嬰兒醫護

跳至

首頁
12

尾頁
   0


男爵府

積分: 6846

2019新春慶豚圓 畀面勳章 環保接龍勳章 BK Milk勳章 育兒性格勳章 最關心BB問題熱投勳章


發表於 06-10-10 13:35 |顯示全部帖子

囡囡唔肯飲奶, 點算?

依家囡囡4個幾就黎5個月, 之前都飲到5.5oz飲, 最近唔知做咩, 餐餐都只係飲得果3oz到, 拍完風之後就唔飲, 放個奶樽落去, 試到係奶就大叫, 扭腰, 仲之就係唔肯飲, 但係飲水佢就不定飲喎, 點算好呀? :-( 需唔需要睇醫生呀?


複式洋房

積分: 357


發表於 06-10-10 15:08 |顯示全部帖子

Re: 囡囡唔肯飲奶, 點算?

Hello stepbystep88:
BB4個月大時已經開始貪玩鍾意發掘新視物,你試下同BB玩陣等陣再餵,唔飲又等多陣囉.不過最多1個鐘內要飲完,如果都系唔肯飲就算啦,等下一餐再比奶BB飲.不過要等竹4個鐘時間先好比BB飲奶喎.等BB知道卦住玩唔飲奶就會肚仔餓.
就算睇醫生都系比D開胃藥BB食o架渣,而且依賴開胃藥唔系辦法.係要有D耐性o架啦.


男爵府

積分: 6846

2019新春慶豚圓 畀面勳章 環保接龍勳章 BK Milk勳章 育兒性格勳章 最關心BB問題熱投勳章


發表於 06-10-10 16:52 |顯示全部帖子

Re: 囡囡唔肯飲奶, 點算?

Thank 呀 Funnylam, 但係佢差不多餐餐都唔原食, 好似成個人都輕左咁, 真係有d擔心 :-(


複式洋房

積分: 298


發表於 06-10-10 17:08 |顯示全部帖子

Re: 囡囡唔肯飲奶, 點算?

我囡囡都係咁, 我最近用左一個方法就係一等佢想瞓覺就再餵佢, 例如佢應該要飲六安, 啱啱飲得兩安(當然淨番果四安就要睹左去), 到佢想瞓覺時, 我就再沖四安比佢飲. 如果果次飲得三安, 就再沖三安比佢, 都幾work架. 不過每次就會浪費左啲奶粉囉, 唉...無計, 只要佢肯飲就咩辦法都要試


大宅

積分: 1339


發表於 06-10-10 22:48 |顯示全部帖子

Re: 囡囡唔肯飲奶, 點算?

我亞b都係咁呀, 好沮喪, 佢有時連訓住都唔肯飲, 一塞奶嘴入口就喊, 佢已經由中碼b跌到而家做細碼b, 8月尾重6.41kg, 而家都係得哥7kg, 個半月重得哥0.5kg, 都唔知點算..... :-( :-( :-( :-( :-( :-( :-(
回 望 這 半 生 也 許 是 場 夢 年 月 已 帶 走 幾 個 秋 與 冬 淚 也 倦 了 夢 也 不 斷 轉 眼 逝 去 生 命 或 許 是 場 空

14/5/2006: 3.30kg (birth)
14/6/2006: 4.34kg (1 month)
20/7/2006: 5.58kg (2 month)
25/8/2006: 6.41kg (3 month)
16/11/2006: 7.5kg (6 month)


大宅

積分: 3270


發表於 06-10-10 23:00 |顯示全部帖子

Re: 囡囡唔肯飲奶, 點算?

我個囡半個月前都好似你bb甘, 一準備飲奶姿勢, 佢就摟, 放奶樽入口, 就即刻咸. 俾假奶咀佢就食, 甘我就知佢想瞓, 懶得食, 我唯有一時塞下假奶咀, 一時俾支奶佢飲, 甘樣佢唔覺就飲奶啦, 不過佢都好醒架, 俾得多佢地識得分, 要再等佢瞓得熟d先可以再俾佢飲, 你識下哩個方法得唔得.

minnie


複式洋房

積分: 152


發表於 06-10-11 00:52 |顯示全部帖子

Re: 囡囡唔肯飲奶, 點算?

我個b之前幾日都係咁,之後我聽人講話解奶茶ok,咁我都有比佢飲(即沖o個隻),,飲左2日,每日飲1包,唔知係咁啱定真係ok,我囝囝呢幾日好乖,每日飲5次奶,有4次都可以飲到6安,但朝早o個餐只係飲到3-4安,咁都ok la,你可以試吓


男爵府

積分: 6846

2019新春慶豚圓 畀面勳章 環保接龍勳章 BK Milk勳章 育兒性格勳章 最關心BB問題熱投勳章


發表於 06-10-11 11:34 |顯示全部帖子

Re: 囡囡唔肯飲奶, 點算?

