我之前都係實為買左個梳化，送貨約好早上來，我請假等佢來，等左成日，ｃａｌｌ佢公司既ＣＳ又無人聽，有人聽時又話唔知幾時才到，因為找不到ＣＦ， 我前後打左去實為同送貨公司道十幾次，之後，ＣＦ終於兩個小時後才打來，佢話過緊關，下午會到的，語氣勁差，好似我久佢錢咁，仲叫我放心啦，最後等到黃昏，我又打比ＣＦ，佢話仲係王崗口岸過緊關，又話晚上７時前一定可送到，我又等到８時，一路又ＣＡＬＬ送貨公司同實恵，佢哋一邊話就到，另一邊話唔知道，實為話送貨唔關實Ｘ自己既事，叫我自己再ＣＡＬＬ送貨公司追，一路等到晚上１０時，ＣＦ才回電又話在附近送緊貨，卒之等到晚上１１時ＣＦ問我半夜１２前一定到，問我有冇問題，當時我火都黎埋，我問佢：依家你仲問我有冇問題！應該係我問你有冇問題就真喎！
全日我就係屋企一路打電話，實惠間個ＣＳ全日都冇人聽，留言又無人回覆，分店又話佢都冇辦法，又話因為呢Ｄ野係佢（實為）公司既問題，而佢公司就話呢Ｄ野係外判的送貨公司既問題，而送貨公司就係ＣＦ既問題，而ＣＦ就話係過關既問題，我頂佢啦！
大家下次買野千祈要想清楚呀！千祈唔好為左實際同埋優惠，就去買！
玩左成日，勞氣到我，我仲要係通常１１時就瞓的，你叫我由早上等到你晚上，仲要我唔好瞓住，為左等你送張梳化來，到最後，個梳化原來和我所買的尺寸錯左， 我事後先至知，一坐落去，半個大比伸左出來，你話丫有冇理張梳化淺到淨係放倒個ＰＡＴＰＡＴ， 而對大比要０空吊住坐，咁點坐呀！大佬！成張無影凳咁！痴Ｘ線！我打去實為，佢又係無人聽，留言又唔覆，我打去佢總公司既ＲＥＣＥＰＴＩＯＮ才肯叫番佢子公司實為ＣＳ回覆， 一開口就話，我地都無辦法， 又話我度錯睇錯左，無可能之類，跟住又話可能係你同張凳陳列品根本係一樣，又話可能係會有少少誤差，前後幾次佢都話幫唔你，最後叫我影張相証實下，到証左了佢又話原來間廠係用我張梳化既尺寸來生產的， 所以係無錯的，然後我又去叫佢地既同事一齊度了幾次，最後都証實左佢陳列果張既尺寸係同我果張有出入，但係佢公司又同我講：我地係唔會為此事作出任何回應的，即係唔會退錢，唔會退貨，唔會有任何賠償，如有不滿，佢公司係歡迎你揾消委會投訴我哋！咁就完左成件事，你話呢間公司，係咪有問題！我已向消委會投訴了！
發表於 
約好黎整又放飛機
返回列表
