自由講場今日: 706|主題: 1361238

收藏本版

發帖

返回列表

跳至頁

查看: 2923 | 回覆: 90

《高倫布》仆直集體回憶：「祥仔做配角仲好睇！」 [複製鏈接]

12 3 4 5

mickeyeva

瑪瑙宮

積分: 142284

馬年勳章 2025勳章蛇年勳章 2024年龍年勳章 2023年兔年勳章虎到金來勳章畀面勳章環保接龍勳章親子達人勳章 BK Milk勳章

1^#

發表於 13-4-29 11:03 |只看該作者 |倒序瀏覽 |打印

本帖最後由 mickeyeva 於 13-4-29 11:05 編輯

可能今次係角色問題, 但睇得多真係開始生厭!

巾幗3個配搭更加無興趣睇囉!

祥仔唔擔正，做得仲好睇！

巾幗梟雄之諜血長天》冇咗雯女，同胡杏兒partner，觀眾受唔受？

無綫8點半黃金時段播嗰套《神探高倫布》，下個月就49歲生日嘅黎耀祥，演嗰個唔知高大喜定高倫布，總之日日聽到馬賽娃娃嗌佢「布布」，真係毛管戙。有人統計過，馬賽可以喺21分鐘內，嗌35次「布布」。死未？

無論布布如何扭盡六壬、用盡吃奶之力谷出佢視帝嘅演技，換嚟嘅都只係網民狂插，仲笑祥仔係「膠視帝」。依家仲有網民話，非常懷念祥仔做綠葉嘅歲月。究竟係「布布」害咗佢，定係無綫狂用佢累死咗佢呢？

是的，大家都很懷念祥仔做配角嘅時候，近啲嘅，有08年嘅《秀才愛上兵》，祥仔一人分飾戴從文、戴從武，完全蓋過男主角馬浚偉，仲攞埋男配角獎；當然，佢喺《秀上遇著兵》嘅師爺角色，更令人拍案叫絕。

遠啲嘅，仲有97年嘅「堅毅哥」(《香港人在廣州》)、90年《人在邊緣》飾演嘅「曱甴」、97年《樂壇插班生》嘅羅文，嗰一下「手擺心口、口微張」嘅經典image，真係睇到人會心微笑。

仲有96年嘅《西遊記》——祥仔飾演嘅豬八戒，一句「多情自古空餘恨，此恨綿綿無絕期」，真係深入民心。有觀眾唔知係懷緬緊經典劇集，定係寸緊祥仔，留言話：「睇完尋晚『高倫布』啲演技，發覺完全係豬八戒嚟嘅，高倫布係佢千世情劫嘅其中一世咋！」

布布今日喺將軍澳電視城開工，又被問到網民要求《神探高布布》腰斬一事，布布已經係第二次回應0架喇，佢先大讚家庭觀眾好有理性去睇劇，又話批評能令各方面都會有進步咁話，所以佢唔會唔開心：「拍嘅時候唔會好覺，我以前好少比人鬧，係一個好好嘅經驗，我都冇可能保證到拍出嚟嘅劇套套都係好，我哋做演員嘅都係盡量做好本份。」

其實祥仔都有壓力，無綫0依家叫可以壓到場、揹到飛嘅小生、中生已經唔多。鄭嘉穎、林峯已志不在TVB，得番陳錦鴻、祥仔、陳豪、吳卓羲、馬國明(已上位同上緊位)。但觀眾成日睇劇都見到祥仔，睇廣告又見到佢，都真係會厭；而且嚟緊係佢擔正嘅《巾幗3》，又冇咗鄧萃雯，換咗同胡杏兒拍擋，擦唔擦得出火花都未知。