多謝各位媽咪比


民房

積分: 26


發表於 06-10-11 12:57 |顯示全部帖子

Re: 囡囡唔肯飲奶, 點算?

我bb而家1.5歲,佢4-5月都是這樣,我同佢去睇醫生,醫生話佢對奶敏感,肚仔痛.中醫話肚風.食醫生開藥就肯飲奶,無藥食就唔肯飲,常過所有方法,弄到一頭煙,結果我最後比佢食肥仔水,食左幾個月(雖然人地話食肥仔水太多不好) 但佢而家非常健康.如果你常過所有方法不果,這是最好方法.


民房

積分: 105


發表於 06-10-11 18:08 |顯示全部帖子

Re: 囡囡唔肯飲奶, 點算?

what is 肥仔水?


複式洋房

積分: 357


發表於 06-10-11 22:39 |顯示全部帖子

Re: 囡囡唔肯飲奶, 點算?

Hello stepbystep:
你個BB體重每月有無曾加1KG或已上呀.如果有你可以放心.
因為咁進展已經好好啦.如果你驚BB唔夠飽可以用粥水開奶比BB飲.BB會重得好快同飽Do架.開奶茶同肥仔水就唔好用啦,因為開奶茶有輕瀉作用o架.此中細BB都系淨飲奶好D.其實BB覺得飽就唔會再飲o架啦.如果BB唔飲奶又輕左可能個肚仔有事,咁你就要帶BB睇醫生啦.飲奶唔好格1,2個鐘餵一次餵到你只定奶量呀,咁樣BB會唔夠時間吸收營養.


複式洋房

積分: 357


發表於 06-10-11 22:46 |顯示全部帖子

Re: 囡囡唔肯飲奶, 點算?

HELLO CARRIECHAN:
其實你個BB體重頭3個月都重得好好O架,
如果你驚BB唔夠飽可以用粥水開奶比BB飲.BB會重得好快同飽Do架.開奶茶同肥仔水就唔好用啦,因為開奶茶有輕瀉作用o架.此中細BB都系淨飲奶好D.其實BB覺得飽就唔會再飲o架啦.如果BB唔飲奶又輕左可能個肚仔有事,咁你就要帶BB睇醫生啦.飲奶唔好格1,2個鐘餵一次餵到你只定奶量呀,咁樣BB會唔夠時間吸收營養.


複式洋房

積分: 123


發表於 06-10-12 10:23 |顯示全部帖子

Re: 囡囡唔肯飲奶, 點算?

Hello 各位,我個囡囡今日剛剛3個月,佢出世得2.54kgs到2個月已有5.17kgs本來進展好好,但自從打了5合1針之後就唔食奶,依家每日總共都係飲12-15oz成個都細左,飲開奶茶都無用又唔可以食其他野,好擔心!請問我係唔係要轉奶粉or睇醫生?


男爵府

積分: 6846

2019新春慶豚圓 畀面勳章 環保接龍勳章 BK Milk勳章 育兒性格勳章 最關心BB問題熱投勳章


發表於 06-10-12 12:48 |顯示全部帖子

Re: 囡囡唔肯飲奶, 點算?

funnylam627,

唔該晒你呀!! lee兩日bb又好番d喎, 我會再睇


大宅

積分: 1288


發表於 06-10-12 14:38 |顯示全部帖子

Re: 囡囡唔肯飲奶, 點算?

