親子旅遊

跳至

首頁
12345...9

尾頁
   91


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:35 |顯示全部帖子
本帖最後由 fionlei88 於 13-7-2 12:36 編輯





今次同兩個家姐C6阿囡一共五個人去台灣玩咗九日,行程俾大家參考一下:


DAY1機場>台北>台北全家歡旅店>西門町四季發爺燒肉


   今次去台灣坐EVA AIR BR868,時間1340 抵逹1525,六月十六星期日出發,機票連稅4大一小合共HKD$8584,由於我比較遲訂機票,會貴少少,不過都無所謂啦!


去到機場,長榮班機會有悠遊咭送,入面係無錢架,仲有個美食護照,介紹咩鋪頭有折,不過我無用到!長榮飛機餐一般,反而阿囡個兒童餐唔錯!到咗台北機場,好多人等過關,上年來過關只要五分鐘,今年多咗好多大陸團,過關時間要半個鐘!到我同阿囡過關,就有小小問題,原來阿囡個PASSPORT NO多咗個字,要搞小小手續先得!佢哋話今次可以蓋章就唔使錢,下次再係咁就要俾TWD300搞落地簽証,講真我都唔想搞成咁,如果佢哋要求一千都要俾啦!


出咗閘攞埋行李,我同C6一齊申請FREE WIFI,在第二航廈一出來就有台灣觀光處的COUNTER,用PASSPORT登記就得,五分鐘就完成!可以在台灣有FREE WIFI的地方用,好方便!跟住行去左手邊遠傳買電話咭,無用大哥大係因為人多,唔想等,遠傳買咗十日通話,TWD600送350,都幾抵!搞掂呢啲就去ATM攞錢,好奇怪我張咭攞唔到錢,C6張就無問題!:;pppp:之後我張咭在7仔又攞到,都唔明點解?我哋行去右手邊搭國光去台北車站,大人125,小童半價!好快就有車,到咗台北車站我第一時間落車去台鐡攞第二日去花蓮的火車票,由於台鐡網上訂票的程序比較難搞,到我訂飛時最快的太鲁閣號同自強號都無曬位,只好訂莒光號,仲要一早起身去搭,火車票344一位,小童又係半價,早上0710出發!


搞掂曬就行去今晚的酒店,我行咗落地下街,其實在地面行過去仲方便,唔使拖住行李又上又落!由於第二日要早起,我揀咗台北車站附近的酒店,又係太遲訂,好多都無曬房,求其租咗懷寧街的全家歡旅店來住,TWD2100四人房,本來我對佢無乜期望,因為價錢平,點知去到都覺得OK喎,房間都幾大,又有窗,有電梯,而且幾乾浄!擺低行李就即刻出門口去西門町的四季發爺食燒肉,上次朋友帶我哋去懷寧街尾的分店食,覺得好正,C6話想再食,點知間分店執咗,只好去西門町分店食!點知今次真係有啲失望,招呼唔好都算,嘢食又唔齊,我哋好中意食一夜乾的魚仔,上次食到唔停口,今次嗌極都係得一兩條俾我哋,價錢仲要係TWD499一位,真係無下次!食完係西門町行咗一陣,去檸檬屋買咗杯白玉苦瓜汁飲,好好味,阿囡飲咗一半有多,之後就返酒店瞓覺,因為明天要早起!






I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:39 |顯示全部帖子
本帖最後由 fionlei88 於 13-7-2 15:16 編輯

