pandaB 寫道:
我都係ivf bingo 架媽媽, 而家亞b係肚28week啦...
ivf 係一條漫長架路, 唔係咁易行, 同埋唔係"付出"就等於"成功"...當中, 你好似驚多於喜..... 我想, 要直至bb安睡於自己懷抱中, 才能確定他/她的真實...
我感到我自己非常幸運, 可以成功踏上準媽媽呢條路.... 我覺得我地呢班ivf準媽媽/媽媽, "因經歷過, 才知道" 應該多d, 主動d俾意見或提供資料俾而架做緊ivf架sister, 希望每一個做ivf架sister都可以成功踏上準媽媽呢條路.
要知道, 唔係每一個做ivf架sister都可以成功, 但係, 至少有我地呢班sister會係背後默默支持同鼓勵.... 你唔係孤單一人
最後, 要多謝qmh輔助生育組架各位醫生護士同工作人員帶給我地可以做媽媽架希望...
LMCK 寫道:
我呢個都係ivf bb, 係仔, 12頭係預產期. 我上年12月第一次在qmh做ivf失敗左(卵巢反應差, 卵子數量少同長不大), 佢地約我今年三月再返去, 商討幾時做第二次, 我就在等候期間去左養和做, 點知一次就成功左, 1月尾第一次見e生, 3/20放胚胎, 4/1驗出bingo左. 好開心. 估唔到短短幾個月由絕望變成充滿希望. 所以各位姊妹真係唔好放棄.
可能見過你都未定. 我好記得o個日在qmh, 醫生同我講做唔到ivf, 我好唔開心, 之後搭番小巴落中環, 坐我後面有個女仔就剛驗出bingo左, 仲係孖胎添, 佢當時打電話同朋友報喜, 話一係就無, 點知一黎就有兩個, 唔知點算. 當時我差d喊出來, 心諗"如果你唔要就比左我啦, even係3胞胎我都唔介意架." 我3/20在養和放左胚胎, 3/21就返qmh見e生. qmh醫生約我6月再返去做第二次, 仲遊說我做白老鼠試新藥, 當時我都唔敢話比佢知自己已在養和做了ivf , 而家等緊bingo, 因為我怕萬一養和失敗左而qmh又唔再比機會我, 咁我點算? Anyway, 呢d已經過去左. 我兩公婆決定左, 等我生完呢胎, 身體復原後會即刻開工, 再追多個, 因我明年一月已經35歲, 再生第二個時就36歲了
, 
憲泓出世6磅 2歲10個月29磅 
發表於 
心情怎樣呀，重咗幾多呢？大家有什麼分享一吓。 
返回列表
