論盡家傭今日: 0|主題: 133933

收藏本版

發帖

返回列表

跳至頁

查看: 1993 | 回覆: 13

剛聽到個消息，好唔開心，究竟我有冇俾人出買 [複製鏈接]

bobbobjai

大宅

積分: 2300

1^#

發表於 13-4-22 17:48 |只看該作者 |倒序瀏覽 |打印

我工人上月偷錢偷銀包，因為她唔認無證據，見她照顧小朋友都ok，未落決心請過個，由於拆穿左，之後既日子我奶奶經常上來幫下眼，睇得出工人唔鐘意，成日黑面。
上兩星期有一天收到她借5月糧兼口頭通知想做完6月就唔做既短訊，我好奇怪係4月糧都未出，點解要借下一個月？咁我話既然你唔做我唔會再借比你，因為你隨會走佬，並叫她考慮清楚實際日期比信我。過了兩日，她再send短訊俾我，她話這是她最後一次懇求我提前出4月糧比她，她仔女己經無嘢食了，最後我出左比她。
二日後我收到財務公司信，她欠3萬銀，人地催收逾期3000，咁我忍無可忍啦，即刻第二日炒左她。因為唔熟炒工人細節，我地搵返Agent幫手計好晒糧，解僱信等，再請Agent公司派一個員工同我地一齊返屋企做見證，因為我也急住有人用，並即時係Agent到簽左另一個海外工人(她7月到)。由於有熟悉人士在場，炒既過程很順利，她即時拎埋行李離開左我屋企。
好啦，以為一切過左去，點知今天我朋友既工人(她同我工人認識)問我朋友:阿Y(我工人)無做喇？咁突然既？佢既新contract7月，咁快被炒？我朋友問她，阿Y搵到Agent幫她搵工咩？她工人話：唔係，幚阿Y搵工果個Agent就是我果間Agent(她們都是同一間介紹來香港打工),仲話我工人之前向Agent哭訴她很辛苦，一個湊兩個，連睡覺時間都冇，想有僱主救她，卒之有僱主同情，並簽左7月。
我唔知真定假，為左工人件事近排我上Agent問過幾次意見，Agent表現好落力幫我，我信晒佢地，但我朋友笑我傻，她話工人少僱主多，供不應求，Agent都是收兩家茶禮，呢邊教工人駁炒，果邊就同新僱主講她有幾可怜。
大家認為是Agent真係咁衰，定還是我朋友工人講野不可信？她是幫我工人傳話刺激我嗎？

0 0 0

私人傳訊

zitzai

珍珠宮

積分: 35048

2^#

發表於 13-4-22 18:08 |只看該作者

本帖最後由 zitzai 於 13-4-22 18:09 編輯

我又唔係好睇得出 agent 點樣夾埋佢搏炒，教工人扮癲扮暈o個o的佢地乾手淨腳，唔通 agent 教工人偷錢，又做假張財仔信俾你發現？偷錢要坐監，就當你 agent 咁衰，件工人蠢成咁照做你都無謂要囉。agent 好唔好我唔敢講，但佢似乎未係最無良心o個渣，起碼佢無襯你急就求其塞件斷約籮底橙俾你。塞件垃圾俾你，跟住你又炒又換工人，佢咪仲賺得多

舊工人爭人 3 萬（已知o乍喎，有無其他街數唔知），只會越偷越狼。呢隻米缸老鼠你都一定唔會留。而家大掃除成功你應該開心，其他o野對你已經唔重要。不如你開佢名希望等佢害唔到其他人
工人講o既o野聽完就算，仲要人地個工人