wendynbb 寫道:
好開心，今日去了龔羽一度照４D,＄６８０有十二張彩色相（相片放入一本藍色厚相簿內），一隻DVD（錄晒照既過程，是黑白加彩色的）．呢間唔算貴，出面好多要$1500左右架，不過佢明年開始加價至$750．我預定時間去到好快就有得照，是由姑娘幫我照的，她都有解釋下邊度係乜俾我知，佢都幾細心．開始時，看到小ｂ的樣子，很清楚啊，咀巴是上唇簿的，我覺得似老公，個鼻好像似我喎，豬胆鼻，哈∼ 但過一陣，小ｂ就開始不合作，用手和腳擋著自己塊面，姑娘郁下我個肚，希望佢拎開小手，但都唔成功，所以叫我出去坐下，轉頭再照．半小時後，又入去照，小ｂ仍然是用一隻手擋著一隻眼，但都算好彩，佢間中拎開隻手，姑娘就在這迅間替他拍照，總算為小ｂ拍到十多張相，姑娘仲幫我拍下小ｂ的姑姑，都幾清楚睇見．
我同老公都覺得今次照係值得，睇到小ｂ個樣真係好開心呀，呢間照到小ｂ成個身體（黑白），相比我平時檢查果間照得清楚．轉為照彩色時就更加得意，因為睇到佢個樣，同埋小ｂ在肚內的動作，最攪笑一段係見到小ｂ先用手擋著眼，然後申埋隻腳上來，成隻腳仔連腳板都睇到，真係笑死我地．．因為小ｂ的不合作，可以照兩次，賺左，哈哈~~所以我的DVD是有兩條片的．
最擔心的是看到小ｂ的臍帶在他的頭側邊，我巳即場問姑娘，她說想要知邊是否kick住他是頸只可以看專科，我地亦不可能無時無刻照住超聲波，就算知道kick住也沒有任何方法可以做到，所以只可以自己留意下佢有無郁，聽完真係有ｄ驚，希望無事啦∼∼∼
發表於 
返回列表
