少年成長

跳至

首頁
1

尾頁
   0


子爵府

積分: 12527


發表於 06-10-6 17:09 |顯示全部帖子

覺得自己好失敗,唔識教女!

我個女兩歲九個月, 之前覺得佢好乖, 好懂事, 好聽教, 好講道理。

但唔知點解哩兩星期突然間變左個人咁, 我百思不得其解, 唔知問題出係邊。

佢突然叫咩都唔聽(工人叫十次九次唔聽, 我叫十次一次唔聽,但都有引同tum一輪先聽), 日常應該做既野叫佢做都要拖拖拖or叫極都唔去做。又無禮。

大部份問題係好似朝早工人叫醒佢, 佢就心情差,跟住就扭唔飲奶換衫拖拖拖 係梳發度攤。[size=xx-small]事後問佢點解, 佢話因為起身唔見媽咪

中午返到屋企又間中扭唔換衫唔食飯, 今日中午直情唔除書包,唔換衫,唔埋枱食飯, 瞓係梳發到, 工人同婆婆走埋去就以為人地要逼佢而喊, 最後就咁去左瞓。

哩輪晏奏覺工人叫佢起身多數都會喊(搵媽咪), 頭先又係, 工人話有燉蛋俾佢食, 佢竟然趕婆婆同工人出房門, 叫佢地走, 叫佢地拿燉蛋倒左去, 倒去垃圾桶
我真係好

平時叫吃飯, 叫沖涼,叫刷牙又係要叫幾十次, 一係就揀人, 要我同佢去做(但一向工人同佢做開)

有一次工人同佢沖涼, 唔肯起身, 可能工人耐性又唔夠捉佢起身定點,佢就發狂咁喊, 唔肯著衫, 光豬咁係梳發度喊足2-30分鐘, 直至我打電話返去先開始平靜。。[size=xx-small]事後問佢點解, 佢話因為沖涼唔見媽咪


我唔明點解突然變到咁失控囉, 我知道實係我地管教方面有出錯既地方, 可能日積月累竉壞左
另一方面, 我又擔心佢唔知會唔會受過咩委屈or挫折or遇過咩問題, 心理上有咩事而我地唔知。

我問過佢係學校開唔開心, 佢有話開心, 亦有話唔開心, 話同學仔撞到佢, 話同學仔推佢, 爭佢野等等。

佢好似好敏感咁, 會自己同其他小朋友比較, 例如係餐廳見到男人揍bb, 會問點解爸爸唔帶我來, 下次又會自我安慰 話上次我爸爸放假帶我來。
例如我帶佢同bk媽咪聚會, 大部份係爸爸媽媽帶,我就帶工人一齊去, 佢初初無出聲, 突然同我講: xx都係auntie(工人)同媽咪帶, 因為佢爸爸都要去返工, 跟住就開心返咁。

所以我更加擔心佢係唔係幾時心靈上受過傷害定有咩唔開心既野積埋左, 所以刻意反叛, 刻意唔聽話。

真係好煩惱, 好頭痛, 唔知點做。 :-( :-(

有無人可以同我傾下 :-(
您好!由於親子王國及教育王國已禁止用戶於簽名檔內張貼來自其他網站之網誌、facebook群組或相簿等之連結,因此閣下簽名檔內容已被刪除。


複式洋房

積分: 243


發表於 06-10-6 23:01 |顯示全部帖子

Re: 覺得自己好失敗,唔識教女!

我覺得佢行為係要引你注意佢,盡量同佢多d親子接觸(例如:自己同佢沖涼,刷牙,講故事...等等)再加上溫柔眼神接觸,比佢感受到你對佢既愛.看看有否改善~


民房

積分: 31


發表於 06-10-7 01:04 |顯示全部帖子

Re: 覺得自己好失敗,唔識教女!

妳地最近帶過佢去邊,唔知妳地八唔八卦,可以去街市買D《七色花》同佢沖涼,試
mars83


男爵府

積分: 5146


發表於 06-10-7 21:07 |顯示全部帖子

Re: 覺得自己好失敗,唔識教女!

佢話因為起身唔見媽咪
直至我打電話返去先開始平靜
點解爸爸唔帶我來
要我同佢去做(但一向工人同佢做開)

其實以上問題都睇到, 我覺得佢好想你同爸爸比多一點時間給佢, 吾帶工人, 多點家庭日, 你以前拍拖時都吾想有人做電燈泡.

心靈上受過傷害
學校開唔開心
刻意反叛, 刻意唔聽話。
可能日積月累竉壞左

先吾好稔得咁負面, 可能只係想引你地注意, 因為小朋友吾識得用其他方法表達, 只可以用行動引你注意.


