自由講場

跳至

首頁
1

尾頁
   0


子爵府

積分: 10595

2019勳章 15週年勳章 親子王國15週年勳章 親子王國15週年勳章


發表於 06-12-8 15:14 |顯示全部帖子

收數公司

我朋友琴日打俾我, 話佢岩岩分手個男朋友唔知問咩人借左錢。

佢琴日收到收數公司電話煩佢, 話佢EX-BF填左佢既資料俾佢地。

我朋友個EX-BF冇話過佢知要借錢, 我朋友又冇幫佢簽過任何文件。

依家個男仔失0左蹤, 連屋企都冇返(佢之前同屋企人同住, 屋企俾人貼晒大字報,門鎖又俾人塞埋) 。

我朋友話驚D收數公司攪埋佢屋企, 因為0係通話中收數佬講得出佢0係邊道住同0係邊做0野.....問我點算.....我唔識答佢, 所以上0黎請教各位!!


洋房

積分: 52


發表於 06-12-8 15:23 |顯示全部帖子

Re: 收數公司

有事時第一時間報警,宜家驚的話,去備案先.
肥仔爸 :wave:


伯爵府

積分: 17708

好媽媽勳章 醒目開學勳章 畀面勳章 環保接龍勳章 BK Milk勳章


發表於 06-12-8 15:23 |顯示全部帖子

Re: 收數公司

收數公司再打比你, 你問佢幾號電話, 你握佢話我叫佢一陣打比你, 跟住交比警察.

你而家去報左警先, 你話你好驚佢地又恐嚇又話要淋油, 警察會做野架.你話而家你自己一個住好驚, 唔敢反去.有咩再問我啦.
[img][/img][img align=left


伯爵府

積分: 16036

好媽媽勳章 畀面勳章


發表於 06-12-8 15:33 |顯示全部帖子

Re: 收數公司

先去備案,收數再打黎就錄音(佢地電話好易認,佢地通常係唔會比來電顯示,一見冇來電既電話就準備錄音)再拎去差館
錄音果時你朋友要趁機會同收數講,佢同佢ex-bf而家既關係,同埋條數佢知唔知,佢有冇做擔保....仲要反問返佢地,點會有你朋友資料,一路講一路要全程錄音


水晶宮

積分: 53757

2019新春慶豚圓 2019勳章 好媽媽勳章 王國長老


發表於 06-12-8 15:34 |顯示全部帖子

Re: 收數公司

你朋友無簽過一個字做擔保人,
佢地憑咩追你朋友呢?
大把媽咪入BB 會都比左電話地址入會,
如果比人拎左地址便要上身,咪唔得了?!
係咩財務公司呀?有次我個妹係UA 有個Loan,
佢出左差又無過數,有人打比我,
我講得兩講佢又發惡,又係話知我住邊!
我即時走去UA,搵個經理出黎嘈到佢反轉!
之後,個經理講晒對唔住,即時將我名Delete,
我仲問佢咩人打黎比我,我要投訴!!
最終我見佢講晒對唔住我先算數。
如果你朋友咩都無簽,又唔係佢親人,
係註冊財務公司,唔使上身架,大耳窿另計啦!


超級版主

積分: 76580

2019新春慶豚圓 2019勳章 2018復活節勳章 KMALL特別版勳章 好媽媽勳章 醒目開學勳章 畀面勳章 版主 BK猜猜猜慶中秋 15週年勳章 親子王國15週年勳章 親子王國15週年勳章


發表於 06-12-8 16:09 |顯示全部帖子

Re: 收數公司

而家你無野做到,報警都無用•
剩係電話追數而無電話號碼留底俾你,報左警警方都跟唔到•
假若佢地寄信俾你,而封信上面有晒聯絡電話同聯絡人,你就可以拎埋封信去報警,咁警方就會做野,出信通知財務個邊唔好再騷擾你,因為呢封信會寄埋俾銀行公會備案,因為持牌財務公司一定會有登記,佢地再騷擾非借貸人,會留 Black Record•
我早排先陪屋企人搞過一單咋•

任何人士未經本人同意不得轉載本人所發表之文章到任何媒體 (包括報章、雜誌及網站)

各位~~~我唔會介紹補習社或興趣班, 唔使 PM 問我呀, 我係唔會覆架~~~


子爵府

積分: 10595

2019勳章 15週年勳章 親子王國15週年勳章 親子王國15週年勳章


發表於 06-12-8 16:13 |顯示全部帖子

Re: 收數公司

麟媽媽 & 咕b, THANKS!!

佢就係唔知個EX問左咩人借,
本來佢都唔係太驚, 因為佢冇簽過D咩。
不過我會同佢講你既經驗, 如果D收數再打俾佢我會叫佢問下佢地係幫咩公司收, 等佢之後可以去投訴。


佢最驚係D人上去佢屋企攪事,
因為佢媽咪一向反對佢同依個男人拍拖。
俾佢媽咪知道出左D咁既事有排煩佢呀。

我自己就覺得報警冇用囉, 因為D警察係唔會理未發生既事。




首頁
1

尾頁

跳至