吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› BB成日喊，唔食野，唔訓覺，好辛苦

嬰兒醫護今日: 0|主題: 79155

收藏本版

發帖

返回列表

跳至頁

查看: 6418 | 回覆: 15

BB成日喊，唔食野，唔訓覺，好辛苦 [複製鏈接]

karen_520

大宅

積分: 4015

1^#

發表於 13-7-13 08:34 |只看該作者 |倒序瀏覽 |打印

背景：女女7個大，一直係全人奶（頭一個月有補奶粉），頭5個月主要都係奶樽餵泵奶，自從我做全職媽媽後就全埋身，6個月大開始試固體食物，自從全埋身就唔肯再食奶咀，要真奶咀（乳頭），最近出緊第2隻牙。

女女有個習慣就係訓覺時要埋身啜，以前餵人奶就由佢，因為怕唔上奶無奶打算比佢啜多幾次多d奶，同埋人奶不同奶粉，因為唔知佢食幾多，所以餵的時間都很彈性。由上月轉食固體問題就好嚴重，因為BB除左正常食奶時間，小睡時食奶，無論我邊個時段餵固體佢都係食小小或者哭鬧唔食，我試過小睡唔比啜奶訓希望正餐食固體，點知就一直喊唔訓覺，到肚餓了也要喊扭奶食同扭眼訓完全唔食，我試過嬲嬲地由佢喊住餵，點知好似我迫佢食野咁，到依家7個月都係唔食野。

至於訓覺方面，平時晚上10左右就扭眼訓，不過十幾分鐘就醒一醒，因為搵我做奶咀，直到我入房訓就訓得耐小小，不過有時凌晨4點都要醒食夜奶，食完就訓到早上6，7點就醒要食早奶，再訓到早上9，10點，我就成晚不停要起身，BB同我都訓得唔好，有排佢唔肯訓BB床，近一個月我迫佢一定要訓BB床，唔比訓大人床，平時小睡都要啜奶訓。

尋晚BB 晚上10:30 比奶佢食落床訓，換左片，無發燒，食飽，點知放低落床10分鐘就醒，再哄再比佢啜又訓返，放低10分鐘又醒，每次都啜奶，抱，哄成半個鐘訓著，一放落BB床一陣就醒，我都有試過唔抱，係床邊陪住佢，拍拍佢，播音樂，同佢傾計都係一直喊唔理我，直到我一抱就收聲，尋晚我哄到凌晨2:30，我自己都好累，就無再理佢，打算由佢喊累自己訓，點知一直喊到4點都唔訓，我頂唔住比奶佢啜，之後先訓，早上7:30醒左，食飽奶，抱住訓左，一放落床就醒又喊，喊到聲都沙，我心都煩，我真係唔知點湊，好無助，唔知點算好，定係最近出牙係咁？佢成晚都咬住自己隻手，比牙膠奶咀又不要，真係好辛苦好辛苦，心情好差。

我應該點解決，點解人地BB咁乖，我BB咁，係咪我唔識湊......我對佢食野同訓覺真係好大壓力，平時BB又好痴身，一唔見我就喊喊喊，我係全職媽要煮飯做家務，我分身得好辛苦，平時放佢係圍欄有玩具有播音樂都係咁喊。

0 0 0

私人傳訊

icecool

大宅

積分: 2132

2^#

發表於 13-7-13 13:16 |只看該作者

回覆：BB成日喊，唔食野，唔訓覺，好辛苦

我都係全埋身，我女除左尾場果餐啜住瞓之外，其餘時間我只俾奶咀佢。唔好就慣佢。另外食固體要慢慢黎，唔好期望佢會食得到或食得好好，因為食野癮係天生，我有一仔一女。仔食野好差，唔願食，女就好肯食。所以冇得逼。你試下開始時用人奶溝米糊先，等佢慣下啲味先。我開始食固體時都要食完啲啲再埋身餵。唔好一刀切只俾固體唔餵奶。