男爵府

積分: 5798


發表於 06-10-8 00:29 |顯示全部帖子

Re: 覺得自己好失敗,唔識教女!

個女大啦, 自己跟多的, 第日同你關係又好的
凡事都有定期 、 天下萬務都有定時 . 生有時 、 死有時 .


珍珠宮

積分: 36303


發表於 06-10-8 08:15 |顯示全部帖子

Re: 覺得自己好失敗,唔識教女!

mycathy:

如果係我遇到尼個情況, 我會檢視下, 會唔會屋企有D情況改變左, 如: 爸爸,媽咪返工好晏先返, 佢返新學校, 轉新工人, 屋企將會多個新成員,等等..

始終得兩三歲人仔, 心情係好難完全表達哂俾你知道架, 你要知道左原因先可以對症下藥嘛....


大宅

積分: 3015


發表於 06-10-8 11:19 |顯示全部帖子

Re: 覺得自己好失敗,唔識教女!

我各得小朋友,越大就越曳,有時時我都會教扯火


珍珠宮

積分: 30842

2019新春慶豚圓 2019勳章 2018復活節勳章 熱血勳章 好媽媽勳章 畀面勳章 大廚勳章 BK Milk勳章 育兒性格勳章 親子王國15週年勳章


發表於 06-10-8 11:51 |顯示全部帖子

Re: 覺得自己好失敗,唔識教女!

tkkmama 寫道:
mycathy:

如果係我遇到尼個情況, 我會檢視下, 會唔會屋企有D情況改變左, 如: 爸爸,媽咪返工好晏先返, 佢返新學校, 轉新工人, 屋企將會多個新成員,等等..

始終得兩三歲人仔, 心情係好難完全表達哂俾你知道架, 你要知道左原因先可以對症下藥嘛....


無錯, 小朋友兩三歲有自己的思想, 佢都係想你地陪下佢, 唔係話要每陪佢地幾個鐘, 三個字至半小時親子活動, 玩下/講古仔/做手工 (呢段時間就只係你或者老公一齊做其間要無人打擾, 呢段係你同小朋友的時間). 呢 d 都係可以用短時間去完成, 但係對小朋友黎講佢地都會很開心, 因為爸爸媽媽係度陪佢. 又或者同小朋友訂立賞勵的制度, 每日做到 d 咩嘢 (好似而家做唔到的) 就比粒星星貼紙佢, 每星期儲到一定數量的貼紙, 就賞一 d 小禮物比 (唔使好貴幾蚊個 d 都得架啦) 佢或者係零食都得. 咁佢做得到又要礸下佢. 每半年檢討一次賞勵的內容, 可以加減, 咁當然係越大就要將儲貼紙有得賞數量慢慢增加.


子爵府

積分: 12527


發表於 06-10-9 09:56 |顯示全部帖子

Re: 覺得自己好失敗,唔識教女!

好開心有大家既回應

可能我真係忽略左個女一日一日長大, 需求亦一日一日唔同, 其實屋企真係轉變, 就係我有左第二個bb, 哩幾個月來人又攰, 脾氣又唔好, 加上老公工作好忙。
即使放假都同個女困埋係屋企, 可能佢覺得好悶又唔識講,加上工人經常會逼佢做哩做lu, 唔識同佢講道理, 所以佢脾氣就猛爭
我會試下多d同爸爸單獨帶佢出去family day, 希望佢會開心d, 又會叫婆婆睇住, 唔好俾工人成日激到佢發din
希望可以慢慢糾正返佢既脾氣啦。

七色花, 我未聽過, 不過我唔介意試下, 等我去問下邊度有得賣先。thank you
您好!由於親子王國及教育王國已禁止用戶於簽名檔內張貼來自其他網站之網誌、facebook群組或相簿等之連結,因此閣下簽名檔內容已被刪除。


男爵府

積分: 5798


發表於 06-10-9 10:29 |顯示全部帖子

Re: 覺得自己好失敗,唔識教女!

小朋友自細比工人睇, 真係好易有臭脾氣, 我都遇到小朋友升小一時, 岩岩轉工人, 個女真係突然大脾氣到你唔信, 但係當時因為大家工作都好忙, 番到屋企佢又發脾氣, 覺得佢好樓計, 所以都只係罵番佢罰下佢咁 其實諗番轉頭, 我同我老公都忽略左個女, 到個女升小六時,我地醒覺左, 反而陪左佢多的,罵佢少左, 有時大家意見唔同就包容下, 到依家佢雖然脾氣依然大, 但係真係有改善, 關係真係好左.

