tweetybird 寫道:
唉..我個工人今日又無心機了。原來係接我女放學時，有個唔係好熟的同鄉喊住口問她借錢，又話要生要死，我個工人又借了錢俾她的同鄉。係她初來報到時已經同她講了，叫她小心自己的錢財，唔好去借錢，亦唔好無那那借錢俾人，因為人心難測。她都照借，她的同鄉原來就應該11月中還錢，但就係咁推，一個星期推一個星期，家下就話下個星期先還，前前後後都成個月了。我個的工人平時都好慳的，買野都唔捨得買，但家下她大那那借了2000元俾人，她個心就唔舒服，問我點..她一心想幫人，見到她情況咁慘..解自己人都呃，我只係講一樣米養百樣人，人都有好人壞人，很難講的。
最大的問題係她係出面俾人呃了，返到來我屋企就成日都以為我呃她似的，做什麼都要保障她自己。好似她就快放假回家，我叫她簽定封resignation letter，但她就將我俾她的format改晒，所有的terms和conditions都係保障她自己的，我就什麼都無，那封信變到寫唔寫都無所謂..最後我都係同她講如果唔簽，叫她放完假唔使返來我家的了。
係出面又唔見她咁醒，她借錢俾人，借據又無，人家的電話又無，住係邊又唔知，合約幾時完都唔知。只係係學校門口見到她，真係走左路都唔知。我家下叫個工人同她個同鄉講，叫她還唔到2000的，多多少少都還住些少先，再唔係分期還，仲好過渣都無埋。但這件事我唔打算involve，因為係她自己的事，她自己都要預了買個教訓，但我想問下，她除了可以叫個工人分期，還有什麼可以做呢？
發表於 
返回列表
