吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我冇地方可以同人講, 亦唔知點做...

夫婦情感今日: 8|主題: 42716

收藏本版

發帖

返回列表

跳至頁

查看: 9861 | 回覆: 75

我冇地方可以同人講, 亦唔知點做... [複製鏈接]

12 3 4

lan_da

民房

積分: 14

1^#

發表於 06-12-4 18:45 |只看該作者

我冇地方可以同人講, 亦唔知點做...

各位, 我係新member, 我冇地方可以同人講, 亦唔知點做, 希望可以喺呢度, 得到一d 意見...

我同我老公喺19歲時結婚(我們自小是同學), 一同捱苦,最初搵幾千蚊一個月, 住喺我外家, 禮拜尾為咗慳錢唔出街, 情人節去大家樂, 寧願慳幾毫子都唔搭冷氣巴. 大家一同努力, 又做part time 又進修, 死慳死抵, 終於喺22歲時抽到層居屋.

即使我有全職工作, 屋企亦打理得天井井有條, 因晚上幫人補習無煮飯, 但間中亦會用真空煲煲湯比我老公飲. 24歲嗰年, 我覺得佢行為開始古怪, 有時揾唔到人, 問佢同邊個去街又答得怪怪地. 於是就去查佢, 結果我發現佢做咗一堆對我唔住o既事… (點查唔講, 太長) 佢一方面成日同一個女同事出街, 一方面用icq識女仔玩one night stand, 仲喺我有一晚番呀媽度幫呀媽做嘢, 佢帶個女仔番屋企上床, 仲攪大人個肚… 我一直覺得要信任同比私人空間佢, 所以佢有時出街我亦冇問太多, 但佢利用我對佢o既信任… 當時我大受打擊, 曾在街上昏倒… 我執了行李回娘家… 我冇講咩事, 但我父母好擔心, 我爸差不多要喊出來, 同我講, 如果我們真的分開他會好傷心… 過了幾日佢來揾我, 佢喊, 話知錯, 捱咗咁多年先有今日, 相信將來個家庭會好好, 如果就咁放棄, 以前一切o既努力就白費…一d較年長o既朋友話, 叫我比次機會佢, 話佢太細個結婚, 唔識諗… 或者我太愛佢, 或者我真係好唔甘心, 我又怕呀爸傷心… 我比咗個機會佢.

佢用最快時間settle一切, 大家再慢慢回顧, 或者以前日日只顧揾錢, 無時間relax, 問題便出現… 我哋用咗半年, 之間o既關係回復以往. 大家用多一點心一同相處. 佢亦對我如以往一樣, 什至更好. 我哋學識咗除咗揾錢, 仲要兩個人間中輕鬆一下.

27歲, 我哋進修完畢, 各自得到一個學位, bb剛半歲, 在畢業禮當日一家三口合照, 好難忘. 大家亦因努力工作, 事業愈來愈好, 家庭收入増加, 有車有工人之餘, 仲換埋一間大啲 o既私人樓. 我老公話, 佢未到30已經咩 “仔”都有晒 (老婆仔,車仔,bb仔,屋仔), 好多人都話佢叻, 佢亦好自豪. 而家唔洗再等大時節都可以隨時去酒店食飯, 比小朋友去讀私校, 生活環境o既進步, 就連我倆有時都唔相信, 一切係自己一手一腳努力得番嚟. 我倆亦再一同進修碩士, 仲有一個學期就畢業了.

對於以前發生o既事, 其實只要再冇事發生, 我係可以當冇件事, 或者我係一個唔記仇o既人… 但我好唔鍾意佢玩電腦,個心覺得好唔舒服…我亦知今時今日o既年代, 冇可能唔比佢用電腦…我同自己講, 比佢上色情website都好過出去攪, 所以, 就算唔想, 就算有小小唔開心, 我都冇太大干涉. 我喺公司係一個女強人, 但一返屋企, 我就做個小女人. 我好努力工作, 都係想將來生活好d. 一切係為頭家…