DAY2台北車站>花蓮>和南寺>055龍蝦餐廳>台東成功鎮三仙台>八仙洞>石梯砰>牛山呼庭>星夜觀海會館>盬寮龍蝦餐廳

今日一早就起身,因為要坐早上0710火車去花蓮,在懷寧街行過去台北車站都係幾分鐘,真係好方便!去到仲早行咗去7仔買早餐,泡菜燒肉飯糰好好味,仲買咗溫泉蛋!去花蓮係坐台鐡,在4號月台坐,由於指示唔多清晰,要問咗幾次先去啱!火車準點到,上咗車就抖一抖先,大約十點左右就到!跟住打俾包車林司機,佢係後站等我哋,一見到佢我就打咗個突,因為佢係長短腳行動唔多方便,不過我都無諗太多,無理由因為呢樣嘢去歧視佢架嘛!點知都係出事!呢個司機我係網上搵,本來我哋四個人搵咗另一個姓張的司機,有人介紹話佢幾好,後來因為多咗個人,張司機架車坐唔落,佢就介紹咗呢個司機俾我,話佢架WISH新車,可以坐得曬!一上車林司機就問我係未第一次來台灣,同我講一日包車係八個鐘,由十點開始計,但係我哋當時搵到佢都成十點半!佢跟住不斷試探我對台灣有無認識,我已經覺得有古怪,不過以為佢熱情想知多啲嘢,所以都有答佢!我同佢講想出海睇鯨魚,跟住佢話幫我訂,報價大人800,小朋友要600,我問佢小朋友唔係半價咩?佢話無,之後話由於我哋係外國旅客,要搞好多手續,叫我提供資料俾佢確認咗先,跟住我話反正聽日都要過去,聽日先啦!第一站佢帶我哋去和南寺,乜都無介紹,我哋入去睇咗一陣就走,知南寺係一間由師太打理的寺院,好新好舒服,里面供奉如來佛祖!

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:41 |顯示全部帖子
本帖最後由 fionlei88 於 13-7-2 12:41 編輯

由於早起好肚餓,我哋去咗055龍蝦餐廳食午飯,林司機一落車就話自己食,完全無理過我哋,我哋點完菜食飽飽,食咗兩隻龍蝦仔,仲有好出名的曼波魚腸同魚皮,十個菜先埋單3510,都幾抵!食飽我就問林司機係未放低行李先出發?佢就話民宿好遠,返來先,但其實民宿離我哋食飯地方只有十分鐘車程!結果一路上坐得好迫咁去三仙台,林司機路上一直唔出聲,無同我哋介紹風土人情,結果個個就去搵周公,好鬼悶!去到三仙台,佢居然唔識路,問咗幾次先搵到停車場!一落車就同我哋講俾半個鐘玩,點知我哋睇咗介紹要兩個鐘先玩曬!我哋上到條橋第四個拱門就要趕返來,因為怕佢等!之後回程,經過北回歸線標誌,太多大陸團,我哋無落車。去到八仙洞,上去睇咗個天然石洞的寺廟,叫靈巖寺,師太仲送咗條佛珠俾阿囡!跟住去石梯砰,林司機求其搵個位放低我哋,又無講邊個位置比較好,結果我哋行錯路,加上又開始落雨,所以都影唔到靚相!
I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:42 |顯示全部帖子
本帖最後由 fionlei88 於 13-7-2 12:42 編輯

經過牛山呼庭,呢個係一個峽谷,地勢好特別,可惜要由下面睇上來先靚,林司機本來話開落去下面,點知佢唔識路,加上手車又麻麻哋,天又開始黑,為安全計,我就叫佢離開,命仔緊要呀!
之後佢車我哋返民宿,搵咗好耐都搵唔到,其實間民宿就係午飯的餐廰前少少,結果要我打電話問民宿主人先搵到!去到民宿佢仲唔敢確認係未呢間,要我先落車問民宿主人,之後再搬行李落車!我跟住林司機約明早的時間,佢叫我俾咗今日的車錢先,我話平時都係一齊計架,之前同佢講咗三日係9000台幣,佢話要日日清,話今日要3500台幣,因為行得遠,仲要我俾多500台幣做聽日訂金!唔想麻煩,我就俾咗4000台幣佢!我返到民宿同民宿主人講今日的經歷,佢就話個司機完全唔合格,仲有出海睇鯨魚個價貴咗!我問佢有無包車介紹,因為今日呢個超唔掂,我要求唔高都頂佢唔住!跟住民宿主人介紹咗一位曾大哥俾我哋,價錢係3500台幣一日,資深好多!民宿主人仲幫我哋訂埋出海睇鯨魚,每位700台幣,阿囡500台幣。落實咗聽日包車,我就用咗啲藉口打電話同林司機講聽日唔用佢,費事有手尾跟!搞掂曬跟住出去食飯,民宿主人推介盬寮龍蝦餐廳,行咗成四十分鐘先到,味道唔夠中午好食,價錢仲貴少少!
   講吓間民宿先,星夜觀海會館好新淨,有LIFT,四人房台幣3300,有無敵大海景!佢有自己網站,有興趣上網搵下。民宿主人仲話朝早坐係張床就可以睇到日出,不過我哋全部都唔知醒!哈哈!

