星期日又到，佢阿媽又黎喇，
最慘係唔肯講定幾點黎，
佢中意幾點黎就幾點黎，到樓下至打比我，
搞到我好大壓力，著住件睡衣，
煮完早餐啲碗又未洗，驚佢隨時剎到……
點知前夫打黎（搬左3個月之後第一次），
唔出聲，淨係聽到茶樓嗌咪攞枱啲聲，
好明顯放假去飲茶啦，佢老味放假都唔很搵下啲女，
火滾到爆，即刻打比佢阿媽，
睇下係咪夾埋一齊嘆完茶就上我度作威作福，
我話你個仔放假喎，佢得閒去飲茶都唔黎睇下啲女！？
佢阿媽話唔知仔放假，佢撘緊車咋，
仲問我如果一陣間去飲茶，
係咪一齊去呀…………我頂丫
我叫佢阿媽電佢個仔，問下佢點解放假都唔睇下啲女，
佢媽話做廚房唔會放星期日，肯定係返緊工，
驚死騷擾到佢仔做野咁……
好……你唔打我咪自己打囉，我問佢係咪放假，
佢話唔係，咁我問佢點解咁耐都唔睇下啲女，
佢好話我一早就安排好晒啲活動比啲女，
佢放平日，啲女又要返學探唔到喎，
我話你放假早一日打黎，我咪揍啲女比你囉，
佢即刻話，我幾時去探啲女，唔很使你安排！
我得Q閒幫你安排呀，你咪唔好見囉……
我話仲有呀，叫你阿媽唔好個個禮拜都上黎呀，
我唔很想招呼佢呀，佢話：你唔想佢老人家黎，
探下佢啲孫既，你咪自己同佢講囉，
好……我會！
喜樂的心，便是良藥;
優傷的靈，使骨乾枯. (箴 17:22)
發表於 
返回列表