但今年年頭開始,我feel 到佢唔同咗, 我問佢, 佢話冇嘢唔同, 叫我唔好亂諗. 我同佢講, 無論發生咩事, 要諗吓我哋好辛苦先有今日… 直至果晚有人打電話比我, 話見到佢同個女人平排坐食晚飯, 行為超過一般朋友, 我呆得停了好幾秒先有反應… 當晚佢返來冇咩特別, 但我心已傷透. 我知, 我真的行錯了… 但呢次, 多咗個小朋友, 我覺得好對佢唔住, 我唔應該信佢老豆, 當年唔應該行落去… 我扮唔知, 因為我想諗吓要點做, 但我忍咗兩個星期, 又因唔知佢去咗邊, 我將件事講出來,但佢死口唔認, 話我個目擊証人睇錯, 但果個人識佢十幾年, 成日見, 點會?? 最後, 佢話只係食飯, 唔講係唔想我亂諗… 我哋由此就冷戰… 我好唔開心, 但佢同個仔感情好好, 我唔想個仔唔開心… 佢而家返大陸做嘢, 一星期只有三晚喺香港, 好小打電話比我, 只會打比個仔… 上個月, 我出trip, 叫佢weekend返嚟陪個仔, 但工人話佢幾日來只陪咗個仔3個鐘, 並他時間一係玩電腦, 一係出街, 仲有晚冇喺屋企訓.

我傷心得快要死了, 佢點解一次又一次咁對我???? 我好後悔當日比個機會佢, 而家係比個機會佢hurt我, 仲有我哋個仔!!!!點解佢咁忍心咁對我?? 當佢話要bb時, 我叫佢想清楚, 如果未ready, 唔好要住, 我寧願佢玩夠先,. 佢話佢已錯過, ready做個好老豆, 但點解而家又係咁???唔通我兩個都唔夠出面o既嘢緊要????

我有想過死, 過去捱咗10年, 而家咩都冇晒, 我好想離開佢, 但怕個仔知道我哋分開會唔開心, 怕佢會怪我. 我怕個仔接受唔到(佢4歲), 佢同佢老豆好friend. 個仔係我一切, 我有諗過留低, 自己忍住, 扮冇事, 等個仔有個完美家庭… 我知我老公實話自己冇嘢, 但我真係唔知佢幾時會再hurt 我… 我應該為自己諗, 還是為個仔諗?? 我冇對人喊過, 只有自己呢埋喊… 我打中文好慢, 呢篇嘢打咗一個下午, 但我實在冇地方可以訴苦… 自問咩都做晒, 點解佢可以咁對我???

私人傳訊

shah

伯爵府

積分: 17739

魅力王子

2^#

發表於 06-12-4 19:05 |只看該作者

Re: 我冇地方可以同人講, 亦唔知點做...

lan_da
When i see your sharing finish...i want to cry :-(
i also 19yrs marry,now 23yrs,my son 1yr 11months~
your husband really PK :evil: 1 time wrong aready hurt,now 2times,3times.... :evil:
many man have money will do this... :evil:
u have any sad also can share in here,many mami support u~!

私人傳訊

WinChi

男爵府

積分: 5396

3^#

發表於 06-12-4 19:13 |只看該作者

Re: 我冇地方可以同人講, 亦唔知點做...

唔好再問點解, 佢去玩女人,這可以說是這個男人的本性, 家下有錢更不再話, 個時叫你原諒佢,可能是當時還不想失去你,是好自私

你想點行真的要再慢慢想,也不要一下子決定,但最要的是一切要以自己和個仔為先,機會之前己比了他,你也應對佢死心了

有捨必有得有得必有失

私人傳訊

該用戶已被刪除

4^#

發表於 06-12-4 19:14 |只看該作者

Re: 我冇地方可以同人講, 亦唔知點做...

提示: 作者被禁止或刪除內容自動屏蔽

私人傳訊

yiuyiu213

大宅

積分: 1153

5^#

發表於 06-12-4 19:17 |只看該作者

我冇地方可以同人講, 亦唔知點做...

現在回頭看也沒用...什麼如果這樣...就不會那樣....
實際點與他說清楚吧

私人傳訊

414928

水晶宮

積分: 63944

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 HiPP勳章(1) 2018父親節勳章 2018復活節勳章 15週年勳章畀面勳章好媽媽勳章醒目開學勳章 BK Milk勳章 hashtag旅遊勳章 hashtag影視迷勳章認識瑞士牛牛第一回認識瑞士牛牛第二回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章食得好勳章笑得好勳章

6^#

發表於 06-12-4 19:21 |只看該作者

Re: 我冇地方可以同人講, 亦唔知點做...