點評

kksushi  我上次去墾丁都有係撞到個唔店的司機, 都係臨時叫民宿幫手搵, 點知有驚喜  發表於 14-6-30 12:13

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:43 |顯示全部帖子
本帖最後由 fionlei88 於 13-7-2 12:43 編輯

DAY3鯨世界賞鯨>太鲁閣>砂卡礑步道>綠水步道>燕子口>遊客中心>清水斷崖>七星潭星海民宿
今朝一早就醒咗,外面天氣好好,無敵海景令人心曠神怡!七點三執好行李,C6就話呢頭好易搭的士喎,一早就有車!我落去問下,原來司機就係昨日民宿主人替我約的曾大哥,佢本來打算幫我哋運咗行李去今日的民宿先,見到我哋可以出發就即時車咗我哋去買早餐,仲提醒我哋唔好食太飽,因為上船後怕大浪會嘔!我哋買咗啲蛋餅就去鯨世界報到,之後有專車送去碼頭。到咗碼頭我怕阿囡會暈船浪,買咗口服暈浪劑飲。八點開船,好多人爭住上樓上坐,C6就叫我哋坐樓下後排位置,話無咁易嘔!出到外海,開始見到有海豚,阿囡睇到好興奮,因為係幾十條跟住我哋隻船,仲要飛出水面轉圈!成船人都好開心咁追住來影相,呢個經歷真係好難得!聽船員介紹,六至八月都係睇鯨魚的季節,不過要睇到就視乎運氣!海豚多數都會見到,而且佢哋唔怕人,可以近距離接觸!
I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:44 |顯示全部帖子
本帖最後由 fionlei88 於 13-7-2 12:44 編輯

十點鐘返到碼頭,曾大哥就送我哋去今晚的民宿七星潭星海民宿,點知去到無人,打電話問,民宿主人話要等一個鐘先返來,曾大哥就話間民宿點可以咁樣?做壞規矩!我反而無乜嘢,由得行李跟住我哋囉!去到太鲁閣,大約十一點,曾大哥就叫我哋去行砂卡礑步道,仲提我哋要睇時間,因為太鲁閣有段路要維修,所以會限制車輛通行,十二點係放行時間,錯過咗又要等一點先可以入去!砂卡礑步道環境幾好,一路上有樹蔭唔怕曬,連阿囡都唔覺行得辛苦!去到五間屋,我哋就回程,因為怕過咗鐘上唔到山!去到停車場,曾大哥就同我講,話見到張司機,即係介紹昨日林司機俾我嗰個人,仲鬧咗佢一餐,話佢介紹個咁嘅司機俾我,影響旅客對花蓮的印象!張司機叫佢同我致歉,我話無乜嘢,反正出來玩就唔想因為啲無謂嘢影響到心情。
I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:45 |顯示全部帖子
本帖最後由 fionlei88 於 13-7-2 12:45 編輯

