跳至

首頁
1

尾頁
   0


別墅

積分: 839


發表於 06-12-10 17:19 |顯示全部帖子

好辛苦...好大壓力

我6~7個月 0個陣...胸骨痛到一透氣就痛..
用力又痛..過幾日又冇事咁...之後又黎..
用手按仲痛...好似俾人打瘀左咁痛...
問醫生又話冇咩野...

最慘係個胃..可能我成日半夜食好多野..
d胃酸成日倒流去我喉嚨...又覺得成日有野頂住喉嚨
訓唔到...想嘔咁..

訓覺又唔洗5分鐘就轉一轉另一邊...
亞b又係咁踢...有時嘐到我痛一痛醒..
其實最舒服係平訓...但係
又聽講話會俾少左氧氣同血亞b...
我老公家姐上年陀到8個月個陣冇啦啦冇左個b..
唔知關唔關事..so我一打平訓就好驚亞b會死..
好大壓力..又好驚痛..由細到大都未訓過醫院..
又驚到我生0個陣冇人得閒理我..咁我同bb可能會有事..

唉..個人就黎癲..


大宅

積分: 3402


發表於 06-12-10 17:45 |顯示全部帖子

Re: 好辛苦...好大壓力

我以前個同事陀到9個月時發覺bb沒有郁, 睇政府話冇事, 點知幾日後睇c+就話bb已沒有心跳, 又有個friend陀到5個月時冇啦啦穿水, 冇左個b,我覺得有d野係註定, 最後佢地2個都成功生了bb, 我而家諗番都驚bb有事架, 不過又唔好比好大壓力自己, 一切小心d, bb會平安冇事既, 努力呀, 仲有10week到乍
稀仔係一個為食b, 乜都要試下, 而家24磅!!


別墅

積分: 630


發表於 06-12-11 01:11 |顯示全部帖子

Re: 好辛苦...好大壓力

我都有類似既問題,唔介意長氣既話同你分享下丫:-

首先,我由有咗都係半夜3、4點就要食嘢。
到咗6.5個月時,e生已經warning我唔好食咁多,怕呀b重得太快。 自此,我3、4點餓醒咗,都催眠自己再瞓多一陣先起身食。 慢慢就由3、4點拖到6、7點先至餓醒去食嘢。

下個禮拜呀b就32w啦,e生已經講呀b係大碼。 所以我依家就算5、6點餓醒都唔敢食咁多,限住自己食1包梳打餅,加一杯暖水就算啦。 寧願等到9點幾再食早餐。

而我都有胃液倒流既問題,未陀之前間唔中都會;陀住之後仲厲害,所以要食得好慢好慢,e.g食完一塊梳打餅,停差唔多2-3分鐘,先食第2塊。 同埋,你可以試下,食飯之前,先食菜,要慢慢食。 e.g.我食魚蛋粉之前,通常食菜心/芥蘭先,慢慢咬,差唔多食咗1/3,我先可始食粉。 又係要慢! 食到一半,就要小休2分鐘,先好再食;仲要當你感覺到有嘢落肚啦,就差唔多要停唔好再食。 又或者,等5分鐘先好繼續食。 咁個胃就無咁頂,同埋無咁多胃酸! 唔會下下食完就想嘔。 總之,一餐飯最起碼要食半粒鐘啦!

我都係鐘意打平瞓! 咁樣呀b無咁踼我,先至瞓得著。
但係個個都鬧,我d做咗mami既朋友都話打側瞓先好,呀b唔會被壓著,而且自己條腰骨都會好d! 佢地話唔駛驚,打側瞓時,呀b會就番你,由得佢踼一陣,跟住佢搵到舒服既位置,就唔踼。 我米硬起心腸試下,又果然得woh。 不過有時小b曳,係咁猛踼,我就要就番佢,e.g.打側瞓,用枕頭墊住隻屈曲既腳咁瞓。 又有時,佢咁都唔肯,我反來覆去都瞓唔到,唯有去梳化坐住瞓。 個零鐘左右,條腰頂唔順又返返去張床度打側瞓。