樓主,唔好太傷心了,你個問題我都覺心酸,不過你為左個仔要堅強些,現代社會對一紙婚書的睇法已改變,如果你老公唔認有第2個,你還是等多陣,睇下佢是否真係有野囉,都確定左,你就真係要自己決定留或走了,我唔想比錯誤信息你,所以你要自己決定,放得低就繼續,放唔低就走人,唔係會屈死你自己,問題出左來,問點解已沒有意思了,最重要係將來條路點行,不要有問題就想死,你死了個仔會好慘,加油,天總會比條路你行的,不要想得太灰,你咁傷心會影響小朋友的,而且你傷心佢又睇唔到,是沒有價值的。

私人傳訊

CSJ安樂窩

複式洋房

積分: 296

7^#

發表於 06-12-4 19:30 |只看該作者

Re: 我冇地方可以同人講, 亦唔知點做...

許可寫道:
我睇到，都鄧你好難過，唔通只可共患難，不可共富貴？

I also wonder the same, its soooo sad to read your message...I agree that you shouldn't ask 'WHY' anymore...you need to think about the future...most importantly, you need to set your 'priority'...what do you think is the most important to you right now, your son, your family or yourselve...if you really think that your son will be happy living with your husband, you might have to suffer and 'live' with it...frankly speaking, I don't think your husband really care about your son sooooo much as he only spend three hours with your son over the three days...as you are financially independent, you have one less thing to worry about...nothing much we could do and you really need to think carefully what you need to do....I sincerely hope you can sort out your problem soon and take care...

私人傳訊

苦苦爸爸

複式洋房

積分: 105

8^#

發表於 06-12-4 19:32 |只看該作者

Re: 我冇地方可以同人講, 亦唔知點做...

414928 寫道:
樓主,唔好太傷心了,你個問題我都覺心酸,不過你為左個仔要堅強些,現代社會對一紙婚書的睇法已改變,如果你老公唔認有第2個,你還是等多陣,睇下佢是否真係有野囉,都確定左,你就真係要自己決定留或走了,我唔想比錯誤信息你,所以你要自己決定,放得低就繼續,放唔低就走人,唔係會屈死你自己,問題出左來,問點解已沒有意思了,最重要係將來條路點行,不要有問題就想死,你死了個仔會好慘,加油,天總會比條路你行的,不要想得太灰,你咁傷心會影響小朋友的,而且你傷心佢又睇唔到,是沒有價值的。

414928 "講得好呀..同妳老公慢慢傾下先...

私人傳訊

Penguins

子爵府

積分: 10713

牛年勳章好媽媽勳章醒目開學勳章

9^#

發表於 06-12-4 19:39 |只看該作者

Re: 我冇地方可以同人講, 亦唔知點做...

為左佢咁樣去死, 就真係唔值得! 既然你自己咁叻, 我相信無左呢個人, 你都唔駛擔心, 就算得返你同個仔, 都一樣可以生活得好好!

睇定d同埋諗清楚d再作打算, 通常火遮眼既情況下會做出一d錯誤既決定!

私人傳訊

dondon816

大宅

積分: 1246

10^#

發表於 06-12-4 20:06 |只看該作者

Re: 我冇地方可以同人講, 亦唔知點做...

呢個男人好賤格,傷完你一次又一次,如果你原諒佢,即係俾機會佢再次hurt你,根本係死性不改.

做令自己開心的事,相信個仔大d會明白的,唔好諗埋一邊,生命的無價,上來呢度傾下,心情會好d.

私人傳訊

suetying2003

複式洋房

積分: 377

11^#

發表於 06-12-4 22:30 |只看該作者

Re: 我冇地方可以同人講, 亦唔知點做...

