懷孕前後

收藏本版
發帖
返回列表
跳至頁

首頁
1

尾頁
   0
anita_yps


侯爵府

積分: 23699

2024年龍年勳章 BK Milk勳章 畀面勳章


1#
發表於 06-11-29 15:16 |只看該作者

以為早產係廣華住一晚既見聞

11月28日凌晨4時個肚痛到醒左, 之後去左KWH, 即時安排左上病房, 初時以為係陣痛安排左入產房待產, 好彩最後都唔係, 雖然係有明顯既宮縮, 不過維持唔係好耐, 最後阿B都好乖咁訓返, 如果唔係, 阿B已經係早產B啦。

不過當我入左產房時, 我老公唔俾入左要係出面等, 聽老公講返, 佢等我果時, 有2個大陸男人都係等緊老婆當佢地知道對方都係大陸人時, 就好岩傾咁, 一拍即合, 講點樣可以係香港享受更多福利, 如有香港出世紙, 綜援......之後佢地走埋我老公度問佢係咪都係大陸黎架?? 我老公即刻大聲話: 咩野大陸黎呀, 我同我同老婆都係香港人黎架。果2個大陸男人聽到即刻走, 冇野好同我老公講, 因為唔岩CHANNEL。

咁我係產房時, 我唔知有幾多間房, 不過一定唔只一間, 聽到隔離產房有個產婦俾人好大聲咁罵, 成個產房都聽到咁濟。之後先知罵人既係一個高級/顧問醫生, 總之係好高級既醫生, 佢罵既係一個大陸孕婦, 佢之前冇做過任何產前檢查, 突然流水入A&E, 轉上產房, 個醫生問佢D野佢樣樣都話唔知, 連個BB有幾多WEEK都話唔知, 問佢有冇做過咩野檢查又話唔知, 問佢係大陸住邊又話唔知, 激到個醫生發火先話住惠東。不過個女人今次已經係第3胎, 冇理由BB幾多WEEK都話唔知, 醫生問佢之前2胎幾時生又話唔記得, 醫生罵完佢, 佢又話93年生過, 同埋XX年生過, (因岩岩有姑娘問我野, 我聽唔到), 最後因佢唔係穿羊水未生得要轉去產前房。

因我都係未生得, 都係轉左去產前房, 岩岩個女人, 訓我隔離張床, 中午時有2個講大陸話既人黎探佢, 探佢的人拿來的棉花, 紙巾全都係大陸牌, 好大機會果2個人都係大陸黎既。

巡房時佢問醫生乜我仲未生得咩? 醫生話佢未住, 佢話唔可以生咩? 醫生話你都唔係穿羊水又冇見紅同陣痛點生呀? 佢可能以為可要求開刀生啦。之後D醫生同護士叫佢住到明天先出院, 因佢什麼產前檢查都冇做過, 醫生想佢做埋明天先走, 個大陸女人即刻要求當日即出院, 又話明天再返來做, 當時醫生同姑娘已經同佢講, 你再返黎做都要再俾$架啦, 仲講明佢係門診要俾$700/次, 上病房檢查要$3300/次, 佢口口聲聲話得,我估佢都唔會去做檢查架啦, 急症同住院費可以走數, 門診冇得走, 冇交冇得睇架嘛。

其實KWH都真係好FULL, 雖然未有人訓走廊, 不過連一間多用途室都要改埋做病房, 仲要間間房都冇空床, 個病人果頭走完, 好快就有另一位病人入住, 我諗遲D到金豬年都唔知會點, 可能連護士休息室都要改埋做病房啦......
私人傳訊

