心聲留言今日: 7|主題: 17449

收藏本版

發帖

返回列表

跳至頁

查看: 896 | 回覆: 5

天下所有媽媽都偉大嗎? [複製鏈接]

suetying2003

複式洋房

積分: 377

1^#

發表於 06-11-21 21:10 |只看該作者

天下所有媽媽都偉大嗎?

怒我不孝, 我真係唔覺得.
我阿媽帶我嚟到呢個世界第一日已經喊, 因為我係女, 覺得對我老豆同嫲嫲唔住, 根本我老豆同嫲嫲都無介意過, 佢哋仲好鍚我tim. 介意果個係我阿媽.
我對我阿媽印象只係成日俾佢打打鬧鬧, 我試俾由酒樓嘅三樓一直拖到地下, 成隻腳瘀晒, 我嫲嫲咪鬧佢, 如果我孫女有咩事, 我實報警拉你, 但我俾人拖嘅原因係我唔肯跟佢返佢外家.
到我再大d, 會考考得唔太好, 我想返大陸讀書, 佢唔俾, 要我出嚟做嘢, 咁都無辦法. 所以我會考之後都無問阿媽攞錢, 走去幫人補習, 做包裝養自己.
到前兩年, 我同我老公經濟上有d問題, 問佢借一兩萬, 跟住同我講你嫁咗人仲要我幫, 我d錢全部做晒定期, 我幫唔到你, 果時我先知道原來我未嫁之前一直係佢嘅包袱.

私人傳訊

lo8189

子爵府

積分: 12454

2^#

發表於 06-11-21 21:38 |只看該作者

Re: 天下所有媽媽都偉大嗎?

我都唔覺得！

我阿媽最偉大...就係生我同養咗我十幾年！但怒我不孝,我認為,生得出就預咗要養！

我中三升唔到原校,佢冇反應！根本佢想我工作！

到我之後結婚、生仔......一切佢都錢字行頭！尤其我結婚初期比較窮,完全對我不聞不問！但我從未問佢借過一分一亳！

細個時可能不懂事,大了才明白呀媽養大我,原來只求回報！