夫婦情感 今日: 4 | 主題: 42735

積分: 1068

1^#

發表於 13-8-1 13:09 |只看該作者 |倒序瀏覽 |打印

本帖最後由 connie_w0828 於 13-8-1 13:13 編輯

我同佢第一個EX生日相差兩日, 本來我係好呷好呷佢D EX醋....但講過話大家都唔好記住之後, 自己冇去撩起, 咁都已經連我都淡忘埋....

第一年, 佢指住個日曆話"某月某日", (佢EX生日果日) , 佢放假..... 好方便同我CELEBRATE....
唔係我生日果日?!!?!
勁唔開心...我要佢買隻生日熊掛響袋度, 望實...

第二年, 我千提萬提, 以防佢記錯, 講錯, 睇錯..... 好驚....

預備第三年了, 我冇提D乜, 因為我唔認為會再講錯/記錯/睇錯ETC....相信乜都淡忘喇, 我自己都唔記得八八九九佢EX的生日了, 所以亦只係等佢安排, 佢點安排我都開心...
佢準備買團購, OK, 望住個日曆,
佢問我: 揀星期1-4好? 好似平D...
我心諗: 乜唔係正日架咩?! 不過口度答是但....
佢: 呀,但星期五先係你生日(星期五係佢EX生日, 唔係我生日...)
我即場好沈.... 吵得好唔開心, 可能jm們會覺得係我小氣, 點解咁細既事都要咁激動....

我落左街行左兩個鐘, 當時我同佢都喺娘家果邊, 我媽聽哂我地吵, 又係不斷鬧我....話係我錯,
c6又繼而搬佢平時的不滿, 我給的限制, 不信任, 要求佢報告既事出黎一齊鬧我....

我回家後想佢哄, 但佢唔覺得自己有錯, 仲死兜話心度諗住改左plan, 諗住個團購buffet後一個月就到佢生日, 諗住果陣先黎食, 唔駛我再花心思諗, 所以個日期一講就講錯(佢ex, 同我c6都係30號生日), 但我睇番個團購日期根本到八月尾就完, 佢(C6 九月生日)扮咩心度諗錯左自己生日姐???

唉, 半夜吵, 連埋佢日常的不滿, 同覺得我既煩, 佢又嗌離婚, 佢寧願死, 俾哂D錢我都話要離婚...
其實我知自己永遠都做唔到佢要求.....
我知道我再咁樣, 佢會離硬婚, 我講唔出係咪愛佢, 定係只係怕被佢拋棄....

我當初結婚有少少係諗住婚後可以有間屋企住下(佢未識我就去抽公屋), 我爸媽住開果度不能再同我住....
我先咁急住結左婚.....
而家我諗極都諗唔到可以點樣做.....
琴晚真係有諗過死左去算, 激動到吵架過後我玀把刀響度玩...睇下點樣可以去得舒服D....
我不懂繼續了....除非我摒棄哂我的價值觀....對所有野冇知覺, 由佢做, 由佢自由....
我知道我係一個極不正常的人.....
而佢需要一個正常的老婆.....所以我地真係夾唔到......

今朝為左唔見到佢, 我五點半就出門了, 落屋村樓下D CHAIR度休息/訓多一小時再番工....
咁樣的生活, 我可以挨多久....

點評

wongjoetabo 佢平時的不滿, 我給的限制, 不信任, 要求佢報告既事出黎一齊鬧, 你冇野呀發表於 13-8-1 22:19

0 0 0

私人傳訊

michelle1222

男爵府

積分: 8724

認識瑞士牛牛第二回認識瑞士牛牛第一回環保接龍勳章

2^#

發表於 13-8-1 13:29 |只看該作者

回覆：connie_w0828 的帖子

冷靜啲！記錯自己生日係ex嗰個當然有問題，但會唔會用軟嘅方法表示你嘅不滿會好啲呢？話唔定佢會氹返你呢！
依家兩個企到咁硬…又何必呢

私人傳訊

積分: 23466

3^#

發表於 13-8-1 13:34 |只看該作者

都成爲ｃ６　仲可以記錯？！　仲要結婚３年，２年都提！我都唔會接受
“其實我知自己永遠都做唔到佢要求...”
咩要求？　婚前你不知道？　婚前ｃ６　都不知道你辦不到？

我知道我係一個極不正常的人.....
而佢需要一個正常的老婆.....所以我地真係夾唔到......