堅強d啦, 你今日得到嘅嘢都得來不易ga, 有血有汗ga. 男人從來都唔under control, 你睇開d啦, 你仲有囝囝嘛! 佢先係你希望, 假使間你有一日真係同老公分開, 但你對囝囝嘅愛係唔會嫁嘛, 係咪? 小朋友只要响有愛嘅環境底下長大都唔會有太問題, 我身邊都有好多單親家庭長大嘅朋友同親戚, 但佢哋父母都處理得好, 所以都生活得好好.
我唔知我有無講錯嘢?! 但我其實係想~~~support you!

私人傳訊

joannalsm

複式洋房

積分: 484

12^#

發表於 06-12-5 00:03 |只看該作者

Re: 我冇地方可以同人講, 亦唔知點做...

你咁硬淨.無野解決唔到.我未嫁前果男人同你老公一樣.一而再,再而三咁HURT我.唔係教你離開佢.我只可以講有D男人係唔會珍惜好既女人.浪子回頭我好少見.我會"陳"後生.未人老珠黃時離開.你覺得仔仔跟住佢會好咩??佢有時間蘭街都唔陪個仔!!!你算好.有好多女人無錢離婚,同養小朋友.但都照離婚.你其實煩少樣嫁啦.

私人傳訊

edea

王國長老

積分: 119074

王國長老

13^#

發表於 06-12-5 00:10 |只看該作者

Re: 我冇地方可以同人講, 亦唔知點做...

唉,睇完好心痛. :cry:

堅強d,無論妳最後決定係點,上黎講下release下自己,唔好一個人谷埋唔開心.

我唔係經常上BK, 想搵我嘅朋友請email: [email protected]

私人傳訊

該用戶已被刪除

14^#

發表於 06-12-5 00:46 |只看該作者

Re: 我冇地方可以同人講, 亦唔知點做...

提示: 作者被禁止或刪除內容自動屏蔽

私人傳訊

不平明

複式洋房

積分: 224

15^#

發表於 06-12-5 00:57 |只看該作者

Re: 我冇地方可以同人講, 亦唔知點做...

sorry...too many times..cannot forgive

be strong

私人傳訊

lovehimhim

子爵府

積分: 10888

畀面勳章

16^#

發表於 06-12-5 05:15 |只看該作者

Re: 我冇地方可以同人講, 亦唔知點做...

有好多男人真係有左錢就會身痕...你要諗下, 為左一個咁既男人死值唔值得, 而且你仲有個仔。既然自己有經濟能力, 就更有條件選擇去留, 如果覺得自己已經冇可能再忍受落去, 不如係兩人關係未到最差地步既時候分開, 大家做番朋友, 或者對個仔會好d。再成日諗點解佢會咁對自己係冇用架, 有好多野根本唔會有答案, 不停諗只會令自己鑽牛角尖。我都有試過比人背叛, 諗通左覺得可能大家真係緣盡, 咁就唔好再成日懷緬過去, 將來先係最重要, 你自己同個仔先係最重要! 但目前最緊要你地兩個人認真溝通, 盡量將對小朋友既影響減到最少。

私人傳訊

JAY媽

男爵府

積分: 5993

17^#

發表於 06-12-5 06:01 |只看該作者

Re: 我冇地方可以同人講, 亦唔知點做...

如果離婚,你囝囝又吾理解你會嬲左你,吾離婚既話,你又可吾可以忍受到有個咁既老公?

或者你試下咁樣諗,睇下幫吾幫到你...

講真,我覺得你吾好離婚,點解咁講?問題出於你囝囝同你老公關係良好問題,萬一真係俾你離左婚,個仔判左俾你,但係囝囝一心都係等爸爸番黎,久而久之,你同你囝囝既情緒都會有問題,好似我囝囝既同學仔咁,又係父母離婚,但個小朋友又係同爸爸既關係好d,成日都以為爸爸會番屋企,爸爸為左補償個仔,成日都買好多玩具俾個仔,但母兼父職既媽咪,因為長期太大壓力,又要搵食養家又要教仔,搞到爸爸永遠一出現都係有玩具又順哂個仔意,媽咪一出現都只係黑口面又鬧又惡咁教仔,小朋友梗係見到邊個對佢林就會鐘意邊個,邊個對佢惡/嚴就會憎邊個...我就係吾想你到時會變成咁既局面,無謂因為一時意氣而搞到自己日後同個仔既關係變得咁差....

