自由講場今日: 416|主題: 1332422

收藏本版

發帖

返回列表

跳至頁

查看: 3413 | 回覆: 97

（長篇+勞氣）隻雞「叔」左都唔俾我換！ [複製鏈接]

12 3 4 5

悠mama

男爵府

積分: 9068

1^#

發表於 13-8-3 00:54 |只看該作者 |倒序瀏覽 |打印

今日老公收工返到黎，話想食炸子雞，叫我落樓下[樂富UNY（樂苑）]買半隻番黎，（屋企距離UNY約5分鐘路程）（當時收據顯示時間係18：35）返到屋企我一如以往咁立即打開包裝將隻雞轉落玻璃碟度，用筲箕蓋面放上飯檯上，之後我就繼續整晚餐。
大約7點，老公沖完涼，就埋位邊食住餸等我開飯（因為呢排老公趕貨趕得好犀利，下午茶都無得食，變左要食住餸頂肚餓），當佢咬第一啖雞時已經聞到有陣「叔」味，佢再試第二舊時都發現有味，就同我講隻雞「叔」左，咁我就咬啖試下，發覺真係有陣油溢夾叔叔地味，所以就拿拿林炒埋碟菜裝埋飯俾老公，就立即拎番碟雞去換啦！
落到UNY後，見到都好多人買緊野，為左唔想影響人地做生意，我專登行埋去細細聲同個呀姐A講〜
我：呀姐，隻雞有問題，我想換第二樣！
呀姐A：咩話？（好大聲）
我：隻雞有d問題，好似「叔」左，你睇睇（我用隻紙碟裝番起碟雞，出面用食物袋裝住，雙手托住俾佢睇）
呀姐A：（好大聲）呀x，你睇下咩事，個客話臭左喎！（一手立起碟雞，就俾左入面另一個呀姐B)
呀姐B隨即拎起舊雞黎聞，之後放入口度食，而另一個呀姐C亦都有咁做。
呀姐B:隻雞冇事喎!邊有臭呀
我：我同你同事講話隻雞有陣味，好似「叔」左，幾時有話臭呀，臭係你同事講！
呀姐C:而家我地食過隻雞係無事喎，你想點呀？
我：而家隻雞「叔」左，我想補錢換第二樣野，得唔得呀？
呀姐C:唔得喎，咁隻雞都冇問題，我點換俾你呀！
我：補錢換都第二樣唔得？我唔係今日先第一次買黎食，我之前食過都冇呢d味，而家係你d雞係有問題，我先點敢再食呀！況且我買之前唔會整爛個包裝，試食左冇問題先買架嘛！大家買呢d包裝餸都係憑肉眼睇，買左返去之後打開黎食先知有冇問題，而家問題出現左，我只係返黎同你地講，你地一句話「無事」就唔俾我換，你地呢d咩態度咩道理呀！
呀姐C:我地d雞日日新鮮架，點會「叔」呀，而家唔同你講咁多，你鐘意就打去食環署，要退錢就去服務台，總之無得換！（跟住將隻雞掉番出黎平時放叉燒盤嘅位置，原本d雞係放喺紙碟上，變左跌哂落袋低度）

我：（著哂火）我唔食你地d野我絕對無問題，分分鐘仲健康左添；你唔做我生意，你地都唔會有大損失。但你地用呢d態度去做野就肯定聽執。呢度係香港，每個人都對現成熟食有一定要求，唔似得大陸，咩都塞得入個口，唔該你地唔好用你把口，去衡量我對食物嘅要求，你地未夠班！（我唔想俾人話我歧視B6，但果度d呀姐大部份都係鄉音未改）

（講完之後我好嬲就去服務台退錢兼同食物部經理投訴，經理一邊聽我講一邊同我道歉，亦向我解釋，當食物處於有熱溫時，再用保鮮紙包裝，有機會係令到食物「焗到叔左」，我即時接受經理呢個解釋，亦向經理重申我只係想補錢換貨，但都俾班呀姐拒絕，我覺得好難堪。之後經理話幫我換貨，亦希望我再俾次機會「樂苑」，但我態度好堅決咁話，我會繼續黎UNY買野，但為左避免日後再買到有問題食物，我絕對唔會再買樂苑嘅食物！之後我將袋雞同收據俾番經理，經理亦立即退番錢俾我！

當我行出個門口時先發現冇影低隻雞同張收據，因我當時實在太嬲啦！