跳至

首頁
12

尾頁
   0


大宅

積分: 1401


發表於 06-8-30 12:48 |顯示全部帖子

有無被冷落, 同埋兩公婆有無為阿B既野搞到唔開心?

我發覺我老公好緊張個女
乜鬼都好大陣障
有時表現到好緊張, 搞到屋企人唔知點好
又會搞到我好似好唔緊張個B咁
有時大家睇法唔同, 搞到好唔開心

仲一日到黑都無搞個BB, 都唔使理下我
依家兩公婆除左阿B, 好似無第二個話題....

您地呢??


洋房

積分: 305


發表於 06-8-30 13:47 |顯示全部帖子

Re: 有無被冷落, 同埋兩公婆有無為阿B既野搞到唔開心?

d男人可能唔知點湊阿B,咪乜都緊張d囉!你老公係咪要返工,少d時間見阿B,咪啩住佢多d囉!
我老公都係一樣,我初初都好似你咁,有d唔開心,然後我問自己係咪產後抑鬱所影響,所以依家用以上嘅諗法,咪好d囉


複式洋房

積分: 378


發表於 06-8-30 14:52 |顯示全部帖子

Re: 有無被冷落, 同埋兩公婆有無為阿B既野搞到唔開心?

我都覺得同老公的話題就只有個b,出親街淨係掛住買嘢比個仔,以前瞓覺前一定錫啖我,而家淨係記得錫啖個仔
[size=medium]岑展滔於2006年6月16日出世Sky's Album


大宅

積分: 1401


發表於 06-8-30 15:50 |顯示全部帖子

Re: 有無被冷落, 同埋兩公婆有無為阿B既野搞到唔開心?

clara

您講得啱, 以前老公會錫啖我先訓
依家無囉 :-( :-( :-(


大宅

積分: 2138


發表於 06-8-30 15:52 |顯示全部帖子

Re: 有無被冷落, 同埋兩公婆有無為阿B既野搞到唔開心?

你地就好啦, 老公甘緊bb...我就相反, 成日都係我呱呱叫, 緊張都死, 但隻佬就好"無為而治", 咩都唔係好緊甘 ~ ~

唔知我老公會唔會有hard feeling...因為我緊個女多過佢


男爵府

積分: 7265

2021勳章 畀面勳章


發表於 06-8-30 18:06 |顯示全部帖子

Re: 有無被冷落, 同埋兩公婆有無為阿B既野搞到唔開心?

fifi1018:
你老公同我老公完全一樣~
但我一早都估到會係咁...
因為未生瑤瑤之前佢都同我講過第時咩都要個女行頭!
佢已經講過會鍚個女多過鍚我...仲叫我都要鍚過女多過鍚佢~
唔止我老公,佢地成家都好緊張,我自己就覺得bb仔喊下好正常...
日頭我多數都唔會理的,由得佢喊~
但佢屋企人同佢就會好緊張咁...即刻抱佢,又話佢好可憐~
雖然有時會有小小唔開心,但好彩一早都估到會咁...
fifi1018 寫道:
我發覺我老公好緊張個女
乜鬼都好大陣障
有時表現到好緊張, 搞到屋企人唔知點好
又會搞到我好似好唔緊張個B咁
有時大家睇法唔同, 搞到好唔開心

仲一日到黑都無搞個BB, 都唔使理下我
依家兩公婆除左阿B, 好似無第二個話題....

您地呢??
06年7月8日在浸會醫院開刀出世,重2.55kg,身長46cm,頭圍32.5cm


大宅

積分: 2081


發表於 06-8-30 22:46 |顯示全部帖子

Re: 有無被冷落, 同埋兩公婆有無為阿B既野搞到唔開心?

我老公係緊張, 不過唔係自己落手落腳, 成日睇住我點樣揍仔, 又話呢樣唔啱嗰樣錯, 吓?!我都係生手嚟架, 比佢激死! 又話幫我睇仔, 到頭嚟, 剩係望住個仔問"你做咩喊呀?" 比佢激死...嗰仔識答你呀, 我就唔晒揍得咁辛苦啦 正一茂里四


大宅

積分: 2049


發表於 06-8-30 23:49 |顯示全部帖子

Re: 有無被冷落, 同埋兩公婆有無為阿B既野搞到唔開心?

