夫婦情感

跳至

首頁
12

尾頁
   0


民房

積分: 8


發表於 06-10-7 04:37 |顯示全部帖子

老公算唔算對我不忠

我同老公兩年前係大陸開左間細細地既工廠, 但生意唔好,半年前返左香港做野,佢依家份工好忙, 一日做13個鐘,基本上一齊既時間都好少, 而我就依然負責間廠, 平時d工人搵我地都會打黎HK響兩聲收線, 我地會打番上去, 因為大陸電話費好貴,

前幾日老公訓緊覺,我聽到佢電話響兩下就收左線, 我睇到無來電顯示就無理到佢, 之後無耐又響兩下收線, 顯示個大陸電話號碼, 跟住我同老公講有電話搵佢但唔知係邊個, 叫佢打番過去睇下咩事, 但好奇怪, 佢話唔駛打,由得佢咁話,

我總係覺得個電話好熟, 查番本電話簿先知原來係一個, 比我炒左兩個月既車位女工既電話號碼, 我問老公點解個女人打電話搵你, 佢話都唔知點解, 可能想問我有咩野介紹比佢做, 我問佢係咪成日打電話比呢個女人, 佢話冇打過, 當時我就開始懷疑, 睇番佢電話既記錄, 原來佢呢兩個星期都打過幾次比佢, 我好嬲, 問佢點解要講大話, 佢既解釋就係話唔想我知道左唔開心,佢地無野, 仲話淨係個女人打黎hk, 佢先打番電話搵佢, 只係打過一兩次, 叫我唔好胡思亂想, 但係當時我淨係識得嬲, 真係發晒爛查果隻, 問佢講既然係冇野,點解要瞞住我唔同我講,仲要講大話, 前幾個月呢個女人都有搵過佢,都有講比我聽,點解依家唔講, 同佢嘈左一輪, 佢最尾都係話, 淨係講下電話傾下計, 咩事都無, 總之就冇做對我唔住既事.....

過左一日, 我個心都仲係好唔開心, 開始諗好多野, 睇番呢兩個月既長途電話單, 發現佢隔幾日就會打呢個女人既號碼, 有一兩次仲係打完比佢再打比我,(當時我係大陸廠,個女人己經唔係工廠做), 我真係成個心實晒, 我冇即刻向佢發脾氣, 只係好傷心咁問佢:點解要(握)我??, 打完電話比佢又打比我,算係咩意思??,跟住係咁喊, 佢答我話真係同佢冇野, 因為覺得悶, 個女人又搵佢, 咪傾下電話{解悶}咁話, 我聽到{解悶}呢兩個字個心真係好痛, 問番佢如果我覺得悶所以搵個男人解下悶你會點?? 佢唔敢出聲, 之後先話講錯說話, 仲同我講以後都唔會聽呢個女人既電話.

我真係唔知信唔信佢好, 又或者我係咪小題大做?? 不過我依家對佢既信任己經少左一半.


複式洋房

積分: 212


發表於 06-10-7 04:46 |顯示全部帖子

Re: 老公算唔算對我不忠

我直覺上覺得你老公同個女人無野既,可能真係吹下水啫,唔好咁唔開心啦!同埋你老公都知你知道左呢單野,佢一定唔識再打電話俾個女人既!

你都知大陸d女人幾cheap先得呀,擺明做二奶都肯既,你千祈唔好再發爛渣呀,到時你老公覺得你好煩,分分鐘真係同個cheap精有野仲大鑊呀,到時真係俾條八婆得米啦!


民房

積分: 8


發表於 06-10-7 05:57 |顯示全部帖子

Re: 老公算唔算對我不忠

我咁唔開心 係因為佢有過前科, 五年前, 我地仲未結婚, 果時佢好鐘意賭錢, 出左糧都冇十日己經賭到冇晒錢, 佢層樓好多時都係我幫佢供, 唔夠錢用就問我借住先, 就因為咁果時成日同佢嘈, 勸又唔聽, 鬧又唔聽, 終於大家分左手,其實我係想佢改下唔好咁爛賭,

同佢分左手大約五個月之後我去佢屋企搵佢,果日佢見到我好開心,即刻攬住我, 就係果晚比我見到D女人衫褲,先知原來佢係呢幾個月識左個大陸妹,(又係大陸妹!!!!) 係佢阿哥係我地分手之前介紹比佢識, 佢阿哥其實好唔鐘意我, 話我會拖衰我老公咁話, 個女人仲係佢屋企住左一個月,之後返左大陸, 可能依家既老公當時覺得我唔會再同返佢一齊, 亦都諗唔到我會上去搵佢, 完全冇防範, 果時我知道左之後好唔開心,日日喊, 仲好想死,試過自己界傷自己,依家仲有條疤痕, 覺得自己好無用,果晚應該即刻走,點解仲要同返佢一齊,同埋覺得自己好X居, 做咩要搵分手黎試佢, 層樓我幫佢供, 佢就搵人返黎住, 同佢分開無耐佢就即刻搵第二個,好唔甘心, 佢同我講係因為我離開左, 佢都好唔開心, 但唔係好鐘意果個女仔, 係佢阿哥帶個女仔去佢屋企住.
第二日佢仲改埋電話,依家同佢結左婚三年, 一路都冇咩事, 只係我個心都仲有條剌係度, 講真果句, 果件事我到依家仲未淡忘, 頭一兩年仲成日為果件事同佢嘈, 果時我真係好似傻左咁,返工做做下野都成面眼淚, 因為唔算得上對我唔住, 因為係我同佢分手在先.