“你不正常”？情緒問題？

私人傳訊

積分: 92158

2024年龍年勳章 2023年兔年勳章開心吸收勳章畀面勳章 BK Milk勳章 hashtag旅遊勳章 hashtag影視迷勳章

4^#

發表於 13-8-1 13:38 |只看該作者

回覆：connie_w0828 的帖子

唔好唔開心。講真。我都係咁架。其實我大仔同我姨生仔生日。差一日咋。我都成日記錯。岩岩今年都係咁。但我大仔都廿歲啦。。。。。我係女人。係佢媽媽都攪錯。我咪仲衰。。

男人係咁大意架。你諗佢都肯計劃同你慶祝生日就算啦。原諒佢。。。之後年年提佢。仲要話唔好記錯喇。

就生日。要開心架。提早祝你生日快樂

開心d 呀!!!

點評

connie_w0828 多謝你...我都想真正快樂發表於 13-8-1 14:07

唔好用自己既諗法,夾硬套落人地身上囉~ 唔該!!!!

私人傳訊

喊包

積分: 1156

5^#

發表於 13-8-1 13:45 |只看該作者

回覆：C6記錯左我生日...

離婚真係唔可以成日講....

點評

connie_w0828 佢都係覺得就到我不能遷就先至咁講... 發表於 13-8-1 14:07

Sharon65TY Total agree!!! 除非有第三者，如果唔係絕對唔可以講依兩個字發表於 13-8-1 13:55

私人傳訊

Sharon65TY

別墅

積分: 700

6^#

發表於 13-8-1 13:52 |只看該作者

回覆 connie_w0828 的帖子

個個男人都係咁，唔會注重生日或者紀念日，越執著辛苦的只有自己，做女人有時冇得唔化。。。

你首先唔好諗到咁灰先，冷靜一下，問下自己係咪仲鐘意佢？諗下當初除了為左住屋，點解嫁比佢？佢有咩地方你欣賞？如果心裡仲有佢，就冇解決唔到既問題，視乎你想唔想解決，定係想結束依段婚姻？

私人傳訊

積分: 1068

7^#

發表於 13-8-1 14:05 |只看該作者

jackiemei 發表於 13-8-1 13:34
都成爲ｃ６　仲可以記錯？！　仲要結婚３年，２年都提！我都唔會接受
“其實我知自己永遠都做唔到佢要求... ...

佢對我的要求只係想我正常番D,我以前未咁唔信佢...
而家我唔信佢到一個地步係, 佢番工如果有同女HI-BYE以外的對話都要同我講....
之前見佢QQ係咁同個女仔聯絡, 又SAVE做男仔名, 令我越收越緊....

我唔正常係在於我都唔知乜事咁唔信佢,
佢番SHIFT一放假喺屋企, 我就好驚佢會喺屋企唔知做乜...
怕佢同女溝通, 所以要佢同我交代(佢份工只得小量女性)

又怕佢睇咸片, 我知個個都覺得好正常, 但我覺得好唔能夠接受.....

又鍾意睇實佢電話有冇D咩咸相咸網之類既野SEND 黎SEND去.....
佢辛苦, 我又辛苦.......

我有搵專業求助, 見心理學家同社工....
佢地搵唔到我個源頭所在, 但叫我搵其他書睇呀, OCCUPY左想睇佢電話D時間去.....
老實講, 個心癮響度, 又點會話搵本書睇下就STOP倒........

私人傳訊

積分: 92158

2024年龍年勳章 2023年兔年勳章開心吸收勳章畀面勳章 BK Milk勳章 hashtag旅遊勳章 hashtag影視迷勳章

8^#

發表於 13-8-1 14:17 |只看該作者

connie_w0828 發表於 13-8-1 14:05
佢對我的要求只係想我正常番D,我以前未咁唔信佢...
而家我唔信佢到一個地步係, 佢番工如果有同女HI-BYE以外 ...

咁其實係咪佢之後做過D野另你咁????? 如果係你要同佢一齊解開個心結...

唔好用自己既諗法,夾硬套落人地身上囉~ 唔該!!!!

私人傳訊

積分: 1068

9^#

發表於 13-8-1 14:26 |只看該作者

大少拉發表於 13-8-1 14:17
咁其實係咪佢之後做過D野另你咁????? 如果係你要同佢一齊解開個心結...