原來你地都係甘.....

前幾日老公話我同工人兩個女人都搞唔惦個仔
搞到個仔成日嘔奶
我聽完即時扯火啦, 個仔我十月懷胎生嫁
我重緊張過佢啦
同埋我唔係天生識湊仔嫁ma
最重要係佢夠薑鬧我, 佢真係找屎

我即刻打番公司話提早兩日番工
佢問我做咩甘早番工
我咪同佢講"我唔識湊仔, 甘咪番工law" :tongue:


別墅

積分: 763


發表於 06-8-31 02:26 |顯示全部帖子

Re: 有無被冷落, 同埋兩公婆有無為阿B既野搞到唔開心?

唉~真係緊張又煩,唔緊張又煩
我老公就一味識錫佢(真係係咁啜)
但一到佢有咩動靜如肚餓,濕片,:-( 就叫我,懶到咩~


公爵府

積分: 27660

2021勳章 醒目開學勳章 畀面勳章 BK Milk勳章


發表於 06-8-31 03:25 |顯示全部帖子

Re: 有無被冷落, 同埋兩公婆有無為阿B既野搞到唔開心?

wanyan 寫道:
原來你地都係甘.....

前幾日老公話我同工人兩個女人都搞唔惦個仔
搞到個仔成日嘔奶
我聽完即時扯火啦, 個仔我十月懷胎生嫁
我重緊張過佢啦
同埋我唔係天生識湊仔嫁ma
最重要係佢夠薑鬧我, 佢真係找屎

我即刻打番公司話提早兩日番工
佢問我做咩甘早番工
我咪同佢講"我唔識湊仔, 甘咪番工law" :tongue:


你老公湊仔好叻 gei 咩???!!!


禁止訪問

積分: 4829

好媽媽勳章


發表於 06-8-31 04:06 |顯示全部帖子

Re: 有無被冷落, 同埋兩公婆有無為阿B既野搞到唔開心?

提示: 作者被禁止或刪除 內容自動屏蔽


大宅

積分: 2081


發表於 06-8-31 07:12 |顯示全部帖子

Re: 有無被冷落, 同埋兩公婆有無為阿B既野搞到唔開心?

wanyan,

你好型呀

咁咪係囉, 大家都要做嘢架啦, 都唔知點解一定係女人要全權負責架, 其實個BB係自己0既點會唔緊呀...係揍仔方面, D男人剩係理論多過實踐, 懶緊張咁, 又唔見佢半夜三更緊張咁喂夜奶

我星期一都開工啦....叫佢放假陪我去玩又推三推四, 好啦, 我唔使佢陪自己佢啦, 佢又話用對眼勁"啤"我; 我同D同事食吓晚飯(最近2星期各1次), 佢又話你又去街呀?!!! 吓 ..唔係話, 生咗仔就唔可以有私人時間0既咩

我真係睬佢都儍, D男人...到我剩係顧住揍仔,塊面黃晒0既時候佢又會話你無咗自我架啦...咩都佢哋講


大宅

積分: 1401


發表於 06-8-31 10:07 |顯示全部帖子

Re: 有無被冷落, 同埋兩公婆有無為阿B既野搞到唔開心?

BOSCO CHOW

您講得好啱
唔通生左bb就無自己私人時間同空間咩
唔單止我老公, 有時我阿媽都係
我想去買0的野, 或者遲少少返屋企, 我就好似十惡不赦咁
成日都打電話問我係邊
之但係我老公自己去邊就得

有時佢地催我, 我覺得就黎顛
出親街就要快0的搞掂0的野趕返屋企
喂, 如果唔係做咩要請工人呀
有工人睇住阿b, 都唔使催得我咁急啦...


大宅

積分: 1401


發表於 06-8-31 10:18 |顯示全部帖子

Re: 有無被冷落, 同埋兩公婆有無為阿B既野搞到唔開心?