別墅

積分: 607


發表於 06-10-7 12:00 |顯示全部帖子

Re: 老公算唔算對我不忠

其實之前既事己經過去左~你都同番佢一齊就代表原諒同接受佢~
如果你成日諗番或者每次鬧交都攞番出黎講~
對你地既感情係百害而無一利架wor~

不如你地去吓旅行散吓心la


子爵府

積分: 11965

好媽媽勳章


發表於 06-10-7 12:43 |顯示全部帖子

Re: 老公算唔算對我不忠

其實既然佢都知錯...問心你仲愛唔愛佢...仲想唔想同佢一齊...如果你仲想比機會佢...就唔好再諗以前既野...



[url=http://lilypie.com][img]


複式洋房

積分: 260


發表於 06-10-7 14:15 |顯示全部帖子

Re: 老公算唔算對我不忠

話..真一句..
妳真係好叻呀 !! 比起我真係忍唔住,
頂唔順,,
妳都忍得住..即是妳太愛妳的老公,
就原諒他一次..
希望妳老公好好珍惜現在的妳..


民房

積分: 7


發表於 06-10-7 15:35 |顯示全部帖子

Re: 老公算唔算對我不忠

我都好明白你既心情, 我老公係我地仲未結婚之前D豬朋狗友介紹佢識左個陪唱, 個幾月後最終都選擇我. 結左婚4年大家既感情都幾好仲生左個小朋友, 可能我一直顧住個小朋友冇点理佢加上我皮氣燥成日鬧佢,大家既感情走下波大家冇点理會大家, 到左結婚第7年佢又同D豬朋狗友上大陸日間桑拿(大半年內每月一次), 到最近我同老公傾翻計從新修補大家既感情, 而佢都變好左好多以前唔理個小朋友同我, 依家有familyday....但係比我發現佢去過滾, 我冇拆穿佢只有隱喻下有時諗起唔開心好傷心咁會勁喊, 個心想原諒佢, 但係條氣又頂住諗諗下又問自己点解仲要佢? 已經2次對我不忠好予盾


民房

積分: 8


發表於 06-10-9 19:52 |顯示全部帖子

Re: 老公算唔算對我不忠

我都一樣好予盾, 一方面好憎佢, 但諗番轉頭又唔捨得, 我知佢做野好辛苦, 壓力好大, 但呢D又好似唔係理由喎. 有時真係好想離婚, 可以一了百了,我同佢講過樣樣野我都可以忍, 淨係呢樣野我一定唔可以忍, 琴晚我同佢講不如離婚, 佢又唔肯, 呢兩件事我冇同屋企人講過,可能係唔想屋企人覺得佢唔好, 結婚前果次對我影響好大,一路以來佢都對我好好, 好愛我, 照顧我, 我好信任佢,從來冇諗過佢會咁做, 真係好痛苦, 好希望件事無發生過, 我自己都好想過左去就算. 但就係唔得.
結左婚接近三年, 我唔敢生bb, 亦都唔想生, 好怕生左出黎, 有朝一日淨得我一個面對佢


公爵府

積分: 28397


發表於 06-10-12 11:40 |顯示全部帖子

Re: 老公算唔算對我不忠

我覺得你唔好再想發生過什麼事, 佢一定唔會認, 但係你又沒有實質証據. 而家佢都唔聽個女人電話, 無論佢地有沒有事情發生, 他的行動都表示佢唔想理個女人...


複式洋房

積分: 432


發表於 06-10-12 13:17 |顯示全部帖子

Re: 老公算唔算對我不忠

我覺得你的婚姻危危乎,
生仔一定要想清楚 !