十二點車開始上山,好多車在等,大約要廿分鐘先入到去,去到半山,我哋在餐廳食晏先,台幣200一位,好似碟頭飯咁,不過有飲品同甜品,大部分遊客都係度食。食飽就去行綠水步道,曾大哥好細心,帶我哋行咗一段路,去到一個山洞時因為入面無照明,佢開埋電筒照我哋過去,跟住自己返轉頭開車到下面等我哋,值得一讚!綠水步道半個鐘行完,跟住去太鲁閣遊客中心睇一條得獎的短片,講述太鲁閣人的生活,好精彩!
本來我哋想去九曲洞,由於之前地震關閉咗,所以去唔到!跟住經過慈母橋,再去燕子口,天氣雖然熱,都唔覺得好辛苦!四點鐘開始下山,唔早啲走,六點就會全部關閉,要留係山上過夜。之後我哋去清水斷崖,真係好靚好壯觀!
離開清水斷崖,我哋就返民宿,經過七星潭,曾大哥叫我哋去沙灘踩水消下暑。七星潭其實係一個沙灘,當地人都會去玩水。去到民宿,本來我哋打算叫曾大哥車我哋去花蓮市區食晚飯,民宿女主人話附近都有餐廳,結果我哋就留喺民宿附近食就算!七星潭星海民宿都幾新淨,台幣3600四人房,我哋住三樓,要搬行李上樓,不過佢有個大露台,可以夜晚睇星星,好正!放低行李出去食飯,民宿女主人推介間餐廳在附近,不過我覺得一般,價錢唔平,所以唔推介!食飽在附近行咗一陣,經過七星潭渡假飯店,覺得好靚,希望下次有機會入住!

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:46 |顯示全部帖子
本帖最後由 fionlei88 於 13-7-2 12:46 編輯

DAY4松山別所>慶修院>蓮花園>鯉魚潭>白鮑溪>立川漁場>林田山>花蓮糖廠>雲山水>花蓮藍天民宿
今朝一早六點幾醒咗,等到八點食早餐,估唔到西式早餐好精緻,仲好好味!阿囡見到民宿地下間房係榻榻米,就話下次來一定要住呢間房!離開民宿,曾大哥先送我哋去火車站買聽日去宜蘭的火車票,再將行李送到今晚的藍天民宿。出發到第一站松山別所,呢個地方以前係日本人管治花蓮時的總部,環境清幽,仲見到好多蟬同獨角仙係樹上面!第二站是慶修院,是日式神社,我仲買咗塊木牌許願,台幣60咋!第三站是蓮花園,有免費蓮花茶飲,好清香!仲有好多錦鯉,阿囡餵魚餵到不亦樂乎!我問曾大哥蓮花園唔收入場費,點維持?佢答每日都有人來買蓮花,加上主人將蓮花制成花茶出售,所以無問題。有見及此,我同家姐都買咗包花茶台幣200以示支持!離開蓮花園,曾大哥帶我哋去白鮑溪玩水,好多當地人會在此野餐,阿囡見到有水玩就開心到不得了!之後去鯉魚潭,飲新鮮的木瓜牛奶,台幣50一杯,連我一向唔多中意飲奶都覺得好好味!鯉魚潭面積好大,可以踩單車或水上單車,不過我哋懶,見到有電動船坐,台幣100一位,就上船轉咗一圈,船夫除咗同我哋講解外,仲好安全咁飛咗半圈,阿囡平時好細膽,都話好好玩喎!

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:47 |顯示全部帖子
本帖最後由 fionlei88 於 13-7-2 12:47 編輯

