水怪 寫道:
你地個老公都幫下你地洗奶樽同換片呀,我老公......唉.......咩都唔曉,咁就咩都唔使做,講真我開頭咪又係乜都唔識,一生完阿b,姑娘要我自己餵奶時,我連點抱起個b都唔識呀,咪又係自己學,都無人教我架啦,我老公一句唔識就乜q都唔幫手,個b已經日喊夜喊我已經日抱夜抱架啦,個c 佬就淨係識得係到睇電視,個仔喊到咁q大聲佢都重聽到電視講咩先好野喎﹗其實我唔係要求佢幫我餵奶,淨係希望佢見我抱咁耐都主動話幫下我呀,最起碼比我知道重有人支持我呀,我依家直頭覺得好無助,由一出院到依家bb每一餐奶(包括夜奶)每一次掃風,每次換片,每次steam奶樽都係我自己做,無人幫我手,bb出世到依家我末試過有一次可以訓超過3個鐘,我咁都無產後仰"益屈"真係奇蹟﹗不過我諗再係咁落去我都就快有架啦﹗