自由講場

收藏本版
發帖
返回列表
跳至頁

首頁
1

尾頁
   0
天道總司


子爵府

積分: 10708


1#
發表於 13-8-1 05:59 |只看該作者
本帖最後由 天道總司 於 13-8-1 06:29 編輯

近排因為暑假，多左好多小朋友去公園，眼見好小學生成日大蝦細，以下係我見到既例子：

1. 公園有好多櫈，但偏要坐係滑梯中間玩咭，等小朋友冇得上去玩。
2. 踏單車既小朋友喜歡係三，四歲以下小朋友擦身而過。
3. 係滑梯唔理有人排隊上緊去玩，都係附近跳嚟跳去，係側邊跨過其他人度跳，或者人地滑緊落嚟時逆行而上
。
4. 喜歡與細過自己既小朋友爭位玩。

因為近排老公帶阿仔去公園玩，一去到只有幾個小學生，阿仔去滑梯度預備落，居然幾個小學生走嚟好惡咁叫阿仔走，話呢度係佢地既，你唔可以係度玩，阿仔細個當然唔知佢地講乜，老公唯有同佢地講要一齊玩，呢度唔係你地既，佢做夠膽死再叫我老公同阿仔走，仲想圍住阿仔推佢落滑梯，跟住老公話報警，佢地立即死狗同老公講不如一齊玩，我老公話小朋友唔會同你玩，一係你走一係你唔好行埋嚟同我地講野。之後佢地死死氣就走左。

其實佢地母親都在場，不過坐係好遠既櫈度傾計，因為老公見到佢地係一齊走。

其實我覺得依家既小朋友真係……係唔識講，連去公園都唔能夠和諧。

呢排太多小學生去公園，所以次次都要極少人既時間，先至同阿仔去公園最安全，但係就冇左我地個年代，去公園三唔識七都一齊玩個種開心。

純粹講下我遇到既事，不喜勿插
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見