之前經呢到一位jm分享搵傳心的經驗
我都聯絡了同一位傳心師
雖然我Set了很多問題,
但傳心師都願意幫我問曬
我將對話內容記錄下來,分享比大家睇.
提供給傳心師的資料:
-我家有6隻貓貓
-傳心對象是Bibi (大貓)和圈圈(和另一隻兄弟是家中最細及最後來的貓)
-只提供了Bibi和圈圈照片給傳心師, 而傳心師知道他們的年紀和性別
-圈圈有四處尿尿的習慣, 但最近因一位有專業知識的好友幫忙之下, 圈圈尿尿情況改善, 已學會使用黃色貓砂盤
-知道圈圈奶媽(即當初於停車場救起圈圈兩兄弟的人)家中有小狗 (但不知甚麼顏色)
傳心師不知道的資料:
-除Bibi和圈圈外, 不知道其他貓的性別的顏色
-不知道家中有什麼貓用品(包括玩具,貓傢私)
-不知道貓貓的習慣和喜歡的動作
成個專業MODEL拍硬照擺POST咁款
LAM下腳趾啦~~
以下Bibi代表Bibi, 傳代表傳心師.
(括號)代表影像/畫面/動作/感覺
<< >>代表完成傳心後,我自己加插的意見
問題1
傳: (接觸Bibi, 介紹自己)
Bi: (動作:頭比傳心師摸,用身挨下)
<< Bibi的確係家裡面最喜歡挨身挨勢的貓,連陌生人/對訪客都會挨挨下>>
傳: Bibi.否介紹一下自己呀?
Bi: (影像:自己企於高位置, 下面有其他貓, 每一隻貓都要聽令於Bibi, Bibi很有威嚴地走來走去)
(傳心師感覺Bibi是很首領feel, 很有統領其他貓的感覺, 很有威嚴)
Bi:新貓黎我要教佢地, 有時都會lam下其他貓, 會望住佢地玩. 我喜歡同媽媽玩, 喜歡痴住媽媽, 媽媽會摸我, 我就會"咕...." 我真係好鐘意媽媽呀
傳: 你好有威嚴wor! 叻仔!
Bi: 洗乜講!
問題2
傳: 你似乎向而家呢個屋企好開心wor, 咁對前度主人和屋企有沒有印象?
Bi: 好耐好耐之前, 我仲係細個的時候我好瘦, 屋企有個BB仔, 我轉過幾個屋企, 我記得佢地唔係十分喜歡我同錫我, 好少陪我的時間, 我坐梳化會撥我走, 好似唔喜歡同我一齊.
傳: 咁你而家屋企好好多wor, 又有其他貓仔陪你
Bi: 係呀!! 所以我而家好滿意呀!!
<<只知道Bibi 約3歲之前係一個不負責任的金毛阿飛所養, 呢為阿飛因女朋友不喜歡Bibi, 所以打算棄養佢, 最後被義工接收, 於義工處等待了半年找新主人, 後被我領養. 而阿飛之前是否還有其他主人/ 居所就不得而知了>>
問題3
傳: 自從跟媽媽生活後, 屋企加左好多新成員, 包括爸爸同其他貓, 你有什麼想法?
Bi: 每一次加新貓, 我都好頭痛, 要花時間教佢地規矩, 佢地好拽, 有時會作反, 不過而家我ok o既
傳: 你會唔會覺得唔開心?
Bi: 無開心或唔開心, 呢個係我的工作, 統領所有四腳的動物, 呢個係我責任, 我一定要做...
傳: 媽媽擔心你會唔開心呀
Bi: 有一排我係好無心機,我需要休息, 不過之後我ok啦
傳: 咁爸爸呢?
Bi: 爸爸係媽媽很重要的人, 所以我一樣喜歡爸爸
傳: 屋企多左個人有無不便呀?
Bi: 佢初黎的時候我有d唔習慣, 佢同媽媽唔同味, 爸爸D味勁D, 有一種要我信服的感覺,開頭我真係好不安, 不過時間耐左, 我習慣啦~~~~
<<我覺得Bibi而家好多時痴爸爸仲多過痴我,但開頭接觸爸爸時,Bibi真係對爸爸成日眼超超唔理佢>>
問題4
傳: 咁你覺得之前屋企好D定而家屋企好D呀? (即之前媽媽結婚前獨居的舊居)
Bi: 無乜所謂呀! 只要同媽媽一齊邊到都無所謂, 我ok呀
<<帶住Bibi搬過兩次屋, Bibi係好快就適應新居的貓>>
問題5
傳: 假如屋企將來加貓, 你有什麼想法?
Bi: 唉....又要我教....頭痛....而家可以處理到, 但唔知再多D貓會點wor
傳: 咁即係你唔喜歡再加貓啦?