我舅母都試過臨生先發覺個b郁小咗而保唔住。 我都成日有呢個陰影。 有一次忍唔住同老公講,佢話:做父母仔女都要講緣份。 唔好overconern,只要平時呀b有足夠既郁動就夠啦。 亂咁擔心,可能適得其反。 自此之後,我就叫自己放開d,呀b幾時出嚟,點樣出嚟我都控制唔到,我只要配合佢就得啦。

你都唔好俾咁多壓力自己啦,左諗又諗都唔及muk都唔好諗!! 笑番下啦!!



venusbaby 寫道:

最慘係個胃..可能我成日半夜食好多野..
d胃酸成日倒流去我喉嚨...又覺得成日有野頂住喉嚨
訓唔到...想嘔咁..

訓覺又唔洗5分鐘就轉一轉另一邊...
亞b又係咁踢...有時嘐到我痛一痛醒..
其實最舒服係平訓...但係
又聽講話會俾少左氧氣同血亞b...
我老公家姐上年陀到8個月個陣冇啦啦冇左個b..
唔知關唔關事..so我一打平訓就好驚亞b會死..
好大壓力..又好驚痛..由細到大都未訓過醫院..
又驚到我生0個陣冇人得閒理我..咁我同bb可能會有事..

唉..個人就黎癲..


別墅

積分: 839


發表於 06-12-11 01:48 |顯示全部帖子

Re: 好辛苦...好大壓力

好多謝你地既分享同鼓勵呀...
我都唔想咁大壓力..但6299同老公都係傳統既人..
又知道左我0個個係男仔...我唔想令佢地失望.唉..

同埋我之前冇左2個都已經好唔開心..唔想有咩意外發生..


別墅

積分: 630


發表於 06-12-11 11:20 |顯示全部帖子

Re: 好辛苦...好大壓力

Venusbaby,
就正正因為為咁,所以你更加應該樂觀d,正面d去面對。
有個健康院姑娘曾經講過:第一胎既mami係最神經質,因為muk都擔心一輪。 試諗下,由有咗到依家,一路有幾多嘢係左驚右驚咁走過嚟? 當中又有幾多係白驚、無既擔心既呢?
依家都咗接近尾尾既階段,小b已經成型,好多器官感覺已經有架啦,仲更加會感應到mami既感受。 所以做mami既就更加要放開心情,好好照顧自己身體,要身心都暢快,咁呀b出嚟自然會係個開心b。 唔係第日呀b會掹掙架。

一切隨緣,多d留意胎動就得架啦。 其他既唔好諗啦! 加油呀!

同埋我之前冇左2個都已經好唔開心..唔想有咩意外發生..


子爵府

積分: 14680


發表於 06-12-11 13:20 |顯示全部帖子

Re: 好辛苦...好大壓力

盡量放鬆自己. 想食野就食少少. 想飲野又飲少少.
總之, 萬事唔好太緊張, 唔好比自己太大壓力.

打平訓, 原則上就唔太好. 但間中訓下都 ok.


大宅

積分: 2038


發表於 06-12-11 13:51 |顯示全部帖子

Re: 好辛苦...好大壓力

其實我都好擔心, 因為我朋友都試過過左預產期要催生時先發覺冇左個BB, 其實你地知唔知有冇D 咩特別原因呢? 有冇D 咩方法可以盡量避免呢? 定係一齊都係天意, 只好順其自然?? 我個小B 仲有八個星期就會出世, 希望我地大家既小寶寶都可以健健康康啦!!!

venusbaby 寫道:
好多謝你地既分享同鼓勵呀...
我都唔想咁大壓力..但6299同老公都係傳統既人..
又知道左我0個個係男仔...我唔想令佢地失望.唉..

同埋我之前冇左2個都已經好唔開心..唔想有咩意外發生..
當你見到天上星星,可有想起哥哥...


大宅

積分: 2915


發表於 06-12-11 14:37 |顯示全部帖子

Re: 好辛苦...好大壓力

有時自己成日睇報紙都見到有啲人係就生先無咗BB,咁擔心就一定會啦,但唔好成日諗,順其自然,始終好多嘢都整定,放鬆啲啦。

首頁
1

尾頁

跳至