吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有冇情緒病的JM..?

夫婦情感今日: 6|主題: 42735

收藏本版

發帖

返回列表

跳至頁

查看: 6202 | 回覆: 44

有冇情緒病的JM..? [複製鏈接]

12 3

connie_w0828

大宅

積分: 1068

1^#

發表於 13-8-24 10:55 |只看該作者 |倒序瀏覽 |打印

由二月見社工到而家, 六月見心理學家到而家.....情緒反覆.....想做既野又反覆......

辭工, 搵工, 搵到人地請我, 我補錢走, 又發現個人亂到唔識得去適應新環境....
同C6的關係一路反覆, 冇安全感, 唔信, 控制慾強,
強到一個位佢反抗得好勁, 一係要分開, 一係就不再被干涉...
而家睇到佢電話就算有DEL野, 都不敢說什麼....

心理學家建議我先睇私家精神科, 玀D藥....
再排政府....

其實點解會走到呢一步??
如果我覺得我的性格已經難改, 假如食藥可以穩定我的情緒...咁我都會一試....
但做乜要活成咁....
我唔想分開....我怕冇屋住.... 係好幼稚......爸媽唔會SUPPORT到我.......

當工作同婚姻同自己既性格都咁樣亂糟糟時....
我不知如何是好........

番工唔記得帶銀包, 冇錢, 要轉乘冇八達通.....
見工冇帶CERT.....
每日都好混亂....

點評

Macusmama 你係邊度可以約見社工?我都好需要... 發表於 13-10-17 11:34

0 0 0

私人傳訊

Lovelovebear

珍珠宮

積分: 31488

2^#

發表於 13-8-24 11:32 |只看該作者

回覆：有冇情緒病的JM..

情緒病不容忽視，你先睇私家食藥穩定左自己思緒後，再去想想自己的路怎樣去行。既然你話父母不過幫你，朋友呢？多點同朋友傾訴，再學習同老公溝通，你愈管束佢，佢愈想反抗，關係永遠不會有改善。

一定要靠自己！加油！

私人傳訊

itdididi

子爵府

積分: 13662

3^#

發表於 13-8-24 11:51 |只看該作者

回覆：有冇情緒病的JM..?

心理學家唔可以開藥，所以佢叫你睇精神科係正確咖！

都市人生活緊張，好多人都有不同程度的精神問題！樓主你去見下醫生都係好嘅！唔好諗咁多、唔好諱疾忌醫！

祝福你活得輕鬆自在、幸福快樂！

私人傳訊

catcat2056

男爵府

積分: 9752

4^#

發表於 13-8-24 12:22 |只看該作者

引用：由二月見社工到而家,+六月見心理學家到而家

原帖由 connie_w0828 於 13-08-24 發表
由二月見社工到而家, 六月見心理學家到而家.....情緒反覆.....想做既野又反覆......

辭工, 搵工, 搵到人地 ...

我有。你都睇左私家專科先，食药係一個保護網，再加上輔導會好好多，你都可以參加一啲認知治療去幫助一下。

私人傳訊

marykk

侯爵府

積分: 22886

5^#

發表於 13-8-24 12:29 |只看該作者

回覆：有冇情緒病的JM..

其實係咪因為你婚姻出問題所以唔開心?
你要keep住聽醫生意見，

其實見工唔記得帶cert都無乜野，我成日in啲人佢地都係漏這漏那，佢地好冷靜同我講話email俾我。唔記得帶銀包都係好閒，我公司個同事都成日係咁

放鬆啲

私人傳訊

boyceyan

大宅

積分: 2587

6^#

發表於 13-8-24 12:47 |只看該作者

回覆：connie_w0828 的帖子

有情緒病既人很多時會有自責既負面想法，其實情緒病也沒有甚麼大不了，我自己以至身邊朋友都有！最緊要知道自己有病，需要積極面對！加油

私人傳訊

loodychen

複式洋房

積分: 499

7^#

發表於 13-8-24 13:09 |只看該作者

回覆：有冇情緒病的JM..?