如果吾離婚既話,我覺得都吾係壞事黎,至少你都有番個仔,你又可以鍚哂佢又可以專注去教養佢,俾到一個叫做完整既家俾佢,等佢吾會受到太大影响,始終呢刻,個仔先至係你既命根,而吾係你老公嘛! 至於你老公,我覺得既然佢咁樣對你,你亦可以大條道理放棄佢吾再愛佢,試下狠心d同自己講,你吾需要愛情囉!你依家呢刻最重要既吾係愛情,而係你既事業同你囝囝同你自己!互不干涉大家生活,佢有佢去識女仔,你有你去照顧囝囝同發展你既事業...

可能講到呢樹又會有網友甚至乎你都會覺得我咁諗得吾得架!我好肯定答你,一定得!講真人生吾一定要有愛情至係人生嘛!呢d可遇不可求,你遇到個好既係你既幸運,遇吾到既亦吾係d咩不幸,即係你去抽奬咁,中頭奬當然開心到暈啦!但中吾到亦吾覺得d咩大件事,照樣都係咁生活咁去過日子之嘛!人生有好多野都值得我地擺上第一位架!係睇你點去幫自己去排位之嘛!當你吾再在乎呢個男人同愛情時,佢就算點去hurt你,你都吾會覺得傷心&在意囉!當你對呢個男人無任何期望同要求時,咁又何來傷心難過同失望呢?總之將自己既焦點放哂响你囝囝同事業度,到你過渡到呢刻既心情時,你自然吾會再care呢個男人既存在,佢既存在只係俾囝囝有個爸爸陪住,就係咁咋!呢刻,你都要學會點去堅強,而吾係單單响office度做女強人囉!

d男人係咁架!你吾狠心d放棄佢吾理佢丟低佢,佢地係吾知衰架!

加油呀!吾好氣餒呀!要為兒子而活!

老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息

私人傳訊

OneTwoThree

男爵府

積分: 5598

18^#

發表於 06-12-5 12:54 |只看該作者

Re: 我冇地方可以同人講, 亦唔知點做...

我都覺得為左個仔同你自己唔好咁辛苦, JAY媽個方法可行, 當你老公透明, 何況你地兩個都返工見面時間唔多, 放假一係你同個仔去街一係就佢同個仔去囉, 況且個仔處於唔大唔細階段, 等個仔大d識性你就慢慢再同囝囝解釋, 咁樣會好d, 問題係你有無咁好eq, 你仲咁後生, 無謂為左個男人攪到自己生心疲累咁慘吖~

JAY媽寫道:
如果離婚,你囝囝又吾理解你會嬲左你,吾離婚既話,你又可吾可以忍受到有個咁既老公?

或者你試下咁樣諗,睇下幫吾幫到你...

講真,我覺得你吾好離婚,點解咁講?問題出於你囝囝同你老公關係良好問題,萬一真係俾你離左婚,個仔判左俾你,但係囝囝一心都係等爸爸番黎,久而久之,你同你囝囝既情緒都會有問題,好似我囝囝既同學仔咁,又係父母離婚,但個小朋友又係同爸爸既關係好d,成日都以為爸爸會番屋企,爸爸為左補償個仔,成日都買好多玩具俾個仔,但母兼父職既媽咪,因為長期太大壓力,又要搵食養家又要教仔,搞到爸爸永遠一出現都係有玩具又順哂個仔意,媽咪一出現都只係黑口面又鬧又惡咁教仔,小朋友梗係見到邊個對佢林就會鐘意邊個,邊個對佢惡/嚴就會憎邊個...我就係吾想你到時會變成咁既局面,無謂因為一時意氣而搞到自己日後同個仔既關係變得咁差....

如果吾離婚既話,我覺得都吾係壞事黎,至少你都有番個仔,你又可以鍚哂佢又可以專注去教養佢,俾到一個叫做完整既家俾佢,等佢吾會受到太大影响,始終呢刻,個仔先至係你既命根,而吾係你老公嘛! 至於你老公,我覺得既然佢咁樣對你,你亦可以大條道理放棄佢吾再愛佢,試下狠心d同自己講,你吾需要愛情囉!你依家呢刻最重要既吾係愛情,而係你既事業同你囝囝同你自己!互不干涉大家生活,佢有佢去識女仔,你有你去照顧囝囝同發展你既事業...