佢冇實際出過軌...只係係都要同QQ女聯絡果件事令我感覺咁差....
可能認識時間唔深, 佢既過去係會去酒吧, 會去DUP骨, 會去做好多我唔鍾意既事.....
(但果D事可能一般人會覺得冇問題)...
但我又覺得有問題...

私人傳訊

d_yeong

子爵府

積分: 12963

10^#

發表於 13-8-1 14:31 |只看該作者

connie_w0828 發表於 13-8-1 14:05
佢對我的要求只係想我正常番D,我以前未咁唔信佢...
而家我唔信佢到一個地步係, 佢番工如果有同女HI-BYE以外 ...

放鬆d放鬆d!! 你管得越緊個男人越走架! 邊有人想自己既另一半成日發顛一d自己都無??

你試下搵多d朋友出街, 學下野, 充實自己既生活啦. 我之前都有試過好顛, 成日check住前男友既whatsapp時間, 成日問住佢同邊個出街去邊度幾點回家, 12點我訓又會打去煩住佢. 有一次佢同我講佢好愛我但佢頂唔順呢d成日有人check住既生活, 咁岩我有個course讀, 上左course之後我就無精神check住佢luuuuu 大家就好好多喇~ 雖然最後佢覺得我唔care佢所以分手=.= (我個人認為要分手咩理由都可以架啦, 算吧啦)

你occupy自己多d啦...唔好以c6為你既生活中心,你會好好多架

私人傳訊

積分: 23466

11^#

發表於 13-8-1 15:01 |只看該作者

回覆 connie_w0828 的帖子

我仲係gf時，我都成日驚~
１）bf非常懂得哄人，　３五識７　的０～８０嵗不分性別，都無問題。
２）講過大話　（因爲甘我失去對他信心）

但未去到你甘誇張。

到真係要結婚，我有一段日子（籌備婚禮時）都好驚，驚到想逃婚，發夢都發到逃婚。

最後，我明白到
既然要結，就要信；　結婚后，他去邊我都不會ｃａｌｌ他，除非真的有事。他都給都信心我，有時間會ｃａｌｌ　我。就是我ｃａｌｌ他，他不能講電話，都會接聼，我會聼到他同上司傾談，或者開會

你可否放鬆d個人，多些同c6 參加不懂類型活動；行山，槃石，游水，觀星，

慢慢一起建立反信心。

點評

connie_w0828 多謝你分享你既經驗.... 發表於 13-8-1 15:20

私人傳訊

積分: 23466

12^#

發表於 13-8-1 15:07 |只看該作者

回覆 connie_w0828 的帖子

酒吧，DUP骨你可一起去加；
我C6 都喜歡 DUP ,所以我會跟埋去，甘就放心好多啦。
我開頭好抗拒（因爲當時仲係BF的C6說，他喜歡DUP,我又反抗，反抗無非吳放心，甘一齊去拉，我又放心，他又有得DUP,甘吳會為“無發生過的事”同他吵架），后來我都喜歡上DUP骨。

私人傳訊

Emanuelb

男爵府

積分: 5012

13^#

發表於 13-8-1 15:08 |只看該作者

引用：我同佢第一個EX生日相差兩日,+本來我係好呷

原帖由 connie_w0828 於 13-08-01 發表
本帖最後由 connie_w0828 於 13-8-1 13:13 編輯

我同佢第一個EX生日相差兩日, 本來我係好呷好呷佢D EX醋 ...

樓主你咁只係折磨緊你自已同老公。睇你以前d post 你好需要證據去證明你老公既愛。好似唔可以咩唔做得咩，呀妹close d 又唔得，又要記得咩日子。我明白老公唔記得自已生日會失望，但而家佢唔係走去同ex 食生日飯，只係太似先記錯。講真有時我有d 地方同ex 去我都以為同老公去，但真係無心，如果因為咁俾人興師問罪，我好反感。你老公無對你唔住，你就唔好好似好想揾證明佢有對你唔住la. 我希望你唔好唔開心，我唔係話你ga, 但將心比已，如果另一半唔理咩原因當你犯咁其實真係好辛苦。要人愛首先要自已可愛。男人最僧一哭二鬧三上吊。。你樣樣做齊只會逼走佢。點都好，生命無價。死唔係解決問題，只係令愛你既人傷心。珍惜生命呀！

點評

connie_w0828 你句一哭二鬧三上吊形容得好好...多謝你既解說.... 發表於 13-8-1 15:20

私人傳訊

積分: 1068

14^#

發表於 13-8-1 15:19 |只看該作者

jackiemei 發表於 13-8-1 15:07
回覆 connie_w0828 的帖子

酒吧，DUP骨你可一起去加；

我試過自己去感受...我冇人帶, 咪是但入D近過關位置的DUP骨地方....跟住入黎DUP果D技師真係低胸到我都唔敢望...........
我明白係一間間既問題.....

