吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 決心新手請教全泵媽 (用緊Medela Swing Maxi) ...

母乳餵哺今日: 0|主題: 85708

收藏本版

回覆發帖

返回列表

跳至頁

查看: 4224 | 回覆: 16

決心新手請教全泵媽 (用緊Medela Swing Maxi) [複製鏈接]

c9ha

男爵府

積分: 8151

1^#

發表於 13-8-3 18:38 |只看該作者 |倒序瀏覽 |打印

本帖最後由 c9ha 於 13-8-3 23:30 編輯

BB 15 日大, 因為我 Nipple 大, 佢埋身啜唔到, 所以我要做全泵媽 ...
為左增加奶量, 我而家每 2 小時泵 30 分鐘, 半夜就 3 小時, 一日 11 次 ...
每次每邊都有大半安至 1 安 ...
而家有以下問題請教 ... 謝謝 ...

1. 我想問你地每次泵完有無 Nipple 同乳暈脹哂? 因為我 Nipple 加乳暈都有 35MM, 所以我而家係用緊 36MM 喇叭 ... 我驚我係用錯喇叭 SIZE, 所以 Nipple 脹 ... 你地有無咁既問題?

2. 唔知係咪因為泵得密定係我泵得太大力, 而家每次泵都好痛, Nipple 已經紅哂, 泵完帶 BAR 都痛 ... 已經有用 Mustela Nipple 膏, 但係都唔 work ... 我試過細力O的泵, 但係奶量少左, 去唔到 1 安 ... 我唔想呢個痛苦 cycle repeat and repeat, 泵媽已經好無樂趣架喇 ... 我可以點?

3. 同埋繼續努力泵, 係咪真係可以增加奶量, 因為我仲未做到全奶, 好想快O的做到, 每次見到O的奶粉屎就憎, 但係睇左你地咁多 POST, 我同自己講要努力 ...

0 0 0

私人傳訊回覆引用

VirginiaToBB

複式洋房

積分: 385

2^#

發表於 13-8-3 21:01 |只看該作者

回覆：c9ha 的帖子

我都係用maxi,泵完/泵緊時個乳頭係會脹曬架。但我又不會痛，我都會調到好大力，因為咁樣好像會有多點奶和泵得清d! 不如您試下三個鐘泵一次，可能每次個量會多點

你加油呀，我bb都係十五日人仔，有時都會泵到3-4 oz一邊 for every 3-4 hrs,一定會越來越多

私人傳訊回覆引用

c9ha

男爵府

積分: 8151

3^#

發表於 13-8-3 23:22 |只看該作者

本帖最後由 c9ha 於 13-8-3 23:41 編輯

VirginiaToBB 發表於 13-8-3 21:01
我都係用maxi,泵完/泵緊時個乳頭係會脹曬架。但我又不會痛，我都會調到好大力，因為咁樣好像會有多點奶和泵 ...

咁或者我都應該 3 個鐘一泵, 因為自己都好攰 ...
但係點解你可以每邊 3 - 4 oz 咁勁 ?
你係咪都係慢慢泵上去 ?
有無食咩特別野 ?

我自己都已經日日上奶湯同黑豆炒米茶 ...
但係都無進展 ...
查實我係 5 日前先變做泵媽 ...
之前全埋身, 但阿 B 食唔到 ...

私人傳訊回覆引用

alisy

大宅

積分: 4902

4^#

發表於 13-8-4 00:16 |只看該作者

回覆：決心新手請教全泵媽 (用緊Medela Swing Maxi)

…兩位新手媽加油啦！

私人傳訊回覆引用

VirginiaToBB

複式洋房

積分: 385

5^#

發表於 13-8-4 01:31 |只看該作者

回覆：c9ha 的帖子

我可能一開始已好努力埋身啜和泵，所以多奶。我飲了三次木瓜魚湯，不過前二日想減產，因為雪櫃有好多存貨和個胸成日脤痛，所以我隔成六個鐘泵一次，搞到谷奶谷得好勁，勁痛。然後依家都少奶左，都有點後悔，不過我依家都係大約五個鐘泵一次，泵了十至十五分鐘，每邊都至少有三安，零晨時份如果b想食，我會埋身餵。人地話埋身會刺激到多d奶，唔知係唔係。

我無特別食乜，我覺得只要努力d俾bb啜和泵，d奶自然多，會不停製造的。

私人傳訊回覆引用

everice2004

複式洋房

積分: 446

6^#

發表於 13-8-4 02:55 |只看該作者

回覆：決心新手請教全泵媽 (用緊Medela Swing Maxi)

1，如果你係35用36應該沒問題吧！因為我唔識度，但用24同27都ok, 泵出來也差不多
2，泵完都會有小小痛，不過不會痛很久！因為係長期作戰，我唔敢開太大，怕拉傷
3，老實說，全泵的我12朝了，奶量增加的很慢！不過傯算有增，唯有keep住努力~~~

私人傳訊回覆引用

c9ha

男爵府

積分: 8151

7^#

發表於 13-8-4 04:23 |只看該作者

VirginiaToBB 發表於 13-8-4 01:31
我可能一開始已好努力埋身啜和泵，所以多奶。我飲了三次木瓜魚湯，不過前二日想減產，因為雪櫃有好多存貨和 ...

