少年成長

跳至

首頁
1

尾頁
   0


侯爵府

積分: 21465

2019新春慶豚圓 畀面勳章


發表於 06-10-10 16:16 |顯示全部帖子

阿仔唔肯跟奶奶,點算?

我打算出返來做野.試放去比99湊.點知仔仔勁喊.今日我放過去,他又喊.我出去3個鐘.99話他除左睇魚魚停左半個鐘,就一路喊足2個半鐘.要99帶他去搵我.狂叫媽咪.連電梯都唔肯入.阿仔而家21個月.點算啊?chi實我.有冇媽咪遇到過尼d情況.分享下.


洋房

積分: 122


發表於 06-10-10 17:06 |顯示全部帖子

Re: 阿仔唔肯跟奶奶,點算?

情況一如我阿仔剛剛返學頭兩個禮拜, 其實佢只不過唔習慣同你分離.

其實你阿仔而家21個月, 你會唔會等多3個月先返工, 足兩歲直接俾佢返學呢? 有d學校offer全日制架喎. 我覺得與其叫奶奶湊, 不如搵個學到野既地方湊佢. 返到學校, 有老師有同學有玩具有playground分散佢注意力, 我阿仔最初只係每當靜落黎時會喊兩聲. 約兩星期後, 佢無喊仲唱係學校學既歌俾我聽添.

宜家返左學一個月, 已經由食殘廢餐變成學識自己畢飯食, 雖然都係天一半地一半, 不過我都已經感動到想喊喇. :-(


侯爵府

積分: 21465

2019新春慶豚圓 畀面勳章


發表於 06-10-11 00:05 |顯示全部帖子

Re: 阿仔唔肯跟奶奶,點算?

princemami:謝謝你的分享.我都想過直接2歲送去返全日.而家比他學習同我分離.之前他是99湊.後來99暫時唔湊他.我才辭職回來湊左他幾個月,點知他就唔跟99.而家連我老公他都唔跟.勁chi我.連去廁所都唔放過.我擔心到時去返學唔知點算.因為都係99接送.晚上我才湊他回家.


複式洋房

積分: 105


發表於 06-10-11 15:50 |顯示全部帖子

Re: 阿仔唔肯跟奶奶,點算?

維仔媽媽,

慢慢黎啦, 佢對憤左你, 一下子要佢同mammy分開, 真係好慘架. 如果你打算過三幾個月送佢去番全日 (贊成 之至, 總好過留係屋企對住你99, 無人同佢玩, 又掛住媽咪, 幾慘呀). 你可以依家開始多d同佢去grandma 度玩下, 食下飯, 等佢熟習下 .. 雖然佢幾個月前都係grandma湊, 但細佬仔既記憶比較短. 到佢熟悉番grandma同埋grandma屋企, 你先離開現場. 最初可以係菅街買野 (半個鐘內返), 慢慢將分開既時間拉長,毎次都要同佢講去邊度, 幾時返, 唔好偷走, 佢會喊得重勁. 試得幾次, 你就可以試下半日 ... 希望你囝囝好快adjust到啦. :-P


洋房

積分: 122


發表於 06-10-11 22:12 |顯示全部帖子

Re: 阿仔唔肯跟奶奶,點算?

Totally agreed with ChloeMammy!

另外, 會唔會你仔仔覺得幾個月前, 嫲嫲唔要佢, 所以佢對嫲嫲失去安全感以致唔肯跟佢呀. 不如你製造d機會俾佢同嫲嫲相處啦. 例如叫奶奶帶佢落下超級市場, 但係你記得留係屋企等佢地兩個返黎喎. 俾佢知道媽咪唔係唔要佢, 仲會係屋企等佢返黎添, 等佢放心跟返嫲嫲.

我阿仔剛開學原本都唔肯俾嫲嫲掂佢, 因為我不斷製造機會俾嫲嫲同佢玩, 宜家back to normal lu.

首頁
1

尾頁

跳至
熱門主題