自由講場

跳至

首頁
1

尾頁
   0


大宅

積分: 1200


發表於 06-12-13 17:20 |顯示全部帖子

小巴車死唐狗,投訴無門!!!

今日我坐小巴出外面買野,架車行行吓我見到有一隻老唐狗喺路中心,咁啱前面有客要上車,所以司機先至慢慢停車,隻老唐狗就行咗喺架車旁邊,但開車冇耐我就聽到老唐狗慘叫及感到小巴有輚過一些物體,由於當時小巴係剛剛上客,車速一d都唔會快,但個無良司機完全冇停車意思,仲繼續開車向前行....可憐老唐狗繼續慘叫,之後我聽到其他乘客講話望到隻狗已經瞓咗喺度冇郁啦(因為我唔敢望) 個司機仲要話:"抵佢死,阻住條路" ; 其後我立即打電話去食環處搵人去收老唐狗屍體,及打電話去問愛護動物協會我可以做d乜至可以舉報個司機,因為我已經抄低咗時間同埋車牌號碼,但佢哋話冇野可以做,問過警察又話告唔到個司機d乜野,個警察建議我打電話去間小巴公司投訴個司機...咁唔通眼白白睇住隻狗枉死?? 睇住個小巴司機有意車死老唐狗又不顧而去又唔理?? 咁究竟我有冇野可以做?? 有邊個機構幫到隻枉死老唐狗??

意外日期/時間 : 13/12/2006 13:57
意外地點 : 元朗唐人新村沙井路近發記士多
小巴車牌 : LY3457
小巴路線 : 31 (元朗市區 - 唐人新村)
司機姓名 : 個司機冇人性 (佢冇掛個姓名牌出嚟)
詢問警員編號 : 53945


大宅

積分: 3828


發表於 06-12-13 21:06 |顯示全部帖子

Re: 小巴車死唐狗,投訴無門!!!

我問過係無得投訴ga,因為大約一年前,我坐紅van(由旺角去元朗),經過鍾屋村附近,當時係一條大直路,小巴開得好快,其實離遠已經見到有隻大唐狗過馬路,但係個司機都唔收油,到車差唔多到時,我見到狗狗都剛剛好過左馬路喇,仲o係路邊向前行,不過當車經過時,隻狗狗個patpat比小巴撞到,仲車過左佢,好慘呀,佢叫得好大聲,個司機完全無stop,同車d人望番轉頭,話隻狗狗係度典典下,好慘......之後我都打過去投訴(包括小巴公司),佢地跟本唔當係一回事... :-( :-(
我的家有~
囉囉唆唆 嘅 煩人BaBa
傻下傻下 嘅 咕碌媽媽
少年宅男 嘅 雞仔謙哥哥
奀皮多手 嘅 豬仔浠弟弟
醜怪黏身 嘅 惡馬妹芊妍


子爵府

積分: 11633


發表於 06-12-13 21:26 |顯示全部帖子

Re: 小巴車死唐狗,投訴無門!!!

真係慘


大宅

積分: 2236


發表於 06-12-13 21:29 |顯示全部帖子

Re: 小巴車死唐狗,投訴無門!!!

唔好話車死狗定撞死人 , 呢D賤格司機都唔駛負責 ! 剛睇有線新聞講小巴超速, 條賤格司機大大聲聲叫個記者告佢 !


大宅

積分: 4128


發表於 06-12-13 22:10 |顯示全部帖子

Re: 小巴車死唐狗,投訴無門!!!

[size=xx-large]有無搞錯XYZ!!!!!!


水晶宮

積分: 66431

2019新春慶豚圓 畀面勳章


發表於 06-12-13 22:20 |顯示全部帖子

Re: 小巴車死唐狗,投訴無門!!!

係呀~ 鍾屋村呢頭(我住洪水橋)真係周不時都有死貓死狗


大宅

積分: 1200


發表於 06-12-13 22:26 |顯示全部帖子

Re: 小巴車死唐狗,投訴無門!!!

唉...我朋友話:
根據香港法例第167條規定﹕
7. 交通意外
任何人仕駕車撞倒牛, 豬, 馬, 驢, 騾, 山羊及綿羊等七類動物, 警方會列作交通意外處理及檢控司機, 但貓, 狗則不受法例保障. 但貓狗主人可循民事訴訟向司機索償

所以佢話:投訴無門是對的


大宅

積分: 1912


發表於 06-12-14 10:06 |顯示全部帖子

Re: 小巴車死唐狗,投訴無門!!!

多謝callycms講出這件事, 亦多謝你為這隻可憐狗狗抱不平.
這個賤人司機實在太冷血啦, 隻狗狗都係血有肉的, 雖然可能做唔到什麼, 但希望你可以向那間小巴公司投訴個賤司機, 因為以他這種架駛態度真的要不得, 而且引致乘客在撞到隻狗後令人驚恐及不安, 如果他是架車時再遇事不顧, 將來有可能危及其他行人!!!!
希望狗狗可以不太痛苦咁離開這個無情既世界, 可以直奔彩虹橋, 不再在人間受苦了.............
我亦有轉貼到另一網站問下人有冇意見可以提供, 但結果都係無!!!!
唉..........好感嘆!!!! 有些人可以對天星鐘樓都咁留戀, 但活生生的動物就可以咁無情及冷血對待!!!!!
人生不是單只為了走到完結 人生是在於怎樣來豐富過程 生命要活得有意義才有價值 生命只活一次不要讓它白過


大宅

積分: 2404


發表於 06-12-14 11:20 |顯示全部帖子

Re: 小巴車死唐狗,投訴無門!!!

我都住係唐人新村既,我都好多時見到d狗係路中心行,夜晚梗會訓係路中心度,好危險ar!

不過我有個揸車既朋友話,如果見到D狗冇端端走出黎,會嚮按,希望佢走,不過會照行或者轉開,因為如果急停,自己會好危險,後面D車會撞上黎,當然係人就梗係停。因為佢話好多時意外,係咁做成。咁我話咪好殘忍,佢都話都要顧自己同乘客安全。

至於今次個個小巴司機就好過份,有機會冇事,都照開車 我個次都係坐呢架車,有隻狗係路中心唔行開,個司機嚮按,隻狗竟然走埋架車度,個司機唔知,開車撞到隻狗,即刻停車,仲睇下佢有冇事先再開車。至於隻狗就行得不過就驚得濟,四圍走搵d路人,好慘ar!

不過我覺得要改善係d人唔好遺棄d狗,特別係地盤個d,先至令咁多流浪狗出現。 佢地冇屋企,係馬路行來行去,梗係危險啦。我見過有兩隻狗,為搵野食,見到一個婆婆經過,佢地走上前咬住婆婆個膠袋唔放,以為有野食,我睇到一來覺得婆婆危險,不過最後冇事,二來覺得d狗好可憐,總之d人要對自己養過既寵物負責任啦!

上述係我個人意見


大宅

積分: 4193


發表於 06-12-14 11:20 |顯示全部帖子

Re: 小巴車死唐狗,投訴無門!!!


大宅

積分: 4165


發表於 06-12-14 11:23 |顯示全部帖子

Re: 小巴車死唐狗,投訴無門!!!

但有時d cat 狗 突然跳出黎真係未必收得切...... :-|


禁止訪問

積分: 12681


發表於 06-12-14 12:23 |顯示全部帖子

Re: 小巴車死唐狗,投訴無門!!!

提示: 作者被禁止或刪除 內容自動屏蔽

首頁
1

尾頁

跳至