侯爵府

積分: 22851


發表於 06-10-12 13:59 |顯示全部帖子

Re: 老公算唔算對我不忠

第一件事已經過左去就唔好再諗。今次件事聽你講就覺得佢同個女人應該冇咩過,只係傾下電話,講下曖昧野咁,不過你一定要留意你老公唔好比佢再同呢個女人傾電話,免佢地有機會發展落去。


侯爵府

積分: 22851


發表於 06-10-12 14:06 |顯示全部帖子

Re: 老公算唔算對我不忠

你老公肯改証明佢仲愛你,只不過有段時間大家都忽略左大家,佢去滾只係逢場作興,我覺得你又唔可以怪晒佢,當然佢都係衰架嘞!但邊個叫你唔理佢,呢d事唔好再諗(當然講係容易),但當比個機會大家重新開始囉!係件好事,總好過要離婚收場。

joeyeee 寫道:
我都好明白你既心情, 我老公係我地仲未結婚之前D豬朋狗友介紹佢識左個陪唱, 個幾月後最終都選擇我. 結左婚4年大家既感情都幾好仲生左個小朋友, 可能我一直顧住個小朋友冇点理佢加上我皮氣燥成日鬧佢,大家既感情走下波大家冇点理會大家, 到左結婚第7年佢又同D豬朋狗友上大陸日間桑拿(大半年內每月一次), 到最近我同老公傾翻計從新修補大家既感情, 而佢都變好左好多以前唔理個小朋友同我, 依家有familyday....但係比我發現佢去過滾, 我冇拆穿佢只有隱喻下有時諗起唔開心好傷心咁會勁喊, 個心想原諒佢, 但係條氣又頂住諗諗下又問自己点解仲要佢? 已經2次對我不忠好予盾


男爵府

積分: 6535


發表於 06-10-12 14:23 |顯示全部帖子

Re: 老公算唔算對我不忠

請問妳..現在愛唔愛妳的老公,
愛的話..就原諒佢一次呢 !!

就要問妳自己呢 !
晴晴囡囡出世於2005年4月7日出生的  :-)
晴晴的網頁


民房

積分: 7


發表於 06-10-13 00:33 |顯示全部帖子

Re: 老公算唔算對我不忠

zoezoebaby多謝你既回應,

現在仲係觀察階段(一個半月了), 但每當老公自己出街我都有種非常不安既感覺, 我怕佢唔知走左去邊(大陸????), 唔知係咪同豬朋狗友去(佢好易受人影響)....????, 想打電話比佢又驚打唔到(佢之前經常專登唔聽我電話) :-( :-( 因為佢已經出賣過我對佢既信任, 我唔知信唔信佢好 :cry:, 我好想佢擺低張回鄉咭免我猜疑, 我暗示過但唔成功點算?


洋房

積分: 89


發表於 06-10-14 02:08 |顯示全部帖子

Re: 老公算唔算對我不忠

joeyeee
你點發現佢去過滾o架?


大宅

積分: 1177


發表於 06-10-14 05:33 |顯示全部帖子

Re: 老公算唔算對我不忠

點都好...女人一定要有私己$...同埋唔好同你o既另一半"咩"數...如果唔係就好似我個friend 咁, 人又無, 錢又無, 仲要同佢不停還$...


民房

積分: 7


發表於 06-10-15 01:56 |顯示全部帖子

Re: 老公算唔算對我不忠

電話裏面有相, 睇完好hurt好hurt :-( :-( :-(


民房

積分: 8


發表於 06-10-30 21:54 |顯示全部帖子

Re: 老公算唔算對我不忠 <個女人仲係咁打電話黎!!!>

上次同老公嘈完, 諗左好多野, 自己冷靜落黎之後就將c6個電話飛落自己電話度, 仲同佢講:<我己經將你個電飛左落我條線度, 你依家只可打出, 電話打唔入, 但係如果我收到電話單比我見到你再打比個女人,咁就大家咩都唔駛再講>, 之後幾日, 個女人都仲有打黎搵我老公, 但我就冇聽, 其實我真係好想聽, 鬧佢一餐, 最後都係冇聽到, 個女人就隔日就打黎, 我都係唔聽, 唉, 我都唔知自己做乜!


複式洋房

積分: 437


發表於 06-10-30 23:53 |顯示全部帖子

Re: 老公算唔算對我不忠 <個女人仲係咁打電話黎!!!>

forgetit,

我諗個大6妹痴你老公多d,因為如果佢地有野,你老公點會唔千方百計打電話比個大6妹呢?其實你老公出過張新電話卡有幾難,條線飛左落你度之後個大6妹無再打電話比你老公你先驚,因為証明佢地有第二個方法聯絡。

所以你唔駛太過唔開心,不過要睇實d個老公lor。


民房

積分: 8


發表於 06-10-31 00:36 |顯示全部帖子

Re: 老公算唔算對我不忠 <個女人仲係咁打電話黎!!!>

呢點我都知道, 佢換過張電話咭或者用電話亭打我都未必會知, 總之我一睇到係個大陸婆打黎, 我就好唔開心, 好掹憎~
今日下午佢又打黎喇, 仲係香港電話號碼呀, 因為我有接電話, 仲係佢出聲喂先, 不過我就冇出聲因為我認得係佢把聲, 佢喂左幾聲就收左線, 可能佢己經知道個電話係我聽, 因為上個星期我聽過一個電話, 但係另一邊聽到係我把聲就即刻收左線.
我真係好想打番電話比佢叫佢唔好再搵我老公, 呢個方法會唔會好蠢??



首頁
12

尾頁

跳至