洛紫,

乜您老公咁open, 一早就講定哂
我未生之前, 我老公話唔會偏心架
因為我自己係女, 我老豆好錫我, 所以我同我阿媽感情一般, 我地就估應該係我阿媽妒忌我老豆係我細個既時候好錫我, 所以我老公一路都開解我, 話我同個女唔會係咁, 佢會錫bb同埋我呢個大bb

唉, 之不過當bb出左世之後, 佢就好緊張
咁當然, 佢緊張都係好事
之但係就有時好似您咁囉
我覺得唔使咁pay attention
少少野就鬼咁緊張

早兩日, 食一餐飯, 就抱住阿b換4個不同位置
我話, 您快0的食完飯咪可以湊佢囉
同埋您都唔好俾阿b習慣一有人喊就抱
我地食飯, 阿b要學乖, 唔應該扭計
結果我老公咪死死地氣唔搞阿b, 食完飯先搞阿b

我都係架, 咪佢個工人日頭由得阿b喊, 唔好抱佢
但係就同阿b講野, 摸下佢, 等佢有安全感


大宅

積分: 1936


發表於 06-8-31 13:56 |顯示全部帖子

Re: 有無被冷落, 同埋兩公婆有無為阿B既野搞到唔開心?

哎唷! 睇完各姊妹既分享, 我發現d老公表現都好似, 緊張阿b, 但又唔想換片餵奶, 錫阿b, 但又唔鐘意阿b抱極都喊。不過, 我覺得佢地都已經好好囉。因為我知道有d daddy 直頭唔理阿b架, 所以我地d老公都算係咁囉 :lol:



複式洋房

積分: 401


發表於 06-8-31 14:11 |顯示全部帖子

Re: 有無被冷落, 同埋兩公婆有無為阿B既野搞到唔開心?

fifi1018,
我都覺得現在真係冇乜私人時間, 約人食飯都要約係屋企附近, 想去街都一定要有理由或有必要先好出街, 如果唔係就好似十惡不赦咁 唉...
講起臨瞓前鍚鍚, 現在都冇 loo :-(

wanyan,
你果然好型. 不過我就真係好矛盾, 又想快d 返工, 但又唔想. 因為自己個身型仲好似有佐四五個月咁 :-( 而且諗起阿 B 有時佢真係好可愛 (唔喊o個陣)


男爵府

積分: 7265

2021勳章 畀面勳章


發表於 06-8-31 14:35 |顯示全部帖子

Re: 有無被冷落, 同埋兩公婆有無為阿B既野搞到唔開心?

fifi1018:
呀...咁我都寧願佢一早講定.
唔好話唔會偏心到時又偏心,咁我會仲嬲~
講起食飯...我情況又係同你一樣~
食飯時如果佢扭計..我老公or 99又係抱住黎食.
攪到食得鬼咁慢~仲要猛咁吹我食快d然後幫手抱返~
我咪話囉~你地快d食仲好啦,抱乜鬼抱唧!抱遲一陣會死咩...
有時佢地又係死死地氣放返地~
但好多時又係放低一陣飯都未食完又抱返起~
話咁嘈...點食得安樂!~
我心諗抱住佢食咪仲唔安樂~
有時老公會覺得我唔夠錫個女.個女喊都唔理佢~
但我覺得唔係佢一喊抱佢就代表錫佢的.
我唔抱佢唔代表我唔鍚佢,而係我覺得唔使太緊張~
只要唔係餓親佢,整親佢,凍親佢,喊下有咩所謂~
呢層係我屋企人先最了解...
我爸爸媽媽都好鍚個孫~但佢地都覺得喊下係好的.
話可以喊大d個肺,同埋喊下好正常wor~
最攪笑,平時晏晝我99實出街的.
得返我同工人,仲有bb~
佢每一日臨出門口都會千萬叮囑個工人bb喊即刻抱起佢.
驚死我唔會抱佢咁...(事實我真係未必會抱=.=v)
仲有呀,我好鍾意你阿b呀~
一黎佢叫做卓瑤啦,我本來都想改卓瑤呢個名架~
但我老公唔鍾意個卓字,鍾意個映字,所以就叫做映瑤囉~
你囡囡個名係你定你老公改架?
仲有呢,你個囡肥得黎好好睇呀~又有肉wor,但又唔會好肉酸~
所以我bookmark左卓瑤個網間唔中都會去睇的~
你幫佢著d衫仔好得意呀~
我其實都買左好多靚衫架...但我99唔俾佢著=.=
佢話咁細個邊度可以幫佢扮靚架.
果d短袖body都係早10日前我99先俾佢著咋...
仲要係我阿b出哂汗佢先肯著...
之前一直都係著2件長袖衫架~
仲多數都係著和尚袍添...好老土>.<
佢而家仲有d吊帶背心,裙仔一次都仲未著過...
佢話露出哂個膊頭邊度得wor~
你話係咪俾佢激死丫!_!
所以見到你阿b著到咁真係覺得勁得意,羨慕死了~
唔知幾時我先可以幫個囡著靚d~"~
係wor,我見到你買俾個囡d衫好多都好老積.
有條好似工人褲定工人裙粉紅色的好靚~
我都有買左類似呢d衫,但全部都未岩著.
成6個月size黎的,你係邊度買衫多架??
fifi1018 寫道:
洛紫,

