小肥肥晴晴 寫道:
當我陀住囡囡嘅時候,佢爸爸已經入咗去戒毒,身邊嘅人都叫落咗佢啦,但我無理會佢地,反而會話呢個係我嘅決定,最終嗰句BB係無辜,佢無理由因為我同個廢人嘅事而受到任何懲罰,終於無人支持下我終於生咗佢,喺我嘅人生入面就多咗小肥晴同我一齊,開心唔開心幾難過,我同女女都過咗６年,但係呢6年真係好難過.............!
肥晴9個月患羊癇症,經常抽搐而導至言語,大肌及小肌都緩慢,到1歲因為尿倒流流番入腎,搞到兩邊腎有疤痕,要食6年抗生素,呢幾年女女辛苦極了,但佢唔會俾你睇到佢驚,佢痛,從來打bok,抽血,插尿喉放尿,都未喊過,仲好乖咁俾姑娘制,我成日同人講呢D小朋友係識體諒,關心身邊嘅人,反而叻嗰Ｄ小朋友係能力方面係做到,但決乏觸感,唔會感受身邊嘅人,認同嗎?
一直以來肥睛都係單親家庭,用我全副精神都只係俾到母愛,佢完全唔知道咩叫父愛,我係同肥晴一齊訓,每晚我見住佢訓內心就好痛苦,為何要佢受苦呢!(以上內容係一小部份)
因為肥晴樣樣都唔叻,所以要做早期訓練,而家讀緊K3,途中重讀咗一年幼班,而家喺全班最大係佢,但能力最弱係佢,佢諗嘢係6歲,但講話,大肌,小肌評估到只係3歲左右,就因為咁佢Ｄ情緒起伏好大,有時喺學校因為做唔到要做嘅嘢,又或者小朋友聽唔清楚佢講嘢,佢就會好唔開心仲會忍泣起來,就因為咁我就要全情投入,了解佢,萬一我都聽唔明,佢又流出眼淚,有時我都忍唔住同佢一齊喊,真係好辛苦亦好痛心!
我成日同身邊嘅人講,肥晴係神交給我照顧,希望我能夠好好帶大佢,付出可能俾其他人多,但我會努力令肥晴適應呢個世界!
幸好有呢個綱,因為有電腦及上綱係呢個月先有,之前好辛苦嘅時候,我都只會擺喺心,搞到情緒好唔穩定,我爸媽及家姐,妹只會話我脾氣臭,講!佢哋唔會明,因為我係單親,能夠認識你哋係我最感動嘅事!
囡囡兩歲之前我無任何信仰,因為我未真真正正接擉到,認識主係因為肥晴2歲嘅時候,為左避佢爸爸,塭社工幫我揾咗一間基督教嘅庇護宿舍住咗3個月,記得喺嗰度嘅第一晚,我終於感動了!我咁大個女終於知道咩叫感動,嗰度Ｄ姑娘幫我幫肥情祈禱後唱聖詩,喺我心入面一直流唔出嘅痛苦,無奈,一湧而至,我唔敢相信,喺嗰晚即2002.12.5.我決志咗,我相信呢個世界甚麽甚麽偶像係假咖,呢個世界只有一位,嗰個就主耶穌,我同肥睛甘願追隨主!希望大家可以幫肥睛祈禱,俾佢努力可以適應呢個世界,俾佢用平常心去面對情緒,俾佢健健康康咁成長,唔好俾佢喺學校遇到困難再喊喇!唔該哂!
發表於 
返回列表