pigbb2007


大宅

積分: 1033


2#
發表於 06-11-29 15:33 |只看該作者

Re: 以為早產係廣華住一晚既見聞

咪就係呢D 搶哂我地D資源loh!
私人傳訊

galic


大宅

積分: 1857


3#
發表於 06-11-29 15:47 |只看該作者

Re: 以為早產係廣華住一晚既見聞

ai...就因為咁..我逼住要choose私家....每年交咁多稅, 只用係班大陸人身上....香港人一d都無得益...
私人傳訊

winnie108


別墅

積分: 501


4#
發表於 06-11-29 15:57 |只看該作者

Re: 以為早產係廣華住一晚既見聞

點解大家唔同手機拍低 d 咁震撼既情況, 最好有埋聲 tim。

特別係果兩個男人講點可以攞著數既對話, 我諗一放上網, 佢地即刻紅過巴士亞叔, 相信傳媒一定有興趣跟。

搞 d noise 夠好喇。

私人傳訊

該用戶已被刪除

5#
發表於 06-11-29 16:25 |只看該作者

Re: 以為早產係廣華住一晚既見聞

提示: 作者被禁止或刪除 內容自動屏蔽
私人傳訊

jojoplanet


珍珠宮

積分: 31256


6#
發表於 06-11-29 16:33 |只看該作者

Re: 以為早產係廣華住一晚既見聞

我在產房見到一個女人..佢痛咗好耐都係得三度, 醫生話要同佢開刀. 佢唔肯, 又哭又叫, 話想等下...姑娘問佢點解唔開刀, 醫生話太危險無得等..之後佢問姑娘會否用麻醉藥, 姑娘話硬係會啦, 唔通生"湯"你咩...之後麻醉師解釋比佢聽半身同全身的分別, 佢又唔理人...姑娘話佢無禮貌得個嘈字..香港人唔會好似你地咁架...
私人傳訊

Elefant老婆


珍珠宮

積分: 37310

好媽媽勳章 醒目開學勳章 畀面勳章


7#
發表於 06-11-29 16:38 |只看該作者

Re: 以為早產係廣華住一晚既見聞

中國人係最要面﹐家丑不出外傳﹐依家咪當閂埋們屋企人自己噪餐飽。正所謂一日仲可以保持沉默﹐一日都可以唔洗做野。
私人傳訊

Elefant老婆


珍珠宮

積分: 37310

好媽媽勳章 醒目開學勳章 畀面勳章


8#
發表於 06-11-29 16:41 |只看該作者

Re: 以為早產係廣華住一晚既見聞

大陸曾經有過開刀無落足麻醉藥既case。
jojoplanet 寫道:
我在產房見到一個女人..佢痛咗好耐都係得三度, 醫生話要同佢開刀. 佢唔肯, 又哭又叫, 話想等下...姑娘問佢點解唔開刀, 醫生話太危險無得等..之後佢問姑娘會否用麻醉藥, 姑娘話硬係會啦, 唔通生"湯"你咩...之後麻醉師解釋比佢聽半身同全身的分別, 佢又唔理人...姑娘話佢無禮貌得個嘈字..香港人唔會好似你地咁架...
私人傳訊

anita_yps


侯爵府

積分: 23699

2024年龍年勳章 BK Milk勳章 畀面勳章


9#
發表於 06-11-29 16:50 |只看該作者

Re: 以為早產係廣華住一晚既見聞

果時如果我老公有用手機拍低就好啦...

仲有原來係產房有好多儀器, 就算有帶電話嚴禁開機, so當晚我電話都俾左我老公帶走, 到轉左係產前房先帶返俾我。

講真, kwh 產房同產前房d姑娘同e生真係好好, 當然有時可能佢地太忙唔得閒理我, 我岩岩插左"嚴"水唔俾行去toilet, 要用尿盆, 等左好耐, 要講2次先有姑娘俾尿盆我, 不過我都冇mind, 因為實在太多病人要service, 見佢地好似打仗咁, 做到冇停手。

因為d大陸人好似個個都係咁, 十問九唔知, so d姑娘要用好多時間去問佢地呢樣果樣, 又要幫佢地book檢查同call 醫生, 因為間間房都at least有一個係大陸人; 相反我地香港人就易辦好多, 一來有產檢record, 2來問咩就答咩, 時間上慳返好多。

winnie108 寫道:
點解大家唔同手機拍低 d 咁震撼既情況, 最好有埋聲 tim。

特別係果兩個男人講點可以攞著數既對話, 我諗一放上網, 佢地即刻紅過巴士亞叔, 相信傳媒一定有興趣跟。

搞 d noise 夠好喇。
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見