Bi: 唔好加得太密都ok, 教貓要時間嘛....唔想未教好又有新貓, 好煩架....
問題6
傳: Bibi, 媽媽話你平日很多說話, 你其實要講d咩呢?
Bi: 好多野呀....我要report下平日屋企發生咩事, 講下其他貓的事(即篤背隻), 有時係想摸下我, 有時話唔夠貓糧
傳: 咁你覺得自己係管家咁wor
Bi: 係呀!係管家呀!!
<<同意”加貓糧”,Bibi經常喵喵喵叫, 指示我地要跟住佢去廚房同去貓糧兜(貓糧樽放在廚房), 呢樣野只得Bibi會做, 其他貓係唔識架>>
問題7
傳: 咁如果將來媽媽生BB, 你有什麼想法?
Bi: 如果媽媽生BB, 我一定會陪住BB, 因為係媽媽的心肝. 但就唔好再加貓啦, 我睇唔切呀!
問題8
傳: 你覺得自己身體有無地方不舒服?
Bibi: 我仲有身壯力健呀! (影象: 展示肌肉)
傳: 咁好好wor
<<我唔覺得Bibi有肌肉, 果D係肥肉>>
問題9
傳: 咁你最喜歡爸爸媽媽對你做乜野?
Bi: 我最喜歡當媽媽坐向到時, 我痴住媽媽訓同坐, 總之痴住啦~
傳: 咁玩呢?
Bi: 有時同媽媽玩, 其他貓又痴埋黎, 我覺得好無引呀! 我喜歡媽媽玩我個頭.
傳: 咁爸爸呢?
Bi: 爸爸有時要我跳高, 爸爸話我肥, 不過我唔會理佢,hehe.....??
<<我同意其他攝石貓攝入黎時阿Bi”無引”,因為會見到阿Bi個黑面表情,然後好無引地離開>>
<<爸爸的確係成日話佢肥,但爸爸好少要Bibi跳高wor,只係最近講過幾次而已,是否搞錯呢??>>
問題10
傳: 你對家裡其他貓有什麼感覺?
Bi: ok啦...我唔介意其他貓痴住我訓, 但我唔會主動去痴住佢地訓囉, 始終我要有威嚴嘛. (畫面: 白色底的三色貓) (傳心師感覺: Bibi對呢隻三色貓好"注意", 有好"肉緊"的感覺)
<<同意,阿Bi唔會主動痴其他貓訓,但其他貓會成日主動走去挨住Bibi訓。當三色貓毛毛向Bibi附近出現,Bibi的確會特別注意同肉緊>>
問題11
傳: 你對家裡的貓糧, 小食, 玩具, 傢私等等有什麼意見?
Bi: 乾糧唔夠, 我好鐘意食乾糧架! 如有罐罐, 哇仲正! 哈哈
傳: 但Bibi你似乎唔需要再肥啦wor... 我同你媽媽講下加多D糧啦
Bi: (動作: Bibi眼卑卑住)
<<有時真係眼卑卑咁架...唔係隻隻貓都會黑面眼卑卑架,我可以幻想到Bibi個樣...哈哈>>
問題12
傳: 爸爸媽媽話向你保證, 將來一定會永遠愛你, 不會離棄你, 希望你健康快樂
Bi: 我無擔心過wor~
問題13
傳: 咁你有無其他事情要告訴爸爸媽媽?
Bi: 我生活好ok呀, 不用擔心我...我會繼續教育D細貓, 維持屋企的和平, 我可唔可以食多d呀?
傳: (笑) 好啦我同你媽媽講啦, 拜拜Bibi
<<唔該曬你呀Bibi! 屋企靠曬你啦~~~>>
以下圈代表圈圈, 傳代表傳心師.
(括號) 代表影象/ 畫面/ 動作/ 畫面
<< >>代表傳心完成後,我紀錄返傳心師對話時, 自己加插的意見和補充
問題1
傳: (畫面: 很有活力走來走去,傳心師請圈圈可否企定定先停下來)
(傳心師感覺圈圈是很活潑好動的貓)
<<圈圈係家中最活潑愛走來走去的貓貓>>
傳: (介紹自己)
圈: (動作:伸懶腰)
傳:你覺得向屋企開唔開心呢?
圈:我向呢間屋好開心, 成日四圍走, 喜歡同一隻白色底的貓玩同打交. 有時我都會靜下, 但有人撩我就會繼續玩
<<白色底的貓應該係三色貓毛毛。但我覺得圈圈最鐘意的並不是毛毛>>
傳:你好似好鐘意玩wor~~
圈:係架!
<<圈圈的確係家中最爛玩的>>
傳:圈圈咁你覺得自己乖唔乖呢?
