 原本我個囡係麻麻湊, 但麻麻都攪佢唔掂, 我都要quit左份工, 做全職媽媽湊佢, 但係我真係湊到好咀喪, 佢唔食奶, 我真係冇晒符, 唔通佢唔食, 由得佢,等佢餓死咩~

請問大家, 咁既情況, 係咪我個囡唔鍾意食A+呢隻奶粉, 定係其他原因攪到佢咁, 我地真係冇佢符, 每次餵佢飲奶, 都好大壓力, 你地話好唔好6個月時幫佢轉奶粉, 轉邊隻好, 請多多指教~ thank you very much~
私人傳訊

子峰mama


侯爵府

積分: 23818

好媽媽勳章


2#
發表於 06-8-9 10:25 |只看該作者

Re: 轉唔轉奶粉好?

bb o既o野真係5時花6時變,放心啦,佢依家唔鍾意飲唔等於以後都係,我個仔以前都曾經有一段時間唔肯飲奶,因為佢果陣啜慣奶咀,當一比奶佢飲果陣佢以為係奶咀,但啜到有奶出黎就發晒焷氣唔飲,結果我就嘗試用匙更餵,佢又肯飲喎,呢招維持左成2個月,跟住我又試下轉奶粉睇下佢肯唔肯用返奶樽,都冇問題,或者你都試下o丫.....如果你想轉奶粉,我建議你轉日本奶粉,而bb女我覺得適合飲雪印
私人傳訊

terendatong


複式洋房

積分: 175


3#
發表於 06-8-9 11:08 |只看該作者

Re: 轉唔轉奶粉好?

我個囝前排都係厭奶,唯有邊飲邊逗佢玩(開心D唔洗一尾喊)。
如果你個囡佢唔食奶可能係以下原因:
(1)條尿片好濕唔舒服-我係先換片後飲奶,但我知有D媽媽會飲完奶先換片,唔知你係唔係?
(2)抱姿唔舒服-攬佢太緊太開瞓太低佢末必鍾意,要試啱先得!
(3)太熱嗎?開冷氣或風扇。
(4)環璄因素-太嘈或太靜佢唔鍾意,我會播BB鍾意的音樂或我自己哼歌佢聽。
(5)奶樽奶咀唔啱-吸入好多肚風唔舒服, 試下轉Dr.Brown,好多媽媽都推介!或者按摩令肚風排出!另外奶咀唔啱咀型都有關o架!
(6)奶粉-都可以試下轉, 可能你個囡飲飲下唔鍾意呢!另外佢五個半月可以比佢試新野,例如糊仔、果汁等。
比你作參考,希望啱用!
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見