我都試過你發生嘅所有症狀，而且仲晚晚瞓唔到，最差係一食落，一個星期瘦5kgs, 食咗藥已經好返好多，原本一粒藥，現減至半粒，想法已較之前正面咗些少，我有時會睇下素黑嘅文章去調節自己，你要加油

私人傳訊

Rabe1013

大宅

積分: 1938

8^#

發表於 13-8-24 13:42 |只看該作者

回覆：有冇情緒病的JM..

加油呀樓主！精神科醫生ge藥可以令你訓得好d, 訓得好精神自然無gum緊張，諗野都正面d, 慢慢個人會放鬆，對每件事唔好太執著，就會好快好呀！

私人傳訊

connie_w0828

大宅

積分: 1068

9^#

發表於 13-8-24 17:31 |只看該作者

回覆：有冇情緒病的JM..

多謝大家鼓勵。。。

私人傳訊

秋田

大宅

積分: 1896

10^#

發表於 13-8-24 17:51 |只看該作者

本帖最後由秋田於 13-8-24 17:52 編輯

loodychen 發表於 13-8-24 13:09
我都試過你發生嘅所有症狀，而且仲晚晚瞓唔到，最差係一食落，一個星期瘦5kgs, 食咗藥已經好返好多，原本一 ...

請問你減藥使唔使做運動㗎？我已經食咗兩年精神科醫生開嘅藥（抑鬱同焦慮症），本來
係日夜都各一粒，但後尾睡眠又差番，醫生加到一粒半（夜間），我宜家都好難減到半

粒。未睇醫生之前係晚晚失眠，連續幾年都冇覺好瞓，後尾影響到全身都痛。

美麗源於自然，追求美麗人之常情！

私人傳訊

ShineMyLove

大宅

積分: 1185

11^#

發表於 13-8-24 17:54 |只看該作者

有冇情緒病的JM..?

情緒病主因係咩?

有無方式遠離 ?

私人傳訊

ShineMyLove

大宅

積分: 1185

12^#

發表於 13-8-24 17:56 |只看該作者

有冇情緒病的JM..?

見你打d字都feel 到你好亂好辛苦呀

揾心理學家幫手la

私人傳訊

April_B

男爵府

積分: 8860

BK Milk勳章

13^#

發表於 13-8-24 18:45 |只看該作者

我都試過你咁混亂...
搭地鐵都可以出錯閘.個人精神好似飄走左,
因為我有個變態上司........
後尾轉走左之後聽返原來有同事當時都去左睇醫生食藥,原因係壓力過大.
如果開藥係醫生覺得有幫助,你就聽醫生講吖, 信醫生唔會害你,佢地會幫你嘛.

私人傳訊

JasmineCheung

大宅

積分: 1683

14^#

發表於 13-8-24 18:46 |只看該作者

引用：由二月見社工到而家,+六月見心理學家到而家

原帖由 connie_w0828 於 13-08-24 發表
由二月見社工到而家, 六月見心理學家到而家.....情緒反覆.....想做既野又反覆......

辭工, 搵工, 搵到人地 ...

我都有情緒病，我覺得自己成日少少事就好忟憎，個女唔聽我話又成曰打佢，我嬲個時，個人係咁喘氣，好似人地岩岩跑完步咁，其實以前有見社工，好好多，只係唔知點解依家當嬲時會咁氣喘，我如果打完個女，或者呼渴完佢，我自己都會喊，我其實好辛苦，心情好時同正常人一樣，心情唔好時，我的行為都好得人驚，我真係好想睇個d精神科，但我又唔知係咪應該睇左公立醫院先，等佢轉介，定自己上網搵，上網搵又唔知邊間好，而且好似好貴，，唔知有無人幫到我，大概告訴我應該用邊個方法去搵，因為我心地唔壞，但發起脾氣上來，我好似一個十惡不赦的人，，希望有人幫到我

私人傳訊

connie_w0828

大宅

積分: 1068

15^#

發表於 13-8-24 21:50 |只看該作者

引用：見你打d字都feel+到你好亂好辛苦呀+揾心理

原帖由 ShineMyLove 於 13-08-24 發表
見你打d字都feel 到你好亂好辛苦呀

揾心理學家幫手la

已搵，已見了兩個月。。。

私人傳訊

YolandaTam

侯爵府

積分: 23107

16^#

發表於 13-8-24 21:54 |只看該作者

我之前係鬱躁症, 已經停藥一年.