但一齊去我覺得真係唔係太OK....一齊唔等於接受可以做果樣野............
我連D女好似阿嬸咁既年紀掂佢我都唔OK.....
點解你可以OK....?
好辛苦....

私人傳訊

積分: 23466

15^#

發表於 13-8-1 15:38 |只看該作者

回覆 connie_w0828 的帖子

我OK WO...
我第一次去，C6專登選環境舒服既場（係深圳）
除沖涼分開，其他時間都一齊，Ｃ６又無周圍望Ｄ超短裙，可能甘，我又ＯＫ；

之後因爲我覺得個場好貴，又ＤＵＰ得吳舒服，後來Ｃ６就話有舒服既，又便宜，但環境差好多。
我話無問題，舒服就可以，

之後就轉場，新場Ｃ苦都係長褲，圓領，阿姐，略肥尼Ｄ，又真係超舒服。之後我地都一起去；直到我有左，到現在，Ｂ都９個月都無去；　我好想去，但因爲星期５晚，六，日要臭Ｂ，Ｃ６吳肯去，因爲如果我地去，C6 又見　少一次ＢＢ

其實我覺得選場地，一起去，會好Ｄ．．

你不ＬＩＫＥ人地掂你，你可以在旁邊看加；我個陣Ｃ５都係甘做，我分錢要付，先可以入場加嘛，　Ｃ６為我安心，係預我係度坐，　係我吳汁輸，錢都要付，爲何不試，就甘開始。。。

私人傳訊

積分: 92158

2024年龍年勳章 2023年兔年勳章開心吸收勳章畀面勳章 BK Milk勳章 hashtag旅遊勳章 hashtag影視迷勳章

16^#

發表於 13-8-1 16:42 |只看該作者

回覆：connie_w0828 的帖子

其實你唔好介意我咁講。如果佢同你講得離婚兩個字。佢應該真係好辛苦。。。

不如你換轉第2面諗。男人要變。你點睇實佢都會變。你咁唔信佢。祗會推佢出去。到時仲有值口比佢添。

你有無做野?有既放工搵同事出去放鬆下。無既就搵下朋友一齊行街濕平。唔好將太多注意力放哂響你老公身上。可能咁你會有意外收獲。

唔好用自己既諗法,夾硬套落人地身上囉~ 唔該!!!!

私人傳訊

積分: 1068

17^#

發表於 13-8-1 16:49 |只看該作者

大少拉發表於 13-8-1 16:42
其實你唔好介意我咁講。如果佢同你講得離婚兩個字。佢應該真係好辛苦。。。

不如你換轉第2面諗。男人要變 ...

係呀佢講得激動除左大聲, 惡咁講之外, 佢都邊講邊大嗌邊喊,,,,我分唔到佢係傷心?憤怒?失望? 或者可能加加埋埋.....

我有做野, 但大家放工就番歸果種...........
我自己有搵D街行下, 四圍格價......都打發到好多小時.....

私人傳訊

積分: 92158

2024年龍年勳章 2023年兔年勳章開心吸收勳章畀面勳章 BK Milk勳章 hashtag旅遊勳章 hashtag影視迷勳章

18^#

發表於 13-8-1 16:59 |只看該作者

回覆：connie_w0828 的帖子

我覺得佢係好失望加真係好傷心。仲有就係嬲。。。佢會諗我又無對你唔住。點解你一次又一次唔信佢?其實感情真係另人好辛苦。。你愈愛佢就愈緊佢。但同時有機會做得過火左。

不過你真係試下約朋友出去玩下。自己又可放鬆。玩完返到屋企又可同佢分享你既開心事。感情都會好d.

唔好用自己既諗法,夾硬套落人地身上囉~ 唔該!!!!

私人傳訊