私人傳訊

icecool

大宅

積分: 2132

3^#

發表於 13-7-13 13:21 |只看該作者

回覆：BB成日喊，唔食野，唔訓覺，好辛苦

同埋可能你之前食開泵奶，份量多，有數睇，唔同埋身，埋身食你一定要佢認真食，佢可能啜啜下都唔係食，當你奶咀咁，咁又食唔飽，固體又唔係食得好，咁咪日嘈夜嘈囉。

私人傳訊

carmen_fung

大宅

積分: 2278

4^#

發表於 13-7-13 16:36 |只看該作者

明顯你個囡囡蝦你，唔好太就佢，唔好俾佢當奶咀啜，要有食野timetable，見佢食飽咗，當你奶咀咁啜時，就要抽身唔俾啜，佢想搵野啜就俾吓學習杯佢啜吓水或果汁，至於夜奶方面，要BB肯戒先得，或者你可以試吓，佢一喊就俾水，等佢知道夜晚係無奶奶啜嘅。。。加油啊。。媽媽

私人傳訊

9830didididi

大宅

積分: 3498

5^#

發表於 13-7-13 16:43 |只看該作者

有機會是不夠飽，食粥仔情况如何？每次可以吃到幾多？吃過之後，嬰兒有滿足感嗎？請每次把煮粥仔的方法和份量記下，在到健康院覆診時，請教餵哺姑娘。BB愛瞓大床部份是有原因的，嬰兒床的安全設計，有時會導致BB在床內呼吸覺得有困難，就是BB床內的氧氣，不足够BB用，氧氣不足够，BB自然會哭鬧，大聲喊是可以吸到多一點的氧氣，當你把BB抱回大床時，BB又覺得呼吸暢順了，哭鬧便停止，可嘗試在BB床上安裝小型電風扇，替代冷氣，把床圍較低一些，方便BB扒起身可見到你，而且可以達到通風效果。覺得BB床陌生，是起初的問題，習慣之後就可以接受的了。有時，BB肚子痛也會哭鬧。在BB哭時，輕輕按摩肚仔，順時針打轉按摩肚仔，可舒缓肚子痛的不適。

私人傳訊

Fish777

男爵府

積分: 7594

6^#

發表於 13-7-13 18:38 |只看該作者

埋身b又愛人肉奶咀係難揍d，加油！

私人傳訊

karen_520

大宅

積分: 4015

7^#

發表於 13-7-17 06:39 |只看該作者

回覆：BB成日喊，唔食野，唔訓覺，好辛苦

多謝大家的意見，尋晚BB 11:30訓,12:00醒,1:30再訓, 3:00又醒, 5:00再訓, 5:30又醒, 6:30再訓到我回覆大家，晚晚大作戰，無得訓，我都就黎病，BB都就病了，因為成日都唔得唔好，成日都醒，我就癲了，如果比佢訓大床兼唔離口埋身啜就訓到，不過都訓得唔好，叫做肯訓，佢成日都喊喊喊，好煩

私人傳訊

diong

水晶宮

積分: 57108

8^#

發表於 13-7-17 07:11 |只看該作者

唔識比意見你，bb快d乖乖啦！

私人傳訊

funfanchung

別墅

積分: 948

9^#

發表於 13-7-17 08:06 |只看該作者

引用：多謝大家的意見，尋晚BB+11:30訓,12:00醒,1

原帖由 karen_520 於 13-07-17 發表
多謝大家的意見，尋晚BB 11:30訓,12:00醒,1:30再訓, 3:00又醒, 5:00再訓, 5:30又醒, 6:30再訓到我回覆大家 ...

