Joannex 寫道:
好可憐呀!! 之前筠筠發燒, 以為好似醫生話齋, 係因為佢喉嚨定生了痱滋(醫生檢查後, 說不是口足手病, 是細菌感染)引致的!! 不過燒了三日跟住退燒, 以為佢好番啦, 點知佢d臭臭好爛, 仲令到佢個pat pat又紅又腫, 好似俾滾女淥親咁呀!! 帶佢睇醫生途中, 發覺佢頸項同背脊出左好多一點點好似粉刺的粒粒, 見醫生時, 我都未講野, 醫生就話佢出疹! 仲話聽日會出得最犀利, 不過後日開始會退的...
醫生話除了接觸, 口水, 空氣都可以傳染!! 所以筠筠為所有人著想, 要隔離佢一星期!! 我個女係一個浦精, 我諗禁固佢一星期, 佢會大發脾氣...
呢度會唔會都有bb係染上玫瑰疹呀?? 你地個bb又點呀??
rebeccachor 寫道:
咁啱我曈曈都係出玫瑰疹呀! 佢23/9開始發燒, 中途燒到over 40度, 我地仲去左兩次急証室, 同住左一晚e 院 (因為之前都係唔知佢因咩事發燒), 27/9 終於出疹, 出疹之後一日才退哂燒
今日佢係第三日出疹, d 疹越來越化得大, 同埋佢無咩胃口呀, 成個瘦哂, 大脾仔都無左好多肉呀....都唔知點算... :-( :-( 之前已經唔係大隻, 又輕左...唉...筠筠有無胃口呀?? 佢無胃口, 你有無其他方法呀?
仲有呀, 我都唔知佢係出牙定係因為d 疹, 佢好忟憎呀, 尋晚仲喊到好似比人虐待咁呀, 好慘咁 筠筠係咪咁呀....
我99煲左庶水同紫草容比佢飲, 等佢清熱, 同埋又煲左芫茜水比佢沖涼, 你筠筠點呀? 有無其他嘢可以攪呀?