可能講到呢樹又會有網友甚至乎你都會覺得我咁諗得吾得架!我好肯定答你,一定得!講真人生吾一定要有愛情至係人生嘛!呢d可遇不可求,你遇到個好既係你既幸運,遇吾到既亦吾係d咩不幸,即係你去抽奬咁,中頭奬當然開心到暈啦!但中吾到亦吾覺得d咩大件事,照樣都係咁生活咁去過日子之嘛!人生有好多野都值得我地擺上第一位架!係睇你點去幫自己去排位之嘛!當你吾再在乎呢個男人同愛情時,佢就算點去hurt你,你都吾會覺得傷心&在意囉!當你對呢個男人無任何期望同要求時,咁又何來傷心難過同失望呢?總之將自己既焦點放哂响你囝囝同事業度,到你過渡到呢刻既心情時,你自然吾會再care呢個男人既存在,佢既存在只係俾囝囝有個爸爸陪住,就係咁咋!呢刻,你都要學會點去堅強,而吾係單單响office度做女強人囉!

d男人係咁架!你吾狠心d放棄佢吾理佢丟低佢,佢地係吾知衰架!

加油呀!吾好氣餒呀!要為兒子而活!

私人傳訊

幸福無比

別墅

積分: 569

19^#

發表於 06-12-5 13:10 |只看該作者

Re: 我冇地方可以同人講, 亦唔知點做...

樓主, 其實我都曾有過你那掙扎時期,, 怕離婚會影響個仔, 怕佢會怨我, 怕個仔吾開心., 又擔心爸媽為我傷心, 亞仔同佢老豆一樣好FRIEND好好好感情...加上我同前夫都經歷過很多事, 我足足痛苦了兩年, 最后更搞到有抑鬱TIM, ...但到最后我還是決定離婚(我一個人也可照顧個仔) ,因為我覺得再係咁下去, 痛苦只有自己, 每日都吾開心, 活係痛苦裡面, 現在我行出了這一步, 反而過得很好, 同個仔都好開心, 冇咁多煩腦, 我沒有後悔離婚, 我同佢仲係朋友, 所以我覺得若然你真痛苦,倒不如退一步. 給自己一個機會,有時D野並吾係你想得咁灰的

各位, 我係新member, 我冇地方可以同人講, 亦唔知點做, 希望可以喺呢度, 得到一d 意見...

我同我老公喺19歲時結婚(我們自小是同學), 一同捱苦,最初搵幾千蚊一個月, 住喺我外家, 禮拜尾為咗慳錢唔出街, 情人節去大家樂, 寧願慳幾毫子都唔搭冷氣巴. 大家一同努力, 又做part time 又進修, 死慳死抵, 終於喺22歲時抽到層居屋.

即使我有全職工作, 屋企亦打理得天井井有條, 因晚上幫人補習無煮飯, 但間中亦會用真空煲煲湯比我老公飲. 24歲嗰年, 我覺得佢行為開始古怪, 有時揾唔到人, 問佢同邊個去街又答得怪怪地. 於是就去查佢, 結果我發現佢做咗一堆對我唔住o既事… (點查唔講, 太長) 佢一方面成日同一個女同事出街, 一方面用icq識女仔玩one night stand, 仲喺我有一晚番呀媽度幫呀媽做嘢, 佢帶個女仔番屋企上床, 仲攪大人個肚… 我一直覺得要信任同比私人空間佢, 所以佢有時出街我亦冇問太多, 但佢利用我對佢o既信任… 當時我大受打擊, 曾在街上昏倒… 我執了行李回娘家… 我冇講咩事, 但我父母好擔心, 我爸差不多要喊出來, 同我講, 如果我們真的分開他會好傷心… 過了幾日佢來揾我, 佢喊, 話知錯, 捱咗咁多年先有今日, 相信將來個家庭會好好, 如果就咁放棄, 以前一切o既努力就白費…一d較年長o既朋友話, 叫我比次機會佢, 話佢太細個結婚, 唔識諗… 或者我太愛佢, 或者我真係好唔甘心, 我又怕呀爸傷心… 我比咗個機會佢.

