吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 有冇渴睡症？

自由講場今日: 2410|主題: 1361949

收藏本版

發帖

返回列表

跳至頁

查看: 2186 | 回覆: 4

有冇渴睡症？ [複製鏈接]

肉丸

別墅

積分: 712

1^#

發表於 13-6-25 01:14 |只看該作者 |倒序瀏覽 |打印

有冇JM或小朋友係確診患渴睡症？
第一次出post，真心想知道呢度有冇同道中人？想知你地點樣對抗睡魔？
我初中前仲好精靈，但十五六歲開始就成日恰眼瞓，無論夜晚瞓幾多個鐘，但日頭都會不時恰眼瞓，從來冇完成過睇倒一本書，如是者十幾年，睇咗好多醫生，一般都話我精神緊張瞓得唔好；又做過睡眠疾息測試，又話我冇問題。多年來我自信心都好低，總覺得自己工作表現差，成日俾人見倒我返緊工恰眼瞓，我仲要好快入夢，所以成日做咗D嘢都唔知係現實定係夢中發生（就好似inception套戲咁）。我會覺得明明保持清醒呢樣一般人都做倒嘅嘢，點解對我黎講，每一個鐘都係挑戰。
終於幾年前，精神科醫生確診我係患渴睡症，話至今醫學界仍然揾緊病因，但有大機會係遺傳（雖然我唔多覺我屋企人係咁）。唔知點解我覺得呢個判斷好似俾倒我十幾年黎的自責有一個解脫，以前會連自己都覺得係咪個人懶所以咁，但而家總算係唔關自己事，我個身體係咁我都冇計。
我以前好少可以好大方同人透露，尤其工作上唔敢俾人知，始終會覺得如果我係HR知道黎見工果個會成日恰，都一定唔請。係近一兩年醫生開解咗我，叫我唔好自怨自艾，要學識同個病一齊生活，而家仲學習緊，所以想上黎呢度睇下有冇同我一樣的JM可以互相打下氣。
其實周不時都有好多因會渴睡的烏龍嘢發生，你地又點對抗呢？有機會再分享，多謝收看。

0 0 0

私人傳訊

hashlulu

大宅

積分: 1615

2^#

發表於 13-6-25 01:30 |只看該作者

回覆：有冇渴睡症？

我成日坐坐吓無啦啦瞓左，吳知算吳算！

私人傳訊

肉丸

別墅

積分: 712

3^#

發表於 13-6-25 01:46 |只看該作者

回覆：hashlulu 的帖子

我諗好多人攰起上嚟都會好似你咁，好難就咁判斷。但你會唔會一坐低就好容易會瞓？又或者係睇緊你鐘意的電視節目有會唔會呢？
我當然成日想追劇都往往因為瞓著咗而成日要睇返轉頭，另外我比較極端的情況係行行下都會瞓著，仲要發埋開口夢，同隔離的C6對話，後黎佢見我九唔搭八叫返醒我，我先知自己瞓著咗。

私人傳訊

ahpoo

珍珠宮

積分: 43855

4^#

發表於 13-6-25 08:11 |只看該作者

引用：有冇JM或小朋友係確診患渴睡症？第一次出po

原帖由肉丸於 13-06-25 發表
有冇JM或小朋友係確診患渴睡症？
第一次出post，真心想知道呢度有冇同道中人？想知你地點樣對抗睡魔？
我初 ...

你既生活模式係點？會唔會揾多d有興趣而又要專注既野做下？例如打麻雀！一眼訓就輸錢！可能訓練倒你唔甘易訓！

私人傳訊

肉丸

別墅

積分: 712

5^#

發表於 13-6-25 09:42 |只看該作者

引用：Quote:原帖由+肉丸+於+13-06-25+發表有冇JM

原帖由 ahpoo 於 13-06-25 發表
你既生活模式係點？會唔會揾多d有興趣而又要專注既野做下？例如打麻雀！一眼訓就輸錢！可能訓練倒你唔甘易 ...

哈哈，你講得啱，醫生都建議我做多D自己有興趣嘅嘢去保持專注力，但打麻雀對我黎講係高難度嘅挑戰，我ｄ婆仔性格我又輸唔起，賭錢令我太緊張反而精神仲易攰，所以我通常唔夠四圈就要去恰下，ｄ朋友都放過我唔同我打。
其實比起其他渴睡症患者，我算較好彩，畢竟我係十幾歲先發病，之前讀書叫做有D根底，所以我往後讀書日子即使恰到死去活來，都起碼可以靠花多ｄ時間溫書黎彌補返，最終都讀到大學，叫做揾倒份工唔駛愁；但醫生話又ｄ病人細細個已經發病，上堂日恰夜恰，好多老師唔知就會label佢地係懶甚至冇得救，所以成績一般都唔會好，書唔讀得多，之後大個揾工都成問題。
我日常返office，對得部電腦或文件一陣就好容易恰，所以強力薄荷香口膠我隔一陣就要食。有時真係好眼瞓就匿入廁格恰幾分鐘，但咁嘅環境其實唔會點叉倒電，最多係唔俾人見倒我眼瞓成咁。另外開會仲慘，唔方便行出行入，唯有響枱底mit隻手，用痛黎唔俾自己「中」眼瞓，所以隻手腕長期都瘀同甩皮。我初時都以為開緊會自己可以隱瞞倒自己想恰，但弊在我天生對眼都算大，稍為dup少少都會俾人察覺倒，所以專登配ｄ粗框D的眼鏡諗住遮下，但呢ｄ根本係表面嘢，我真係攰起上黎根本都follow唔倒個會傾乜，自己mark響簿的原來係火星文，唯有之後同同事懶係傾返，聽下佢地講咩再自己逐ｄ逐ｄ組織。
難得你肯睇同回應我post，所以打咗好多嘢，其實仲有好多未講，遲ｄ再分享，多謝你！