去到立川漁場本來想同阿囡去摸蜆,不過太曬,只好去咗餵鱒魚,條魚好大條,個嘴軟綿綿,好得意!玩咗半日肚餓,就去林田山食豬腳,豬腳好淋好入味,仲叫咗半隻雞,五個人食咗台幣1450,已經好飽!食飽就去林田山參觀,呢度以前係個林場,因為人口減少而衰落,政府近年活化就多咗遊客來,不過好多蚊,我即時買咗枝樟腦精油,台幣200俾阿囡搽,先唔怕俾蚊咬!林田山仲保留以前的火車軌,影相好靚!
下一站就去花蓮糖廠,佢哋啲雪糕好出名,我哋都食咗三個唔同口味,覺得紅豆最好味!跟住曾大哥帶我哋去一個叫雲山水的地方影相,係一個人工湖,有幾幢歐式別墅,好清静!最後一站係自強夜市,但係因為仲飽,食唔到啲咩,就係附近行一陣先,之後在自強夜市側的一間越南餐館食牛肉河,估唔到又幾好味!行到攰,打電話叫曾大哥來接我哋返民宿,我俾埋車錢曾大哥,佢好老實咁同我講:你多付了一千塊!我同佢講:是小費!因為你做得很好,我們很滿意才多付給你的!
藍天民宿離市中心約十分鐘路程,環境同之前兩晚的無得比,勝在夠平同方便,今晚四人房台幣2000,房間都大,不過我唔多推介。
I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:48 |顯示全部帖子
本帖最後由 fionlei88 於 13-7-2 12:49 編輯

DAY5花蓮>宜蘭羅東火車站>國立傳統藝術中心>甕仔雞>頭城烏石港>滑翔傘>橘之鄉蜜餞形象館>菓風小鋪>宜農牧場>梅花湖>湯圍溝公園>小周牛肉麵>礁溪懷鄉園民宿
今早要離開花蓮去宜蘭,民宿女主人外出買早餐俾我哋食,仲幫我哋叫咗車去火車站,不過家姐食完佢啲蘿蔔糕就肚屙咗幾次。早上坐自強號約0810開出,大約一個鐘就到羅東,打俾包車司機JACKY,又係網上搵返來,六人車WISH,台幣3000一日,之前用E-MAIL溝通過,覺得都OK!一上車JACKY就送我哋去國立傳統藝術中心,門票台幣150位,我去咗買豬肉紙,台幣1000有6包,阿姐仲送咗條士多啤梨蛋卷俾我哋食,蛋卷好鬆軟,阿囡一個人食咗三分二!園內有歌仔戲睇,仲有巡遊。跟住我哋去今晚的民宿攞低行李先,間民宿在稻田中央,仲有溫泉浸,四人房台幣2800,超抵!搞掂就去醫肚,JACKY介紹我哋食甕仔雞,仲叫我哋點多兩個菜就夠,點知我見到樣樣都好吸引,叫咗八個餸先停手! 甕仔雞幾正,同在清境食差唔多!另外叫咗啲野菜,全部清枱!埋單台幣1700,抵食!

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:49 |顯示全部帖子
本帖最後由 fionlei88 於 13-7-2 12:49 編輯

食飽行過隔離買咗的溫泉蕃茄,阿囡食咗大半!出發去頭城烏石港,原來呢度都有得賞鯨,不過價錢貴過花蓮四百蚊!頭城有沙灘,啲沙係黑色架。我哋見到有人玩滑翔傘,問下價錢,台幣900玩一次十分鐘左右,好平喎!跟住兩個家姐話要玩,JACKY就帶佢哋上山,原來都唔算好難,仲有保險有教練同你一齊滑,好安全!
家姐玩完滑翔傘話一啲都唔驚,仲話好刺激!之後去橘之鄉蜜餞形象館DIY,呢度主要係賣柑橘產品,我都買咗唔少!阿囡DIY做鹹柑橘,台幣150,制成品仲可以帶走!下一站是菓風小鋪,阿囡買咗好多糖果做手信添!接住去宜農牧場,入場費台幣20,不過好多蚊同烏蠅,我買咗支奶餵豬,但係啲豬好似餓咗好耐咁,搶住食,搞到我都有啲驚!阿囡又怕咗大隻啲豬成日追住佢,唯有急急腳走!
I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:50 |顯示全部帖子
本帖最後由 fionlei88 於 13-7-2 12:50 編輯