馬後刨咁話, 我覺得若果趁小朋友細個時陪佢多的, 佢生活的開心的, 我覺得佢品行同成績都係會比依家更好!!
凡事都有定期 、 天下萬務都有定時 . 生有時 、 死有時 .


子爵府

積分: 12527


發表於 06-10-9 10:49 |顯示全部帖子

Re: 覺得自己好失敗,唔識教女!

sorlo,
絶對唔係馬後炮, 哩樣係真既, 哩幾日我同老公都從正面咁去同佢相處, 發現真係好好多, 尤其我老公, 耐性唔好, 個女之前喊下爸爸都會發火閙佢, 令到個女更加唔開心。
其實佢地有唔好既行為真係有原因既, 我地真係要去了解囉
您好!由於親子王國及教育王國已禁止用戶於簽名檔內張貼來自其他網站之網誌、facebook群組或相簿等之連結,因此閣下簽名檔內容已被刪除。


男爵府

積分: 5798


發表於 06-10-9 11:35 |顯示全部帖子

Re: 覺得自己好失敗,唔識教女!

父母(包括我) 最大問題係, 標籤左個小朋友係"樓計", "做錯野"等等 其實佢樓計背後一定另有原因, 我既經驗係, 當我打罵完個女, 第日佢又用番同一方法對付番我地, 除左學埋哂我地的衰野之外, 仲要加的色水, 日日有新鮮野吸引你注意佢, 所以我地依家唯有大家冷靜少少, 慢慢睇下佢需要的乜 
凡事都有定期 、 天下萬務都有定時 . 生有時 、 死有時 .


子爵府

積分: 12004


發表於 06-10-10 09:37 |顯示全部帖子

Re: 覺得自己好失敗,唔識教女!

cathy,

都唔似紫鈺會咁既, rachel反而順住教佢就會聽話, 不過都好硬頸.

宜家我係頭痛家姐對妹妹既態度, 真係好難搞, 尋晚我仲鬧左佢一大輪, 佢真係激到我死, 連我老公都唔敢出聲, 好彩紫鈺同細佬/細妹?(知道未?), 年齡相差近, 好似我咁就死.


洋房

積分: 211


發表於 06-10-11 00:49 |顯示全部帖子

Re: 覺得自己好失敗,唔識教女!

mycathy,

你囡囡開始aware佢會有個弟弟�妹妹同佢"爭寵"啦,你們要開始引導她明白這是什麼一回事,還要開解她,說爸爸媽媽永遠都會愛佢,佢亦要愛弟妹....要趁早教,並且是身教.


大宅

積分: 1296


發表於 06-10-12 01:30 |顯示全部帖子

Re: 覺得自己好失敗,唔識教女!

Don't worry.. My daughter is the same .... she's now 2yr8 months....

Have you ever heard of " trouble two"???

This is it....
just ignore her bad behavior.... and focus on the good ones.. she'll be fine after a while


男爵府

積分: 7205


發表於 06-10-12 02:02 |顯示全部帖子

Re: 覺得自己好失敗,唔識教女!

我囡囡先啱啱2歲1個月未夠, 已經發覺佢扭計咗, 訓覺喊, 訓醒又喊, 飲奶又喊, 刷牙又喊, 我都會鬧下佢, 兇下佢話"唔理你啦", 又或者話"你咁樣, 返學(playgroup)冇小朋友同你玩架啦", tum下佢"聽日同你食雪糕啦", 但係我老公就真係唔忍得佢, 日日都大聲鬧佢, sunday工人放假仲打佢, 上星期先用杯豆漿拍落張枱, 彈到囡囡成臉成衫都係, 嚇到個囡呆咗 我睇到好心酸呀 :-(

我話我老公有冇攪錯, 佢仲話"你真係攪笑, 你夠鬧佢啦, 我唔鬧得呀" :-(


男爵府

積分: 5146


發表於 06-10-12 03:02 |顯示全部帖子

Re: 覺得自己好失敗,唔識教女!

唔~~

你同你老公收下火好wo, 你地係咪好大壓力.

孩子的第1個六年 " 梁天明, 葉嚴仁敏

去書局買泥睇下, 睇完我覺得幾有用家


男爵府

積分: 5798


發表於 06-10-12 11:08 |顯示全部帖子

Re: 覺得自己好失敗,唔識教女!

罵小朋友可以收到即時功效, 但係就治標唔治本, 第日佢就罵番你, 千唔要收火呀
凡事都有定期 、 天下萬務都有定時 . 生有時 、 死有時 .

首頁
1

尾頁

跳至
熱門主題