其實我之前都密埋身, 2 個鐘一次, 我睇住佢有啜, 但係去到健康院增磅差, 先知原來佢一路食唔到, 同埋因為 B 鏈問題, 佢頭 24 小時要隔離 ... 再加上 BB 啜得唔好, 可能我 MISS 左好多黃金時間 ...

不過真係好羨慕你係一個富媽媽 ... 我O係 AMAZON 訂左 MMP 同 GR ... 下星期到, 希望可以多O的奶 ...

最慘就係我胸大, O的無知三姑六婆一知道我餵人奶, 就即刻話, 嘩, 你唔使驚啦, 一定好多啦, 真係有苦自己知 ...

私人傳訊回覆引用

VirginiaToBB

複式洋房

積分: 385

8^#

發表於 13-8-4 06:42 |只看該作者

回覆：c9ha 的帖子

加油哦。我同您剛好相反，我胸不大，家人好surprise 我竟然有奶。
Bb一開始都唔夠重，又無屎柯，我勁擔心，之後埋身+泵俾他食成12餐，食食下可能就咁多左。個時我擔心他埋身可能唔夠飽同埋想知自己究竟係咪有奶俾b食，所以我一出醫院即係用泵。睇到有奶感覺上好d

你可以係泵奶前飲一大杯水，因為我次次都會咁做!!飲多點水or 湯水絕對有幫助

私人傳訊回覆引用

Janjanmimi

複式洋房

積分: 284

9^#

發表於 13-8-4 07:07 |只看該作者

回覆：決心新手請教全泵媽 (用緊Medela Swing Maxi)

不如你泵既時間不要太長！15-25分鐘左右，因為你2小時泵一次，泵密啲好似個b 既需要一樣，飲水，之前飲及泵緊都飲！飲多啲黑豆漿、魚湯、飲料、湯水，盡量爭取休息！至於乳頭痛痛少小係正常，但太痛要力度不要開到最大，跟著搽乳頭膏。
雖然你個B 未肯埋身，但每個時期或者有唔同，你可以訓練佢比佢埋身試，盡量引導他張開大口含乳暈，始終BB 既刺激反射係最好及恆久令你上奶！兩樣都試！

私人傳訊回覆引用

clemencebaby

大宅

積分: 4622

10^#

發表於 13-8-4 07:42 |只看該作者

回覆：決心新手請教全泵媽 (用緊Medela Swing Maxi)

加油新手媽！泵奶痛有幾個common 既可能性，一係你個喇叭太細。二係你用太大力度泵。三係你泵得密過你乳頭可承受的次數。四係你乳頭太敏感未適應泵奶。我諗你唔好去咁盡，如果真係好痛，學樓上jm講每次泵奶時間短d, 唔好用咁大力度去泵，如怕泵唔清，係應該泵完之後用手擠奶幾分鐘，就可擠清。我覺得初生兩個半鐘泵一次都可以的。唔好口味心急想泵多d而傷左乳頭，人奶路好漫長的。

私人傳訊回覆引用

c9ha

男爵府

積分: 8151

11^#

發表於 13-8-4 10:01 |只看該作者

回覆：決心新手請教全泵媽 (用緊Medela Swing Maxi)

其實我最想係埋身，可惜住院其間，連教餵人奶既姑娘都勸我唔好埋身，話我同個仔唔夾，我 nipple 大，佢嘴細，叫我泵奶，住院其間未上奶，姑娘要我餵奶粉 ...

但係我返到屋企唔理，逼個仔埋身，佢肯食我就俾佢啜，最短半個鐘，平均一個鐘，最長試過三個半鐘不停埋身，過咗一個星期返健康院，成個星期先重得 0.5kg，俾醫生問點解重得咁少，正常 1 日重 0.2kg，而家 7 日先重 0.5kg，先發覺原來阿 B 食唔到，我同老公都好擔心，呢一刻我冇得唔放棄，唯有做泵媽，但係我十萬個唔想，因為埋身真係方便好多，同埋啲樽痴咗啲抗體，再加上阿 B 用樽食完實嘔奶 (已經用 Dr Brown 排氣樽) ，餵三安半，起碼嘔半安，我好心痛，跟住好快肚餓，我又冇咁多奶俾到佢，要食奶粉，驚佢又唔夠重 ... 同埋，埋身既感覺真係好 sweet ....

我都希望阿仔之後可以再次埋身 ....