最後我哋去埋梅花湖,租咗架電動車來踩,台幣400一個鐘,我哋踩咗兩個圈就無曬力,唯有返民宿放低戰利品先。司機JACKY好好人,送我哋去礁溪大街,介紹埋附近的美食點同埋點樣搭的士返民宿先走。
玩咗成日,隻腳有啲攰,我哋坐係湯圍溝的公共溫泉泡腳,呢度係免費,好多遊客都會來泡,好舒服!泡完腳就去試JACKY介紹的小周牛肉麵,環境一般,不過食物一流又平,食咗一碗牛肉麵,一碗炸醬麵,仲有幾隻餃子,埋單台幣126。由於宜蘭水果好出名,我哋就買咗蓮霧、西瓜、荔枝、芭樂同芒果返民宿食,蓮霧同西瓜行到一半已經KO曬,真係好誇張!行行下,我哋迷咗路,唔識返民宿,唯有打電話同女主人求救,女主人即刻開車出來接我哋,仲話我哋應該一早打俾佢就唔使行餐死。返到民宿,女主人仲問我哋聽朝想食咩早餐?我同C6講有溫泉浸,佢仲同我拗:間民宿咁平?邊係溫泉來架!我同佢講浸完溫泉,皮膚會好滑架,佢浸完先話:係喎!:;pppp:

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:51 |顯示全部帖子
本帖最後由 fionlei88 於 13-7-2 13:39 編輯

DAY6宜蘭>蔥仔寮>蘇澳冷泉>白米木屐>蠟藝彩繪館DIY>羅東箱根亞曼尼民宿
一早起身,民宿在稻田中央,空氣清新,人都特別精神!落到樓下,女主人已經準備好九樣早餐等我哋,實在太豐富啦!我哋食到好飽,等司機來接!九點鐘JACKY來到,將行李搬上車,同女主人道別,多謝佢有心思的早餐,期望下次再入住!
我哋將行李送到羅東箱根亞曼尼民宿,呢間民宿在AGODA訂,要HKD622,但係民宿較舊,由羅東夜市返去的士要台幣200,夜晚入住時工作人員話我多咗一個人,(本來我訂咗四人房,家姐臨時話去又訂唔到其他民宿,唯有照住,加錢都無計!)叫我加台幣500換間六人房俾我,間房好窄而且浴室好細,環境麻麻地,WIFI又收唔到,唔會有下次!

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:52 |顯示全部帖子
本帖最後由 fionlei88 於 13-7-2 12:52 編輯

首先我哋去蔥仔寮DIY,宜蘭三星蔥好出名,可以試下抜蔥又種下蔥洗下蔥,幾好玩!另外仲教埋我哋做蔥油餅,做咗十個,好味到C6食咗兩個!DIY每人台幣150,超值!
之後出發去蘇澳泡冷泉,我同JACKY講想食上將梨,佢就專登開慢啲幫我搵,咁啱見到有就停車幫我問埋價錢,上將梨是宜蘭名產,價錢較貴,一箱九個細細個要台幣550,我唔敢買太多,因為怕放唔耐,結果買咗三個大啲要台幣270,檔主好好人幫我哋削皮切件,佢哋話上將梨產量唔多,通常一上市就賣曬,連台北都好難搵!一開車我就後悔,點解唔買多啲?因為上將梨好清甜,一啲都唔酸,阿囡食到唔停口,家姐猛話好食,一陣就食曬!去到蘇澳,我哋就去泡湯屋,40分鐘台幣540,唔貴!蘇澳係世界上少有的冷泉,全世界好似得意大利同法國有,泡完冷泉可以令皮膚白滑同埋體溫保持清涼。初初泡,覺得有啲涷,因為得22度,過咗一陣就開始暖,阿囡仲係度潑水添!

