Re: 李國章話 :長遠只資助非牟利幼稚園
我都認同有o的超級貴o既學校, 如果無錢都要讀.... 實在係
無人會支持佢o地都受資助! 不過撇開學費好貴o既私校, 其
實都仲有好多學費平o既私校. ($3000以下!! 有o的仲係仟
零蚊添!) 相反有好多有錢人都未必一定讀私校, 好多都係讀
津校. o感如果唔審核過家境而資助佢o地... 都一樣係浪費!
其實我自己就覺得, 私校的確可以提供某o的高質素o既資源.
我o地哩o的收入低o既家庭都選擇私校(學費二仟幾蚊), 都
係因為唔想仔女步我o地後塵! 想搵間英文好o的o既學校, 打
好底... 將來唔會怕o左英文!
以我自己o既經歷, 我小學成績一路都唔錯. 但上到中學竟然
o係分班試衰o左, 分配o左去中文班. 雖然一路都好似都算順
境, 因成績都一路keep 住全級廿名以內. 但可惜上到中三,
好多科目突然轉番英文.
我o地中文班就全軍覆沒!! 成績
一落千丈!! 反而英文班雖然中一辛苦o的, 但經過兩年o既適
應..... 一上中三就已經穩定落o黎. 所以佢o地o既成績就o係
哩年追過晒我o地. 而我o地就比o的完全唔明o既英文字攪到
我o地頭昏腦脹!! :cry: :-(
因我自己有過哩o的經歷, 所以先會盡量幫個B 鋪好條比較
易行o既路. 由英文幼稚園開始, 到英文小學, 再上英文中學.
雖然我都預o左自己無得資助, 不過我知道實有好多比我o地
收入更少, 更需要資助o既家庭!! 每人背後都有佢o地o既故事,
唔通要所有家長為o左得到資助而放棄自己o既理想!?
耶和華所賜的福、使人富足、並不 加上憂慮 。 箴言10:22