夫婦情感 今日: 25 | 主題: 42594

積分: 108

1^#

發表於 06-10-25 16:28 |只看該作者

回想你地同老公最深刻難忘既回憶！！！

我同我老公最難忘既回憶，係我地拍緊拖個陣，我同佢拍拖大概1個月到，我因為有要事要離開香港1個月，初時我諗住拍拖咁短時間就分開，到我返香港既時候，應該會無晒feel，點知我走之前，佢攬住我喊，話唔捨得我走，到我走左之後，佢就每日都寫信俾我(其實收到佢d信我都已經好感動，因為佢讀書少，寫字差都肯寫信俾我，佢每封信都會有好多錯字，我每次睇都又喊又笑)，到我返o黎香港個日，佢帶我返屋企，送左隻小鑽石介子俾我，雖然唔係求婚，但係佢同我講，隻介子佢係我走左無耐已經買定，等我返o黎送俾我，個一刻我真係覺得好感動、好開心，感動、開心並唔係因為收到介子呢份禮物，而係佢為我所做既事情令我好難忘！老公：I LoVe U

咁各位同老公最深刻難忘既回憶又係點既呢？一齊分享下！

私人傳訊

caca_bb

積分: 323

2^#

發表於 06-10-25 17:00 |只看該作者

Re: 回想你地同老公最深刻難忘既回憶！！！

同老公深刻難忘的回憶真係好多:

未結婚前, 跟小天使bb差不多, 跟他拍拖半年到, 我要去澳洲工幹, 雖然只係6天, 但係都好掛住對方. 同埋佢送我入閘個一刻, 真係好似拍戲一樣, 入到閘口, 我不期然的擰轉頭望, 眼淚好似不受控制的不斷向下流. 回港的一天, 飛機一到步即時開電話打比佢, 雖然個人都好疲累, 但都心急的係咁走, 希望快d見到佢. 上前來個大擁抱.

結婚的一天, 當然係最開心最難忘的, 尤其在宣誓同簽証書的一刻.

結婚後, 當然係囝囝出世的那一日, 佢由朝早係產房陪我陪到夜晚我被推入手術室開刀生bb, 然後係手術室門外等我出來跟嬸嬸送我到產後病房. 好彩佢全日15小時係我身邊支持我/照顧我. 比我好大勇氣咁生左囝囝出來.

老公, I Love You Very Much! I Love You Forever!

私人傳訊

積分: 11341

2018復活節勳章好媽媽勳章

3^#

發表於 06-10-25 17:16 |只看該作者

Re: 回想你地同老公最深刻難忘既回憶！！！

我同我老公最難忘既回憶，都係怕拖嗰時，嗰時我地啱啱開始拍拖，真係好啱啱嗰隻，得嗰幾日貨仔，嗰次係我有日病咗，我就好遲先落樓返工，一落到樓我就見到我老公（當時係男友）喺我屋企樓下兼買咗早餐，但嗰朝佢又唔知我會咁遲落嚟喎，我又唔知佢買早餐嚟dum我，嗰時凍到佢差d死咁滯，（當時係1月嚟，我記得嗰時得幾度咋）當時見到真係感動到唔知講乜呀，其實我識咗我老公好耐先同佢怕拖，我不嬲都知佢對我好，但我唔知原來好到咁，到咗而家佢都係咁錫我，我呢生人最大ge成就同我最叻ge事都算係嫁到比我老公喇，不過我唔會同佢講，費事佢得戚，但如果佢睇到呢段ge話，我相信佢會好開心，同埋呢，我都要喺度講老公I LOVE U

私人傳訊

積分: 11341

2018復活節勳章好媽媽勳章

4^#

發表於 06-10-25 17:24 |只看該作者

Re: 回想你地同老公最深刻難忘既回憶！！！

結婚的一天, 當然係最開心最難忘的, 尤其在宣誓同簽証書的一刻.
結婚後, 當然係囝囝出世的那一日, 佢由朝早係產房陪我陪到夜晚我被推入手術室開刀生bb, 然後係手術室門外等我出來跟嬸嬸送我到產後病房. 好彩佢全日15小時係我身邊支持我/照顧我. 比我好大勇氣咁生左囝囝出來

caca_bb

我都係，結婚宣誓同簽証書的一刻又係好難忘，因為真係好開心，嗰時我仲比人笑添呀，因為帶完介指揭頭紗之後，我就好自然咁嘟起個咀預備錫錫喇，我d屋企人係咁喺後面笑我添呀，攪到我老公都笑我唔知醜呀，激死我喇，不過我真係想錫佢架嘛 :mrgreen:

同埋我又係開刀生bb架，開完刀後係我老公拍醒我架，我醒咗第一眼就見到佢，我覺得好安心同好開心架，同埋佢好小心咁幫我帶番眼鏡，我突然間覺得好愛佢添呀，死喇，比佢見到又話我唔知醜架喇，佢成日都話我傻婆嚟架

私人傳訊

elf

侯爵府

積分: 24061

5^#

發表於 06-10-25 17:29 |只看該作者

Re: 回想你地同老公最深刻難忘既回憶！！！

有好多野都好難忘, 拍左約10個月拖既時候, 我地第一次一齊去旅行, 雖然只係去左5日, 返到香港之後一兩日就要返工, 係佢返工前一晚, 佢攬住我話唔捨得, 講講下仲喊......其實我當時都好驚

同埋佢鍾意自己整小手工俾我, 生日佢會畫生日卡, 最記得係我畢業既時候, 有一日佢病得好辛苦, 但都整左一坐有台、有燈、有公仔、有花、有diploma、有樓梯, 有audience, 成個stage送俾我...我都有d驚嘆原來佢咁artistic...

私人傳訊

寶貝兒

別墅

積分: 731

6^#

發表於 06-10-25 17:31 |只看該作者

Re: 回想你地同老公最深刻難忘既回憶！！！

簽紙個刻當然係最難忘啦! 雖然我全程都緊張都痺, 好似遊魂咁, 不過始終一生人得一次, 真係想唔記得都幾難.

但我就未有小朋友, 所以都未有呢件難忘事. 不過, 因為 c6 工作好忙, 所以佢一有時間陪我, 就算係屋企都過得好開心, 難忘...

私人傳訊

caca_bb

積分: 323

7^#

發表於 06-10-25 18:03 |只看該作者

Re: 回想你地同老公最深刻難忘既回憶！！！

禮媽, 你就好啦, 你老公拍醒你, 同你帶眼鏡.
我上產後病房己經係夜晚12有多啦, 所以佢只可以係我朦朦朧朧咁跟嬸嬸送到病房門口, 仲同嬸嬸講個手提電話一定要放係我手, 方便我起身打電話比佢喎. 雖然我真係朦朦朧朧, 但係我聽得好清楚同埋都好感動. (因為我係全痳的, 所以上房時不清醒的.)

禮媽寫道:
結婚的一天, 當然係最開心最難忘的, 尤其在宣誓同簽証書的一刻.
結婚後, 當然係囝囝出世的那一日, 佢由朝早係產房陪我陪到夜晚我被推入手術室開刀生bb, 然後係手術室門外等我出來跟嬸嬸送我到產後病房. 好彩佢全日15小時係我身邊支持我/照顧我. 比我好大勇氣咁生左囝囝出來

caca_bb

我都係，結婚宣誓同簽証書的一刻又係好難忘，因為真係好開心，嗰時我仲比人笑添呀，因為帶完介指揭頭紗之後，我就好自然咁嘟起個咀預備錫錫喇，我d屋企人係咁喺後面笑我添呀，攪到我老公都笑我唔知醜呀，激死我喇，不過我真係想錫佢架嘛 :mrgreen:

同埋我又係開刀生bb架，開完刀後係我老公拍醒我架，我醒咗第一眼就見到佢，我覺得好安心同好開心架，同埋佢好小心咁幫我帶番眼鏡，我突然間覺得好愛佢添呀，死喇，比佢見到又話我唔知醜架喇，佢成日都話我傻婆嚟架

私人傳訊

積分: 108

8^#

發表於 06-10-25 18:19 |只看該作者

Re: 回想你地同老公最深刻難忘既回憶！！！

我記得第一年同我老公過既情人節都幾難忘既，因為我覺得佢好可愛，當時我同佢住埋但未結婚，情人節個日，我出左去，我返到屋企個陣，俾我偷偷地睇到佢搵緊地方收埋份禮物，個一刻我覺得佢好可愛，好似細路仔咁，點知轉個頭俾佢見到我返左o黎，佢唯有當面送俾我，但我都覺得好浪漫、好開心！對我o黎講都幾難忘！