佢用最快時間settle一切, 大家再慢慢回顧, 或者以前日日只顧揾錢, 無時間relax, 問題便出現… 我哋用咗半年, 之間o既關係回復以往. 大家用多一點心一同相處. 佢亦對我如以往一樣, 什至更好. 我哋學識咗除咗揾錢, 仲要兩個人間中輕鬆一下.

27歲, 我哋進修完畢, 各自得到一個學位, bb剛半歲, 在畢業禮當日一家三口合照, 好難忘. 大家亦因努力工作, 事業愈來愈好, 家庭收入増加, 有車有工人之餘, 仲換埋一間大啲 o既私人樓. 我老公話, 佢未到30已經咩 “仔”都有晒 (老婆仔,車仔,bb仔,屋仔), 好多人都話佢叻, 佢亦好自豪. 而家唔洗再等大時節都可以隨時去酒店食飯, 比小朋友去讀私校, 生活環境o既進步, 就連我倆有時都唔相信, 一切係自己一手一腳努力得番嚟. 我倆亦再一同進修碩士, 仲有一個學期就畢業了.

對於以前發生o既事, 其實只要再冇事發生, 我係可以當冇件事, 或者我係一個唔記仇o既人… 但我好唔鍾意佢玩電腦,個心覺得好唔舒服…我亦知今時今日o既年代, 冇可能唔比佢用電腦…我同自己講, 比佢上色情website都好過出去攪, 所以, 就算唔想, 就算有小小唔開心, 我都冇太大干涉. 我喺公司係一個女強人, 但一返屋企, 我就做個小女人. 我好努力工作, 都係想將來生活好d. 一切係為頭家…

但今年年頭開始,我feel 到佢唔同咗, 我問佢, 佢話冇嘢唔同, 叫我唔好亂諗. 我同佢講, 無論發生咩事, 要諗吓我哋好辛苦先有今日… 直至果晚有人打電話比我, 話見到佢同個女人平排坐食晚飯, 行為超過一般朋友, 我呆得停了好幾秒先有反應… 當晚佢返來冇咩特別, 但我心已傷透. 我知, 我真的行錯了… 但呢次, 多咗個小朋友, 我覺得好對佢唔住, 我唔應該信佢老豆, 當年唔應該行落去… 我扮唔知, 因為我想諗吓要點做, 但我忍咗兩個星期, 又因唔知佢去咗邊, 我將件事講出來,但佢死口唔認, 話我個目擊証人睇錯, 但果個人識佢十幾年, 成日見, 點會?? 最後, 佢話只係食飯, 唔講係唔想我亂諗… 我哋由此就冷戰… 我好唔開心, 但佢同個仔感情好好, 我唔想個仔唔開心… 佢而家返大陸做嘢, 一星期只有三晚喺香港, 好小打電話比我, 只會打比個仔… 上個月, 我出trip, 叫佢weekend返嚟陪個仔, 但工人話佢幾日來只陪咗個仔3個鐘, 並他時間一係玩電腦, 一係出街, 仲有晚冇喺屋企訓.

我傷心得快要死了, 佢點解一次又一次咁對我???? 我好後悔當日比個機會佢, 而家係比個機會佢hurt我, 仲有我哋個仔!!!!點解佢咁忍心咁對我?? 當佢話要bb時, 我叫佢想清楚, 如果未ready, 唔好要住, 我寧願佢玩夠先,. 佢話佢已錯過, ready做個好老豆, 但點解而家又係咁???唔通我兩個都唔夠出面o既嘢緊要????

我有想過死, 過去捱咗10年, 而家咩都冇晒, 我好想離開佢, 但怕個仔知道我哋分開會唔開心, 怕佢會怪我. 我怕個仔接受唔到(佢4歲), 佢同佢老豆好friend. 個仔係我一切, 我有諗過留低, 自己忍住, 扮冇事, 等個仔有個完美家庭… 我知我老公實話自己冇嘢, 但我真係唔知佢幾時會再hurt 我… 我應該為自己諗, 還是為個仔諗?? 我冇對人喊過, 只有自己呢埋喊… 我打中文好慢, 呢篇嘢打咗一個下午, 但我實在冇地方可以訴苦… 自問咩都做晒, 點解佢可以咁對我???

[/quote]