乜您老公咁open, 一早就講定哂
我未生之前, 我老公話唔會偏心架
因為我自己係女, 我老豆好錫我, 所以我同我阿媽感情一般, 我地就估應該係我阿媽妒忌我老豆係我細個既時候好錫我, 所以我老公一路都開解我, 話我同個女唔會係咁, 佢會錫bb同埋我呢個大bb

唉, 之不過當bb出左世之後, 佢就好緊張
咁當然, 佢緊張都係好事
之但係就有時好似您咁囉
我覺得唔使咁pay attention
少少野就鬼咁緊張

早兩日, 食一餐飯, 就抱住阿b換4個不同位置
我話, 您快0的食完飯咪可以湊佢囉
同埋您都唔好俾阿b習慣一有人喊就抱
我地食飯, 阿b要學乖, 唔應該扭計
結果我老公咪死死地氣唔搞阿b, 食完飯先搞阿b

我都係架, 咪佢個工人日頭由得阿b喊, 唔好抱佢
但係就同阿b講野, 摸下佢, 等佢有安全感
06年7月8日在浸會醫院開刀出世,重2.55kg,身長46cm,頭圍32.5cm


大宅

積分: 1401


發表於 06-8-31 16:56 |顯示全部帖子

Re: 有無被冷落, 同埋兩公婆有無為阿B既野搞到唔開心?

洛紫

我完全agree您既講法
不過我屋企就無您咁嚴重, 話阿b一喊就要抱
因為我阿媽就話要bb喊下等個肺運動下, 同埋唔好成日開冷氣, 等bb出下汗..
同埋我阿媽話, 食飯唔可以俾bb埋飯枱
如果唔係, 阿b聞飯氣..以後就好煩架啦

之但係有時我覺得我唔緊張阿b, 就好似我無咁錫佢
我覺得您講得好啱囉, bb係要錫, 之但係唔係縱...

至於您講到阿b個名, 個"卓"字係我媽咪俾我地既
咁個"瑤"字係我同老公諗
"卓"係"超卓""卓越"咁解
"瑤"係"寶玉"既意思

好多謝您讚我阿b
您知, 個個媽媽都當自己bb係寶...當然我都唔例外

至於bb0的衫, 有0的係hallmark baby買, 有0的係0/3 baby, 仲有一兩件係今年年頭去bangkok買
其實我阿b係屋企都係著和尚袍,
您見佢露膊, 係同佢影完相之後, 再著番衫架
不過阿b有咁多衫, 唔快0的著就唔合身, 咪仲慘