我有以下的分享.我BB女10月7日剛滿三個月.10月8日晚9:00pm飲完4oz奶,半夜醒過唔飲奶,一訓訓到10月9日的9:00am都係只願飲水唔肯飲奶.我立即帶了她去睇醫生.醫生好仔細成個人仔睇晒.結果就話她無咩野.係開始有點"感親"有點鼻塞同埋個肚仔好多風.d風都積左一段日子.開左d止鼻水呀,滴鼻鹽水,去肚風同埋開胃的藥水俾我.結果雖然無食番足餐數但都有肯食番下奶.到昨日10月11日突然又12個鐘唔肯飲奶,即使肯食時,飲飲下又發脾氣.到下午4~5:pm時仲狂喊激喊巔喊...又五係要食奶但又好似好唔舒服咁.見她仲係有點鼻水鼻屎,於是唸會否是d藥唔夠勁未好清.見她咁喊法所以就拿拿聲帶埋d藥水抱她求其就係樓下睇啦.見到幾間連住的診所,幾間都無人唯獨是有一間多人睇到幾乎無位坐的.望到好似好專業兒科,因有講解BB的海報又有晒所有奶粉的sample擺係度仲有孕婦睇添!心唸無死哪一於睇呢間即使要等.結果呢個醫生開頭一味問我覺得BB有咩唔舒服,咁我講晒啦又問我仲有呢仲有呢,激死我,我心唸就係唔知她有咩事所以先黎睇姐!之後佢好普通咁聽完心肺睇下喉嚨後就同我講話BB無事.個醫生就話:你只係覺得BB唔飲奶姐?到3~6個月既BB係會開始唔肯飲奶.BB越大就係會飲奶越黎越少其實最好就係等到BB喊果時先沖俾佢飲.唔駛定時定候俾佢飲.佢肚餓時喊要食時咁就自然會肯食!佢唔餓你又俾支奶佢飲,佢緊係喊啦!之後我話她飲到一半突然又喊,個醫生竟然話我:你係咪質佢飲呀?我話我絕對無囉.最後醫生就話我只係會開隻維他命的開胃水俾妳.我問咁呢D藥(我帶俾他睇那10月9日那些藥)係咪即係可以唔駛再食?佢竟然同我講:妳鐘意啦!你鐘意可以俾佢食.根住我再問一問BB食緊雀巢能恩飲完奶後塊面同額頭有紅色一達達,係咪即係敏感?醫生答:係正常.我話咁即係佢喊係"樓計"?佢話:係!嘩睇完激死我啊!佢說話D態度又串又"膚衍"!我老公話我:妳唔同個醫生講:咁BB唔肯食奶,係咪俾盒叉雞飯佢食Y?
:tongue:
[size=small]但今日睇到呢度原來都咁多BB近三個月就唔多食奶.都唔知係咪真係個衰醫生講得岩哪. ?-( ?-(


複式洋房

積分: 123


發表於 06-10-12 15:22 |顯示全部帖子

Re: 囡囡唔肯飲奶, 點算?

個e生就真係衰左D,雖然發現好多bb都會有呢個情況,但係都book左返健康院見一見護士同磅一磅重。希望亞b可以好似stepbystep88個囡囡咁好返D啦!


大宅

積分: 1288


發表於 06-10-12 16:19 |顯示全部帖子

Re: 囡囡唔肯飲奶, 點算?

KH917~係呀,個醫生真係激死我,仲有話我BB"幾肥Y"咁.唔通瘦B唔食奶先驚,小肥B唔食奶就無所謂咩.其實我唸飲得少d都唔駛太過擔心.係最怕她唔飲,怕唔知佢邊度唔舒服!黎緊去健康院打針時,我都會請教一下姑娘!開胃水前後我都係俾她飲過兩次.始終BB細,無咩大件事我都唔想她食藥.我都希望所有大家的BB都肥肥白白.唔好學我地大人減肥.胃口快D返返黎!


複式洋房

積分: 357


發表於 06-10-12 17:33 |顯示全部帖子

Re: 囡囡唔肯飲奶, 點算?

HI 加應子:
初頭3個月既BB飲奶係會亂,BB會慢慢搵到佢飲奶嘅時間O架啦.兩個醫生都講得岩,不過(11/10)睇嗰個就講野吋D.兩個醫生嘅檢查手法同開藥都正確.BB飽就唔會食咖喇。你個BB有流鼻水可能係佢想飲但係個鼻塞住,所以佢飲唔到咪喊囉,用滴鼻藥水其實都好有效咖,等D鼻水稀D再搵吸鼻水既泵吸番佢出黎,BB就會舒服DO架啦。你話D藥可能唔得,其實你BB(9/10)睇嗰個醫生開D藥系正常,因為D醫生已經唔咁再用初組織安而用其他藥代替而且系細BB食.所以藥力會慢D.(11/10)醫生開D藥可以同(9/10)個D藥一齊食,但系開胃藥就唔好比BB食咁多呀.而雀巢能恩可能蛋白質比較多所以食都BB塊面同額頭有紅色一達達.敏感.其實BB喊未必系扭計,你慢慢就會清楚BB須要而知道系咪扭計O架啦.


男爵府

積分: 6556

2019新春慶豚圓


發表於 06-10-12 22:27 |顯示全部帖子

Re: 囡囡唔肯飲奶, 點算?

我想問個醫生叫咩名吖


大宅

積分: 1288


發表於 06-10-13 13:30 |顯示全部帖子

Re: 囡囡唔肯飲奶, 點算?

[size=large]funnylam627[size=small]:好多謝妳啊~妳是姑娘嗎??
[size=large]mingmama[size=small]:妳是問好定衰果個

首頁
12

尾頁

跳至