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 12:53 |顯示全部帖子
本帖最後由 fionlei88 於 13-7-2 12:54 編輯

泡完泠泉就去白米木屐,入場費台幣150已經包埋DIY一隻木屐鎖匙扣,幾抵玩!呢度係木屐之鄉,好多款式,價錢唔貴,我同兩個家姐每人買咗對台幣800,阿囡對420,夜晚著住去行羅東夜市都唔怕腳痛!
由於早上食得太飽,中午我哋都無食飯,JACKY全程陪住我哋又無食,我唔好意思,叫佢食嘢先,佢反而話中午好少食嘢,因為怕瞌眼瞓!跟住佢帶我哋去蠟藝彩繪館DIY,入場費台幣200,100可以用來消費,建議大家早啲去,我哋四點去到好趕,因為人哋收五點,怕唔夠時間玩,好彩最後都趕得切。佢哋DIY分幾部分,包括做顏色筆、壓五彩蠟筆、仲有做字母色筆同人體彩繪。阿囡興致勃勃,好留心學!人體彩繪可以自己做或者請姐姐幫手做,我仲叫啲姐姐幫我畫咗隻蝴蝶係手度,阿囡畫咗花同KITTY,好靚!佢可以畫完上台行埋CATWALK,可惜時間太趕,做唔到!之後用消費券買咗啲顏色筆,價錢唔貴!
JACKY送我哋返民宿擺低啲手信,再送我哋去羅東夜市,我俾咗一千蚊貼士佢,因為我覺得佢做得好好,雖然不太熱情,但係好周到,仲幫我哋影咗好多相,即時SEND埋俾我,佢仲全程開埋WIFI俾我哋用,值得推介!

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 13:04 |顯示全部帖子
本帖最後由 fionlei88 於 13-7-2 13:05 編輯

DAY7羅東>基隆>深坑>烏來>西門町JUST SLEEP
今早坐1015的火車去基隆,原本一架車坐曬,點知民宿又話的士出曬去,最後分咗兩架車,仲話我唔一早通知佢!羅東去基隆要轉車,不過都好快,大約十二點就到!車費台幣187一位。打俾台北的司機陳先生,上年都係佢車我哋去玩,由於為人幽默風趣,家姐佢哋都叫我搵返佢,佢係九人車,我哋五個人坐得超舒服!一落車就去咗基隆夜市,星期六比較早開,試咗油飯烤魷魚,好味!
之後去深坑老街,買咗好多手信,仲買咗生果上車食,台灣的生果真係好好食,阿囡食個不停!台北我無點PLAN行程,諗住即興想去邊就同陳先生講,由佢安排就算!經過烏來,我哋話想去睇下,跟住佢就車咗我哋去烏來瀑布附近,我哋慢慢落山,經過老街買咗香腸同燒鵪鶉食,好香好正!
I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 13:11 |顯示全部帖子
本帖最後由 fionlei88 於 13-7-2 13:15 編輯

跟住我哋返西門町JUST SLEEP,我係佢哋網上訂咗房,一晚係台幣4600,另一晚係台幣4200,點知佢哋話我訂的是國民優惠價,外國人要補差價,兩晚一共補台幣2000,我好無奈,但係又唔想拖住行李再去搵酒店,唯有照俾。不過入到房都覺得佢值呢個價就算!由於比較攰,夜晚我哋求其係士林夜市搵的嘢食就算,士林夜市好多人,油煙又勁!食完即坐捷運返去西門町三兄妹食咗芒果冰,味道唔錯!
I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 13:38 |顯示全部帖子
本帖最後由 fionlei88 於 13-7-2 13:39 編輯