明白你感受，bb5 個月大時试过有1~2weeks, 除左2am~6am 可以連續训到 3/4hrs 之外。。晚上基本 1個鍾醒-次。。但 5 係餓，要抱住行來行去。。搅成個鍾先又训返。。不停 repeat 成晚。。

最终都顶 5 住病左。。果時又係咩都試齊都冇用。。只可以每晚同bb 講媽媽顶 5 顺。。结果有一晚 bb 不停喊，但我竟然累得濟训著左。。之後佢又慢慢回復正常！

我 5 肯定佢係未聽得明，但我觉得佢感覺到。。

所以我觉得只可以堅持。。加油。。

真係顶 5 顺。。長遠之计。。只可以戒奶咀。。考慮下！但要忍得心先好。。

私人傳訊

生還者

大宅

積分: 4857

10^#

發表於 13-7-17 10:47 |只看該作者

回覆 karen_520 的帖子

e 個世界唔係得你一個咁慘既, 我囡囡而家十八個月, 情況唔好得你幾多, 由出世到而家, 可以話無一晚訓得好既, 成日要我抱, 且我頭髮, 唔肯換片, 沖涼唔肯洗頭, 沖完唔肯著衫, 夜晚醒最少二三次, 等等等等.....

每樣野都要花好多精神同時間先搞得掂個囡, 佢病左仲慘, 要由朝抱到晚, 真係抱到哭架~~~唉.

私人傳訊

karen_520

大宅

積分: 4015

11^#

發表於 13-7-17 12:08 |只看該作者

引用：回覆+karen_520+的帖子e+個世界唔係得你一

原帖由 生還者 於 13-07-17 發表
回覆 karen_520 的帖子

其實我同你情況差唔多，一洗頭就喊，沖涼有玩具好少少，換片都喊

私人傳訊

xenielam

大宅

積分: 1640

12^#

發表於 13-7-17 12:30 |只看該作者

回覆 karen_520 的帖子

我同你一樣，個仔依㗎11個月喇都係咁，

有時以為要出牙、肚痛。。。9個字之個半鐘醒一次，咩都做哂都係咁，我都係埋身全人奶，有時佢唔係想食，而係要搵安全感，所以先要唅住。好彩嘅係依㗎粥仔食多左，不過，就食半個鐘，一路食一路睇電視，肯食就得喇

mouth:。你都加油呀！！

私人傳訊

karen_520

大宅

積分: 4015

13^#

發表於 13-7-17 16:32 |只看該作者

引用：回覆+karen_520+的帖子我同你一樣，個仔依

原帖由 xenielam 於 13-07-17 發表
回覆 karen_520 的帖子

我同你一樣，個仔依㗎11個月喇都係咁，有時以為要出牙、肚痛。。。9個字 ...

我好氣餒，好辛苦，又無人幫到我手

私人傳訊

karen_520

大宅

積分: 4015

14^#

發表於 13-7-17 17:02 |只看該作者

回覆：BB成日喊，唔食野，唔訓覺，好辛苦

我已經關埋房門由佢自己喊唔理佢，成日喊到聲沙又嘔，死都扭啜住訓，明明好肚餓又唔食野，稀、結，甜，人奶，米糊，粥，兩溝，單溝，咩都試過，就係合埋口唔食，之前佢一喊打開口我就比佢食，依家佢合埋口喊，堅持唔食，我日日花心機煮就日日倒，尋晚成晚扭啜唔訓，到今朝8點先訓2個鐘又扭到依家無訓過，我都唔知可以點

私人傳訊

xenielam

大宅

積分: 1640

15^#

發表於 13-7-18 11:58 |只看該作者

回覆 karen_520 的帖子

有無試過俾保嬰丹或者7星茶佢食？我好明白你嘅心情，我之前都係咁，不過，我就無你咁忍心，我反而會睇下佢做咩咁，睇下佢d 手手腳腳有無邊度腫左或唔對路，又或者係咪嚇親，抱實佢同佢一齊瞓，等佢放心，依㗎個仔都係要我抱住瞓係隔離，有時諗，佢咁會唔會唔係咁好，但，為左佢可以瞓，辛苦幾年無所謂，有時又真係好嬲，仲會驚自己因為咁有病，總之，加油！！有咩唔開心就一定要搵人傾