私人傳訊

LeeAnnMama

禁止訪問

積分: 12239

9^#

發表於 06-10-25 18:46 |只看該作者

Re: 回想你地同老公最深刻難忘既回憶！！！

提示: 作者被禁止或刪除內容自動屏蔽

私人傳訊

積分: 108

10^#

發表於 06-10-25 18:51 |只看該作者

Re: 回想你地同老公最深刻難忘既回憶！！！

連我都感受到你老公好愛錫你！真係好令人開心！

私人傳訊

積分: 11341

2018復活節勳章好媽媽勳章

11^#

發表於 06-10-25 21:58 |只看該作者

Re: 回想你地同老公最深刻難忘既回憶！！！

caca_bb
因為我喺私家醫院生，所以老公有得陪我囉，生完之後我見老公好担心個樣添，所以好難忘囉，之後睇番d相先知自己開完刀個樣似鬼，被頭散髪，塊面同口唇白到似鬼，可能嚇死佢呀

不過，知道老公担心自己，又真係幾搭糖架

註：sorry，唔係想晒嘢，我係真係搭糖架，睇到毛管棟都唔好her我，唔該

私人傳訊

積分: 11341

2018復活節勳章好媽媽勳章

12^#

發表於 06-10-25 21:59 |只看該作者

Re: 回想你地同老公最深刻難忘既回憶！！！

LeeAnn'sMum 寫道:
真係好多AR....
最最最深刻難忘既,我諗係當年我生阿女,佢o係產房陪產,
當時佢捉實我隻手,仲同我講"我呢世都會好好愛錫您,
保護你,因為我好愛你,多謝你!"有佢呢一句話,我幾辛苦都
值得

wa，根死隔離呀姐妹

私人傳訊

lingha

侯爵府

積分: 22512

13^#

發表於 06-10-25 23:42 |只看該作者

Re: 回想你地同老公最深刻難忘既回憶！！！

其實好多ga~~
不過最深刻梗係結婚嗰日同埋生亞囡嗰日la
一世都會記得ar

私人傳訊

LeeAnnMama

禁止訪問

積分: 12239

14^#

發表於 06-10-25 23:44 |只看該作者

Re: 回想你地同老公最深刻難忘既回憶！！！

提示: 作者被禁止或刪除內容自動屏蔽

私人傳訊

milkbear23

伯爵府

積分: 17712

好媽媽勳章醒目開學勳章畀面勳章環保接龍勳章 BK Milk勳章

15^#

發表於 06-10-26 09:25 |只看該作者

Re: 回想你地同老公最深刻難忘既回憶！！！

我記得有次同佢行街，我地等緊過馬路，　個時未結婚既，　佢擰塊面過來同我講野，　我突然間一啖嘴埋去佢度．　佢個刻呆左，　隔左３－４秒先有反應，　佢問我做咩無端端錫佢．　

跟住最開心係上個月擺結婚酒啦，　同埋早２日去註冊處簽名同宣誓個刻啦，　未宣誓之前我個刻好想喊出來，　唔知點解．　真係好開心，　

因為有個好老公，　佢識煮飯，　洗衫，　拖地，　做家務

[img]

[/img][img align=left

私人傳訊

fannybb

別墅

積分: 999

16^#

發表於 06-10-26 09:48 |只看該作者

Re: 回想你地同老公最深刻難忘既回憶！！！

我就係剛剛識我老公時, 佢第一次送我番屋企, 起初唔多好意思所以叫佢送到我0個座樓下, 我無比我屋企電話佢, 佢自己查黃頁, 隔幾日佢打嚟我屋企, 我真係嚇咗一跳, 佢話用我條村名及座數及姓氏(因登記用爸爸名), 一個一個打去問. 打到最後第3-4個左右, 就中咗. 佢話查咗2晚通霄. 所以我識我老公都十幾年我好記得0個一刻.

私人傳訊

formula0106

禁止訪問

積分: 2052

17^#

發表於 06-10-26 10:29 |只看該作者

Re: 回想你地同老公最深刻難忘既回憶！！！

提示: 作者被禁止或刪除內容自動屏蔽

私人傳訊

積分: 108

18^#

發表於 06-10-26 10:31 |只看該作者

Re: 回想你地同老公最深刻難忘既回憶！！！

嘩！fannybb：你呢個回憶又真係好難忘喎！直情令人羨慕呀！

私人傳訊