大家請幫幫手！
我一向用開印印照顧屋企 ，一直相安無事。
舊年11月轉用賓賓，點知佢響5月突然去信到人民入境事務處離職，到六月頭收到政府通知先知佢辭職 （理由話我對佢唔好！）咁都算, 佢last day果日我安排左個agent做証，比清楚d last pay同回程機票錢佢，以為送走個瘟神就算。
點知今日收到勞工處嘅信，佢話要索償以下嘅錢 （跟據外傭合約條款8係僱主付責），但其實已經在我比agent 嘅費用包括左（有合約為証）：
1）來港機票 2）驗身及保險費 3）其他政府行政費（如 visa, 賓國MPF等）
雖然我有證明1 -3嘅索償我已付費比agent代辦，但我今日先知呢D錢係菲律賓間agent收個工人嘅，而我搵果間agent亦冇任何書面證明，1-3嘅費用要菲律賓agent付責。香港agent話呢D做法係”行規”所以冇任何black and white.
問題：
A) 佢告我會告得入嗎？因為即使我委托agent代付, 原來佢地冇比錢，亦即失職，但法律責任係我孭！
B) 我可以寫律師信比我所委托嘅香港agent嗎？（因為佢哋失職），律師信一般收幾錢？
C) 如果件事升級上court, 而我又不幸咁輸左，我會罰幾多？（索償額只係HKD4200), 堂費又大概幾多？
D)如果係你，你又會點做？
其實HKD4200隨時可以俾，但問題係心有不甘！太氣憤喇！求求各位朋友或過來人幫手！
發表於 
返回列表