我自己嚟講見心理學家一啲用都冇. 我係一個極之實際嘅人, 但係嗰陣見個心理學家, 只係識得收我錢, 過千銀一個鐘, 教MUSCLE RELAXATION 都兩個鐘, 一啲都冇幫處理過啲問題, 只係叫我自我催眠去逃避, 叫我一有負面情緒就幻想自己去咗個好舒服嘅地方. 我跟佢方法試, 完全唔得, 根本個問題仲喺度:

即係咁, 當時我同99關係極之惡劣, 佢一直喺各方面逼迫我, 老公又怯於佢淫威而叫我忍, 終於忍到我自殺同打老公... 當時我對99, 老公十分仇恨. 見心理學家, 佢叫我一有仇恨嘅諗法幻想去咗個好舒服嘅地方. 大佬, 我幻想完, 自我催眠咗之後, 返去同樣要面對老公唔理解, 每週同99見面都係要俾佢鬧

, 完全冇對付個問題! 最令人氣憤嘅係我俾咗二萬幾銀, 佢仲同我講個治療未開始! 結果我決定靠自己.

首先, 有信仰支持. 我向天父禱告立志放低仇恨. 另外因為已經病發, 同老公商量後決定唔再同99見面. 好彩老公終於唔再怕, 幫我頂住99. 之後就係做運動, 每日做一小時以上. 比較幸運嘅係我係FTM唔駛返工, 相對嚟講壓力冇咁大.

點評

秋田嘩，個心理學家真係搵笨，未做任何嘢已收幾萬，嚇死！

發表於 13-8-25 17:48

私人傳訊

loodychen

複式洋房

積分: 499

17^#

發表於 13-8-24 22:27 |只看該作者

引用：+本帖最後由+秋田+於+13-8-24+17:52+編輯+\\

原帖由秋田於 13-08-24 發表
本帖最後由秋田於 13-8-24 17:52 編輯

冇做運動喎，初初食唔到嘢、體重急降，開始食藥時胃口好好，突然又肥幾磅，漸漸地適應咗後，情緒又調節到就減藥

點評

秋田我食藥後都肥咗唔少。發表於 13-8-25 17:49

私人傳訊

lovelyliz

侯爵府

積分: 22970

18^#

發表於 13-8-25 00:13 |只看該作者

引用：Quote:原帖由+connie_w0828+於+13-08-24+發

原帖由 JasmineCheung 於 13-08-24 發表
我都有情緒病，我覺得自己成日少少事就好忟憎，個女唔聽我話又成曰打佢，我嬲個時，個人係咁喘氣，好似人地 ...

我都係咁，完全控制唔到自己情緒，好辛苦，唔知點開始去搵e生

私人傳訊

nicoocin

大宅

積分: 4858

19^#

發表於 13-8-27 13:39 |只看該作者

我都有躁鬱，睇左兩年幾政府精神科要晚晚食藥同keep住覆診

好老實講，聽心理學家吹水係無用既，要講催眠既話，我直頭讀過催眠治療師課程
阿sir都講，有病就去睇醫生，催眠未必適合有精神病既人(情緒病算係輕度精神病)

情緒病唔一定係諗野有問題，亦有可能係個腦/身體分泌出左問題，好多野自己都控制唔到，好似感冒咁，病左就要去醫

果陣我失眠可以四五日都訓唔到覺，狂甩頭髮，厭食，成日好躁鬧人，或者好鬱成日喊想自殺，失眠太多仲有記憶力差同埋有幻覺

最終我睇街症再轉介我睇政府醫院既精神科

一路keep住睇，醫生都會跟進我既情況去俾意見我或者安排我轉藥(例如隻藥食完會好呆好攰又或者會令我太好胃口暴肥)

去政府醫院排期可能要等幾個月，中間可以睇住私家拎藥頂陣先
不過政府睇真係平好多，而我而家既情況都比以前穩定左