之前有好多朋友都叫我唔好買咁多衫俾bb
因為實有朋友送
之但係, 係女, 邊到忍得到, 我都買左好幾件俾佢


男爵府

積分: 7265

2021勳章 畀面勳章


發表於 06-8-31 17:15 |顯示全部帖子

Re: 有無被冷落, 同埋兩公婆有無為阿B既野搞到唔開心?

fifi1018:
我唔係同自己媽咪住的~
係同奶奶,老爺住~
奶奶老爺比較古板,好多野都唔得架~
聞到d飯氣會點架??我未聽過...但我想唔俾佢埋都唔得啦~
老公同奶奶係都要抱住黎食飯有乜計~"~
本來老爺平時都會照食飯唔理佢架,而家連佢都加入埋..
攪到我好似好唔鍚佢咁=.="
你係第一胎嗎?
我係第一胎黎架,一有左bb之後,照左係女之後就係咁買野比佢了~
明明好想慳錢的,但好多時真係都忍唔到手,好想將所有錢用哂係個女身上~
但我買比佢d衫都唔係太貴,都係100蚊左右.
有d再貴d果d係咁叫自己唔好買囉...同自己講佢會好快唔岩著~等人送XDD"
hallmark d衫都ok~又靚又唔算貴~
0/3 baby我到而家都仲未去過~我仲以為淨係得bb床,車仔果d賣既添,原來衫仔都有架@@
佢d衫貴唔貴架?
bangkok我直情未聽過添~
原來你係突登換衫影相架...haha~
我有次都諗住突登換衫影相架,點知換到佢嘔奶~
俾奶奶話左一餐~所以都唔敢了~佢話我冇果樣攪果樣
fifi1018 寫道:
洛紫

我完全agree您既講法
不過我屋企就無您咁嚴重, 話阿b一喊就要抱
因為我阿媽就話要bb喊下等個肺運動下, 同埋唔好成日開冷氣, 等bb出下汗..
同埋我阿媽話, 食飯唔可以俾bb埋飯枱
如果唔係, 阿b聞飯氣..以後就好煩架啦

之但係有時我覺得我唔緊張阿b, 就好似我無咁錫佢
我覺得您講得好啱囉, bb係要錫, 之但係唔係縱...

至於您講到阿b個名, 個"卓"字係我媽咪俾我地既
咁個"瑤"字係我同老公諗
"卓"係"超卓""卓越"咁解
"瑤"係"寶玉"既意思

好多謝您讚我阿b
您知, 個個媽媽都當自己bb係寶...當然我都唔例外

至於bb0的衫, 有0的係hallmark baby買, 有0的係0/3 baby, 仲有一兩件係今年年頭去bangkok買
其實我阿b係屋企都係著和尚袍,
您見佢露膊, 係同佢影完相之後, 再著番衫架
不過阿b有咁多衫, 唔快0的著就唔合身, 咪仲慘

之前有好多朋友都叫我唔好買咁多衫俾bb
因為實有朋友送
之但係, 係女, 邊到忍得到, 我都買左好幾件俾佢
06年7月8日在浸會醫院開刀出世,重2.55kg,身長46cm,頭圍32.5cm


大宅

積分: 2346


發表於 06-8-31 17:30 |顯示全部帖子

Re: 有無被冷落, 同埋兩公婆有無為阿B既野搞到唔開心?

我覺得你地好過我...
我地無請工人...我一個人湊BB
老公就去返工...
每日仲要煑飯...洗衫...打掃...

我個B又成日扭計...食奶又食成一個鐘...
又未戒夜奶...每日我都覺得自己好累...
又無咩自己時間...

但老公仲要嫌屋企唔夠乾淨...
我都想打掃得乾乾淨淨...有咁多時間之得架...
我每日做一D家務, 開刀個傷口好似未好晒...
我邊敢咁勤力呀...前兩日惡露又見紅...
我都生左成個幾月啦...唉...
佢返到嚟都會抱下bb, 不過都係抱一陣...

又唔見佢做家務...基本上我生前生後都係咁做...
之前仲要返工添...
佢只係由我同BB返屋企前1日先有做過野咋...

首頁
12

尾頁

跳至