圈: ok啦!(動作: lam手lam面, 好像少少尷尬的樣子)
傳: (影像: 一個黃色砂盤)
圈: 我知! 我要用呢個貓砂盤
傳: 很叻仔wor!
圈: (感覺: 飄飄然, 好開心)
傳: 咁以後要繼續用呢個黃色貓砂盤wor
圈: 當然! (好英的樣子)
傳: 咁你之前為何要四處尿尿呢?
圈: (畫面: 一隻黃色的大貓擋在前面說: 呢到你用架咩?然後兇圈圈, fee, 大貓走開. 之後圈圈尿急想去砂盤, 大貓bear住圈圈, 然後打交, 圈圈唔夠大貓打, 被大貓一掌推開. 圈圈覺得挑戰唔到, 所以要報仇.)
所以我四圍柯, 以示不滿.
傳: 但媽媽係無辜架wor
圈: 當時無稔咁多, 對不起囉
傳: 咁而加無壓力啦?
圈: hehe.....我而家有自己的砂盤, 感覺安全
傳: 叻仔!
<<我覺得黃貓Bibi係好錫貓仔架, 而另一隻黃貓妹妹就好討厭貓仔, 成日鬧圈圈兩兄弟, 真係見一獲鬧一獲, 有時會打佢地, 所以不知這裡所指的"黃貓"是誰了. 是否因為比黃貓鬧而不用砂盤更不得而知.>>
問題2
傳: 你係屋企最新的貓貓, 假如將來家中再加貓, 圈圈有什麼看法?
圈: 咁我可以教訓新來的貓, 哈哈哈.....仲唔輪到我?哈哈哈.....我會同佢玩, 不過都會lam佢o既.
傳: 咁你即係都接受有新貓wor
圈: 最好女仔, BB好D
傳: 咁如果加大貓呢?
圈: 咁我會彈開囉!
圈: 大肚??? 咁奇怪? 我會遠遠觀察下先
傳: (畫面:BB有奶味屎味尿味...等等)
圈: (感覺:哇...彈開) 我要觀察一下先....搞D咁o既野呀?
傳: 如果BB大個左爬地捉住你來玩呢?
圈: 我好醒o既, 如果佢捉住我玩, 我就彈開囉
傳: 咁你即係對屋企多個BB都ok wor~
圈: ok啦...但唔知實際會點樣囉
傳: 咁你覺得平時身體有沒有那裏不舒服?
圈: 無呀~~我覺得ok
傳: 你喜歡爸爸媽媽對你做些什麼?
圈: (畫面:一個好輕飄飄好細的波波) 好喜歡玩呢個. 好喜歡被摸, 好喜歡同我傾計, 我覺得好霖呀~~~
<<圈圈最近搵到幾個掛聖誕樹的波波, 真係好輕飄飄, 比乒乓波還要輕同薄, 圈圈瘋狂地玩不停>>
傳: 你對家裡其他貓有咩感覺?
圈: (畫面: 白色底, 似係三色貓) 我鐘意同佢一齊玩, 但不喜歡大舊衰 (即之前阻止佢用砂盤的貓), 白色底貓好溫柔, 其他無乜特別
<<白色底貓毛毛係對圈圈比較容易接受, 每次毛毛想鬧圈, 圈圈就會扮可愛反肚, 毛毛就無曬乎, 久而久之毛毛都開始錫圈圈, 會幫佢LAM毛>>
傳: 你對家裡的貓糧, 小食, 玩具, 傢私等等有什麼意見?
圈: 感糧脆卜卜好味呀, 很喜歡貓樹
<<6隻貓當中, 最近呢半年來通常得3隻會上貓樹, 圈圈係最經常上貓樹訓覺的一隻>>
圈: (動作: 即刻反肚, 笑)
<<圈圈係咁多隻貓裡面最喜歡無啦啦達向到反肚扮可愛>>
傳: 請問你記唔記得以前救你的奶媽?
圈: 記得呀 (畫面: 有隻黃色狗) , 我記得姨姨很溫柔架, 我好喜歡佢架
傳: 咁你覺得以前姨姨屋企多D, 定而家開心D?
圈: 我覺得兩到都好開心, 不過都係以前的事啦
<<奶媽曾經話當初救兩兄弟時, (奶媽共有3隻狗) 家中其中一隻狗狗會好似媽媽/保母咁成日守護住兩隻小貓, 而呢隻狗狗係黃色的>>
傳: 咁你有無其他事情要告訴爸爸媽媽?
圈: 雖然我係屋企最細, 但我好開心黎到呢個屋企, 雖然有大舊衰呢隻貓, 有得食有得玩我已很滿足, 好好架啦~
傳: 咁好啦~ 希望你好好享受你新家的生活啦~ 拜拜
我覺得圈圈係同自己兄弟(右邊黃色果隻)最friend, 其次係三哥(右邊灰色)