大貓媽媽 寫道:
各位好啊﹗我囡囡宜家讀緊n1班，
你問下人返左三個月學仲喊個位就係我家小姐。
近來有時間接個妹豬放學，
睇見高班嘅哥哥姐姐畫嘅畫，
寫晒英文，我相信小朋友嘅水平唔弱。
我個女宜家都會學英文歌、英文生字，
雖然只係念口簧，
但係都識分triangle, circle, square，
又知不少水果名:pineapple, star fruit, lemon等。
至於老師方面，
我最欣賞佢地人少少，
所有老師可以認得晒小朋友同佢地家人，
連嬸嬸都叫得出小朋友嘅名，
咁就唔驚細路仔有錯冇人教啦。
n1班嘅老師真係好好，
我個女宜家係屋企喊住都會搵佢地，
你就知老師們唔會對小朋友唔好啦。
可能我個女比較「痴」身，
所以我好贊成老師唔好縱容佢，
佢喊就由得佢喊，遲早都會喊飽唔喊架﹗
況且入幼兒園都你想小朋友學自理、學獨立，
成日湊就學唔到架喇。
再者，個個小朋友豆丁咁大個，
一個miss照顧十個豆丁，
就算有幾個嬸嬸磅住，
一有乜突發事都好「呢」「hea」架，
(尿尿、玩水、扭計、玩痰盂倒到一走廊都係......
我家大小姐通通試過)
邊得可以個個跟到實喎﹗
miss們真係有耐性，
俾係我，
我個女一早俾我噴火燒成乳豬﹗
妳個女依家都喊少咗啦。妳個女依家唔駛帶獅子返學嘞 
講開講惡惡地果位老師、我諗會唔會係化晒靚粧果位呢？佢個樣又真係係好cool、但我見佢好要求小朋友常規、都幾好呀。
發表於 
習慣咗係唔覺辛苦架、個個小朋友都係咁行、咪多啲親子時間傾計、當妳返開一段日子、小朋友返學ge時候撞到自己啲同學、佢哋好開心架、又拖住手行。又啲三四個咁拖住手行架.........真係成條路比佢哋行晒 :lol: 
返回列表