DAY8巧克力共和國>鶯歌>三峽老街>西門町JUST SLEEP
今朝係五樓食咗早餐先,JUST SLEEP 係自助餐形式,味道不過不失!
十點出發,第一站係巧克力共和國,十一點去到好多本地人係度,DIY要排到一點,入場費係台幣200,其中100可以消費,我哋無等DIY,買咗啲手信就走。門外有個嬉水池,阿囡玩咗半個鐘先走!
跟住陳先生車我哋去買生果,無錯又係生果,買咗牛奶鳳梨、芒果、桃、仲有芭樂、西瓜一大堆,先用咗台幣370,檔主仲幫我哋切好曬用盒裝住食!下一站到鶯歌,呢個地方陶瓷最出名,係鶯歌博物館我睇到唔想走,佢哋啲出品好靚,價錢又唔貴,搞到好想買曬返屋企!之後去鶯歌老街,開始落大雨,我哋走咗入一間鋪度DIY做花樽,阿囡做得好認真,台幣100咋,佢哋可以燒埋制成品,可惜時間要21日,運費要台幣550,我怕寄返來都會爛,唯有放棄!

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 13:45 |顯示全部帖子
本帖最後由 fionlei88 於 13-7-2 13:46 編輯

雨越落越大,求其搵個地方坐低食牛肉麵,估唔到又幾好味喎!等雨細返啲,打俾陳先生叫佢來接返我哋,再去下一站三峽老街。阿囡係車度瞓著咗,我叫C6陪佢,我同家姐就落去行。雨勢好大,行咗一個鐘都唔夠,我哋買咗的卥水,就返上車!連牛角包都未有時間試!下次有機會要再來過!
返到台北都五點幾,行去光南大批發買咗的嘢,跟住行去西門町,本來我訂咗八海精緻鍋物,點知搵來搵去都搵唔到,見到鴨肉扁,就行入去食嘢先,半隻鴨加四碗米粉,埋單台幣700,味道還可以!食完跟住想行去家樂福,點知又見到八海精緻鍋物的招牌,唔忿氣一於再食過,佢個招牌完全累死人,以為搭LIFT上去就係,點知六樓唔開,要行去西門新宿嗰邊再搭LIFT上六樓先係!去到同佢講話招牌好難搵,佢哋仲同我講唔好意思!呢間嘢主打任食海鮮火煱,台幣539一位另加一,阿囡本來係小童價,佢哋話收台幣50就得,好好彩!間嘢食品種類幾多,海鮮有魚、蝦、蟹,仲有安格斯牛肉同黑毛豬,菜有好多我係未見過架,仲有甜品同三隻雪糕包括H牌同 M牌,仲有其他雪條同自制棉花糖,C6同家姐都食得好滿足!

I 大蚊豬   


翡翠宮

積分: 91776

2021勳章 畀面勳章 叻叻勳章 BK Milk勳章


發表於 13-7-2 14:00 |顯示全部帖子
本帖最後由 fionlei88 於 13-7-2 14:00 編輯

DAY9大溪花海>慈湖>竹圍漁港>桃園機場>香港
今朝九點半陳先生就來接我哋,第一站係大溪花海,入場費台幣100,其中50可以在餐廳消費,不過我哋無等到餐廳開門就走咗!六月大溪花海唔算好多花,影相效果無咁靚,如果大家有心想去,建議上佢網站查下花期先!之後去咗慈湖,呢個係蔣介石靈寢安放的地方,十二點剛好有換兵儀式,我哋睇埋先再入去參觀,呢個地方好寧靜,環境又舒服,難怪老蔣將佢定為自己安身之地!
離開慈湖,我哋向桃園機場出發,因為今日的重頭戲係竹圍漁港,我哋叫陳先生泊好架車一齊去買海鮮,呢個漁港營業時間係直落架,幾時來都有得食有得買,不過星期六日就好塞車,要預啱時間來呀!我哋買咗帝王蟹,一隻台幣650,仲有其他海鮮,包括蝦、蛤蜊、風螺、蟹腳等等,再攞去樓上加工,另外再叫咗的菜包括鮮笋沙拉、蚵仔煎蛋等等,陳先生仲買咗香魚請我哋食,買海鮮連加工運埋單台幣4040,超值!

I 大蚊豬   

首頁
12345...9

尾頁

跳至